ព័ត៌មានអន្ដរជាតិ
តុលាការធម្មនុញ្ញថៃ ហាមមិនឲ្យចុះផ្សាយព័ត៌មានលម្អិតពីសវនាការរបស់ ផែនថនថាន ខ្លាចប៉ះពាល់សន្តិសុខជាតិ
តុលាការធម្មនុញ្ញរបស់ប្រទេសថៃ បានប្រកាសថានឹងប្រកាសសាលក្រមនៅថ្ងៃទី២៩ខែសីហាឆ្នាំ២០២៥ ទាក់ទងនឹងសំណុំរឿងដែលអាចកំណត់អនាគតនយោបាយរបស់លោកស្រីនាយករដ្ឋមន្ត្រី ផែនថនថាន ស៊ីណាវ៉ាត្រ។ ក្នុងពេលដំណាលគ្នានេះ តុលាការក៏បានដាក់ការហាមឃាត់យ៉ាងតឹងរ៉ឹងលើការបោះពុម្ពផ្សាយព័ត៌មានលម្អិតណាមួយពីសវនាការនាថ្ងៃទី២១សីហានេះផងដែរ ដោយហេតុផលគឺអាចប៉ះពាល់កង្វល់សន្តិសុខជាតិ។
សំណុំរឿងនេះ កើតចេញពីញត្តិដែលដាក់ដោយប្រធានព្រឹទ្ធសភា ព្រមទាំងសមាជិកព្រឹទ្ធសភា ៣៦រូប។ ពួកគេចោទប្រកាន់ថា នាយករដ្ឋមន្ត្រី ផែនថនថាន បានរំលោភលើបទដ្ឋានសីលធម៌រដ្ឋធម្មនុញ្ញ និងបង្ហាញពីការខ្វះសុចរិតភាព ដែលទាមទារឲ្យលោកស្រីត្រូវបណ្ដេញចេញពីតំណែង។ ការចោទប្រកាន់នេះ ផ្តោតលើឃ្លីបសំឡេងដែលបែកធ្លាយដែលបង្ហាញពីការសន្ទនារវាងលោកស្រី និងសម្ដេចតេជោ ហ៊ុន សែន ប្រធានព្រឹទ្ធសភាកម្ពុជា។
នៅក្នុងសម័យប្រជុំដែលធ្វើឡើងនៅថ្ងៃនេះ តុលាការបានបើកសវនាការបិទទ្វារ ដោយសាកសួរសាក្សីសំខាន់ៗ រួមទាំងនាយករដ្ឋមន្ត្រីផ្ទាល់ និងអគ្គលេខាធិការក្រុមប្រឹក្សាសន្តិសុខជាតិផងដែរ។ ប្រធានចៅក្រម Nakarin Mekratana បានបំភ្លឺថា សវនាការនេះមិនបើកចំហដើម្បីផ្សព្វផ្សាយជាសាធារណៈទេ ដោយលើកឡើងពីលក្ខណៈរស៊ើបនៃសំណុំរឿង។
តុលាការបានបញ្ជាក់ក្នុងដីកាផ្លូវការថា៖ «ករណីនេះជាការសម្ងាត់ទាក់ទងនឹងសន្តិសុខរបស់រដ្ឋ។ វាហាមឃាត់អ្នកចូលរួមទាំងអស់ពីការផ្សព្វផ្សាយខ្លឹមសារនៃការសាកសួរ និងពីការបំភ្លៃការពិត ឬចំណុចនៃច្បាប់ ក្នុងលក្ខណៈដែលអាចបំភាន់សាធារណជន»។
បន្ទាប់ពីការផ្តល់សក្ខីកម្មរយៈពេលពីរម៉ោងពីនាយករដ្ឋមន្ត្រី តុលាការបានកែសម្រួលកាលវិភាគរបស់ខ្លួន។ ដើម្បីអនុញ្ញាតឲ្យមានការពិចារណាហ្មត់ចត់ជាងនេះ កាលបរិច្ឆេទកំណត់សម្រាប់ភាគីទាំងពីរក្នុងការដាក់សេចក្តីថ្លែងការណ៍ជាលាយលក្ខណ៍អក្សរចុងក្រោយរបស់ពួកគេត្រូវបានពន្យារពេលដល់ថ្ងៃទី២៥ខែសីហា។ ទោះជាយ៉ាងណាក៏ដោយ កាលបរិច្ឆេទសម្រាប់ទឡ្ហីករណ៍ផ្ទាល់មាត់ចុងក្រោយ និងការពិភាក្សារបស់ចៅក្រមនៅតែកំណត់នៅព្រឹកថ្ងៃទី២៩ខែសីហា៕
ដោយ៖ ឈាង
ចុចអាន៖ ផែថងថាន បង្ហាញរូបធ្វើខួបកំណើតជុំគ្រួសារ មុនចូលខ្លួនបំភ្លឺនៅតុលាការធម្មនុញ្ញថ្ងៃនេះ
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ