ជីវិតកម្សាន្ដ

តបនឹងអ្នករិះគន់ ហ្វីយ៉ាតា បង្ហាញជំនឿចិត្តកាន់តែខ្លាំង ក្នុងនាមជាអ្នកតំណាងកម្ពុជាលើឆាកអន្តរជាតិ

បានផុស

៧ ខែ មុន

នៅ

ថ្ងៃពុធ ១៧ កញ្ញា ២០២៥

ដោយ

បន្ទាប់ពីបញ្ចប់ការប្រកួតវគ្គផ្តាច់ព្រ័ត្រ និងទទួលបានជ័យជំនះក្លាយជាម្ចាស់មកុដបវរកញ្ញាចក្រវាទ្បកម្ពុជាឆ្នាំ២០២៥ (Miss Universe Cambodia 2025) ថៃ នារីសុជាតា ហៅ ហ្វីយ៉ាតា បានប្រកាសអះអាងឆន្ទ:របស់ខ្លួនថា “បេះដូង និងជីវិតក្នុងនាមជាម្ចាស់មកុដ MUC 2025 លើឆាកអន្តរជាតិ”។

ការលើកឡើងរបស់មកុដ MUC2025 ហ្វីយ៉ាតាជាការឆ្លើយតបនឹងមតិវែកញែករិះគន់ពីមហាជនមួយចំនួនតូចដែលតែងវាយប្រហាមកលើរូបនាងបន្ទាប់ពីបានគ្រងមកុដបវរកញ្ញាចក្រវាទ្បកម្ពុជាឆ្នាំ២០២៥ ក្នុងវគ្គផ្តាច់ព្រ័តដែលបានធ្វើឡើងកាលពីពេលថ្មីៗ កន្លងទៅនេះ។

តាមការសង្កើតឃើញស្របពេលហ្វីយ៉ាតាក្លាយជាម្ចាស់មកុដនេះដែរ ក៏នៅតែមានមហាជនខ្លះបានផ្ទុះការវែកញែកដោយមានមួយចំនួនតូច ហាក់មិនពេញចិត្តចំពោះការទទួលបានជ័យជំនះដែលហ្វីយ៉ាតា ក្លាយជាម្ចាស់មកុដនេះឡើយ ដោយខ្លះមើលឃើញនូវចំណុចអវិជ្ជមានមួយចំនួនរបស់ ហ្វីយ៉ាតា ។

ឆ្លើយតបនឹងការរិះគន់នេះ ម្ចាស់មកុដ MUC 2025 បានបង្ហាញជំនឿចិត្តរបស់ខ្លួនកាន់តែខ្លាំង ក្នុងតំណាងកម្ពុជាលើឆាកអន្តរជាតិ ដោយគូសបញ្ជាក់ថា “ខ្ញុំមិនអាចកែការគិតនរណាម្នាក់បានទេ តែខ្ញុំអាចកែការគិតខ្ញុំបាន..ខ្ញុំដឹងថាខ្ញុំពិតស្មោះត្រង់..ហើយខ្ញុំនឹងបន្តដំណើរនេះ ដោយបេះដូង និងជីវិត”។

ជាមួយគ្នានេះ ហ្វីយ៉ាតា ក៏សម្តែងការអរគុណដល់សាធារណជនខ្មែរ ពិសេសអ្នកគាំទ្រផងដែរ ដែលតែងអាណិតស្រលាញ់ និងគាំទ្រខ្លួនរហូតក្លាយជាម្ចាស់មកុដ Miss Universe Cambodia 2025 ហ្វីយ៉ាតា ខណៈកំពុងត្រៀមតំណាងឱ្យកម្ពុជាចេញទៅប្រកួតនៅលើឆាកអន្តរជាតិ ដែលគ្រោងនឹងធ្វើឡើងនៅអំឡុងខែវិច្ឆិកា ឆ្នាំ២០២៥ ខាងមុខនេះ នៅប្រទេសថៃ ៕ ចាន់រ៉ា