ព័ត៌មានជាតិ

វីងអនុញ្ញាតឲ្យអតិថិជន អាចផ្ញើប្រាក់ពីគណនីវីង ទៅគណនីវីងមិនអស់ថ្លៃសេវា

បានផុស

៥ years មុន

នៅ

ថ្ងៃចន្ទ ៥ មេសា ២០២១

ដោយ

ធនាគារឯកទេសវីង បានជូនដំណឹងដល់សាធារណជនឲ្យបានជ្រាបថា ការផ្ញើប្រាក់ពីគណនីវីង ទៅគណនីវីងផ្សេងទៀតតាមរយៈ កម្មវិធីស្មាតហ្វូនវីង (Wing Money App) នឹងមិនអស់ថ្លៃសេវាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតិថិជនវីងទាំងអស់នឹងកាន់តែងាយស្រួយជាមួយការផ្ញើប្រាក់ទៅកាន់ដៃគូម្ខាងទៀតដោយសេរីគ្រប់ពេលវេលានិងគ្រប់ទីកន្លែង ដោយគ្រាន់តែចុចពីរបីដងលើទូរសព្ទដៃរបស់ពួកគេ នោះពួកគេនឹងអាចផ្ទេរប្រាក់បានរហូតដល់២០,០០០ដុល្លារក្នុងមួយថ្ងៃ។

ការផ្តល់ជូនដ៏ពិសេសនេះនឹងធ្វើឡើងសម្រាប់តែអតិថិជនដែលធ្វើប្រតិបត្តការផ្ទេរប្រាក់តាមរយៈ កម្មវិធីស្មាតហ្វូនវីង (Wing Money App) ទៅកាន់អតិថិជនដែលមានគណនីវីងតែប៉ុណ្ណោះ ហើយការផ្តល់ជូននេះ នឹងប្រព្រឹត្តទៅចាប់ពីថ្ងៃជូនដំណឹងនេះ រហូតដល់មានការជូនដំណឹងជាថ្មី។

សម្រាប់អតិថិជនដែលមិនទាន់មាន កម្មវិធីស្មាតហ្វូនវីង អាចដំឡើងកម្មវិធីនេះដោយខ្លួនឯងបានយ៉ាងងាយស្រួលនិងឆាប់រហ័ស ដោយគ្រាន់តែចូលទៅក្នុង App Store ឬ IOS រួចទាញយក Wing Money App និងបំពេញព័ត៌មានតាមការណែនាំដើម្បីបង្កើតគណនីផ្ទាល់ខ្លួនជាការស្រេច។

ជាមួយកម្មវិធីស្មាតហ្វូនវីង អតិថិជនអាចបញ្ចូលទឹកប្រាក់ក្នុងគណនីវីងបានយ៉ាងឆាប់រហ័សគ្រប់ទីកន្លែងជាមួយភ្នាក់ងារវីងជាង៩០០០កន្លែងទូទាំងប្រទេស និងទទួលបានអត្ថប្រយោជន៍ជាច្រើនជាមួយ ការទិញទំនិញតាមអនឡាញ បង់វិក្កយបត្រទឹក ភ្លើង សំរាម និងសេវាកម្មជាច្រើនផ្សេងទៀត៕