ព័ត៌មានជាតិ
ព្រលានយន្តហោះតារាសាគរ បន្តមានការតភ្ជាប់ជើងហោះហើរក្នុងស្រុកជាប្រចាំជារៀងរាល់សប្តាហ៍
មន្រ្តីអាកាសយានដ្ឋានអន្តរជាតិតារាសាគរបានឲ្យកម្ពុជាថ្មីដឹងថា ព្រលានយន្តហោះតារាសាគរនៅតែមានការតភ្ជាប់ជើងហោះហើរក្នុងស្រុកជាប្រចាំជារៀងរាល់សប្តាហ៍ ក្រោយពេលបើកសម្ពោធជើងហោះហើរក្នុងស្រុកលើកដំបូងកាលពីចុងឆ្នាំ ២០២៤។
លោក ម៉ៅ កែវពេជ្រច័ន្ទមុន្នី នាយកអាកាសយានដ្ឋានអន្តរជាតិតារាសាគរបានប្រាប់ឲ្យដឹងថា បច្ចុប្បន្នក្រុមហ៊ុនអាកាសចរណ៍ Cambodia Airways មានប្រតិបត្តិការជើងហោះហើរមកព្រលានយន្តហោះតារាសាគរ ដោយធ្វើឡើង១ជើងក្នុង១សប្តាហ៍នៅរៀងរាល់ថ្ងៃសុក្រ។
លោក ម៉ៅ កែវពេជ្រច័ន្ទមុន្នី បានគូសបញ្ជាក់ថា តាមរយៈអាកាសយានដ្ឋានតារាសាគរ បានដើរតួនាទីយ៉ាងសំខាន់ក្នុងការតភ្ជាប់ខេត្តកោះកុងទៅកាន់អាកាសយានដ្ឋានដទៃទៀតទាំងក្នុងស្រុក និងអន្តរជាតិ ស្របពេលដែលក្រុមហ៊ុនបានដាក់ផែនការអភិវឌ្ឍហេដ្ឋារចនាសម្ពន្ធគាំទ្របន្ថែមទៀត ដើម្បីត្រៀមខ្លួនទទូលជើងហោះហើរថ្មីៗនៅពេលខាងមុខ។
ក្រោមការវិនិយោគដោយក្រុមហ៊ុន Union Development Group (UDG) ក្នុងទុនវិនិយោគប្រមាណ ២០០ លានដុល្លារ អាកាសយានដ្ឋានតារាសាគរត្រូវបានអភិវឌ្ឍជាមួយផ្លូវយន្តហោះចុះប្រវែង ៣ ២០០ ម៉ែត្រ ទទឹង ៦០ ម៉ែត្រ ដែលមានសមត្ថភាពអាចទទួលយន្តហោះប្រភេទ A-350-900 និង Boeing 777 ជាដើម។
ថ្លែងក្នុងឱកាសចូលរួមពិធីសម្ពោធបើកទទួលការហោះហើរក្នុងស្រុកលើកដំបូងមកកាន់អាកាសយានដ្ឋានអន្តរជាតិតារាសាគរ កាលពីចុងឆ្នាំ ២០២៤ លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិលបានថ្លែងថា តាមរយៈការបើកឲ្យដំណើរាការអាកាសយានដ្ឋានអន្តរជាតិតារាសាគរ នឹងជួយលើកកម្ពស់ការធ្វើពាណិជ្ជកម្ម ការជំរុញកំណើនសេដ្ឋកិច្ច រួមទាំងការអភិវឌ្ឍវិស័យទេសចរណ៍សម្រាប់ខេត្តតំបន់ឆ្នេររបស់ប្រទេសកម្ពុជា៕
-
ព័ត៌មានជាតិ៥ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៥ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៥ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ២ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម៤ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៧ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
ព័ត៌មានជាតិ៣ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ