កីឡា
Nishida ជាកីឡាករអាស៊ីម្នាក់គត់ ស្ថិតក្នុងបញ្ជីអត្តពលិកបាល់ទះ ៥ រូប លោតវាយបានខ្ពស់បំផុតក្នុងលោក
អ្នកលេងតួនាទីស្មាត់ឆ្វេងរបស់ក្រុមបាល់ទះជម្រើសជាតិ ជប៉ុន Yuji Nishida បានស្ថិតនៅក្នុងបញ្ជីកីឡាករ កីឡាការិនីបាល់ទះកំពូលទាំង ៥ រូបដែលហក់លោតវាយបាល់បានខ្ពស់ជាងគេបំផុតនៅក្នុងពិភពលោក។
នេះជារឿងដ៏គួរឱ្យភ្ញាក់ផ្អើលផងដែរ ដែលកីឡាករ Yuji Nishida បានក្លាយជាកីឡាករមកពីទ្វីប អាស៊ី ម្នាក់គត់ ស្ថិតក្នុងអត្តពលិកទាំង ៥ រូប ហក់វាយបាល់ខ្ពស់ជាងគេបំផុត។ ដោយឡែក រឿងដែលគួរឱ្យចាប់អារម្មណ៍មួយទៀតនោះ គឺក្នុងចំណោមអត្តពលិកទាំង ៥ នាក់នេះ ក៏មានកីឡាការិនីម្នាក់ផងដែរ។
ខាងក្រោមនេះ ជាឈ្មោះអត្តពលិកបាល់ទះទាំង ៥ ជាប់ឈ្មោះហក់វាយបាល់ខ្ពស់ជាងគេបំផុតគិតត្រឹមខែ សីហា ឆ្នាំ ២០២៥ នេះ៖
លំដាប់ទី៥. កីឡាករ អាមេរិក Ben Patch៖ កីឡាកររូបនេះមានវ័យ ៣១ ឆ្នាំ និងមានកម្ពស់ ២.០៣ ម៉ែត្រ។ រូបគេអាចលោតវាយបានកម្ពស់ ៣.៨២ ម៉ែត្រ និងលោតបាំងបានកម្ពស់ ៣.៥៨ម៉ែត្រ។
លំដាប់ទី៤. កីឡាករ ជប៉ុន Yuji Nishida៖ អ្នកលេងតួនាទីស្មាត់របស់ក្រុម Osaka Bluteon វ័យ ២៥ ឆ្នាំរូបនេះមានកម្ពស់ត្រឹមតែ ១.៨៦ ម៉ែត្រ ប៉ុន្តែអាចលោតវាយបានកម្ពស់ ៣.៤៦ ម៉ែត្រ និងលោតបាំងការពារបានកម្ពស់ ៣.៣០ម៉ែត្រ។
លំដាប់ទី៣. អតីតកីឡាការិនី គុយបា Mireya Luis៖ អតីតកីឡាការិនីវ័យ ៥៧ ឆ្នាំកម្ពស់ ១.៧៥ ម៉ែត្ររូបនេះធ្លាប់លេងឱ្យជម្រើសជាតិ គុយបា ពីឆ្នាំ ១៩៨៣ ដល់ ២០០១។ អ្នកនាងអាចលោតវាយបានកម្ពស់ ៣.៣៩ ម៉ែត្រ និងលោតបាំងការពារបានកម្ពស់ ៣.២៥ម៉ែត្រ។
លំដាប់ទី២. កីឡាករ គុយបា Leonel Marshall៖ កីឡាករវ័យ ៤៥ ឆ្នាំកម្ពស់ ១.៩៦ ម៉ែត្ររូបនេះ អាចលោតវាយបានកម្ពស់ ៣.៨៣ ម៉ែត្រ និងលោតបាំងការពារបានកម្ពស់ ៣.៤៣ម៉ែត្រ។
លំដាប់ទី១. កីឡាករ ប៊ុលហ្គារី Matey Kaziyski៖ កីឡាកររូបនេះមានវ័យ ៤០ ឆ្នាំ និងកម្ពស់ ២.០២ ម៉ែត្រ។ រូបគេអាចលោតវាយបានកម្ពស់ ៣.៩០ ម៉ែត្រ និងលោតបាំងការពារបានកម្ពស់ ៣.៤៣ម៉ែត្រ។
គួរបញ្ជាក់ថា ចំណាត់ថ្នាក់ ដែលកំណត់ជូនអត្តពលិកបាល់ទះទាំង ៥ រូបនេះ គឺរៀបចំឡើងដោយផ្អែកលើការគិតអំពីកម្ពស់របស់អត្តពលិក និងកម្ពស់នៃការហក់វាយបាល់៕
ប្រែសម្រួល៖ សេម កុសល
ប្រភព៖ Volleyballvault
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង