Connect with us

វប្បធម៌ ជំនឿ

អបិយជំនឿជនជាតិជប៉ុនគួរឱ្យចាប់អារម្មណ៍ គ្រប់គ្នាទំនងមិនទាន់ដឹង

បានផុស

នៅ

តើអ្នកជឿលើអបិយជំនឿដែរទេ? ហើយតើធ្លាប់ដឹងអំពីអបិយជំនឿបរទេសប៉ុនណាដែរ?

ទាំងនេះជាអបិយជំនឿប្លែកៗ គួរឱ្យចាប់អារម្មណ៍ចំនួន ១៤ នៅប្រទេសជប៉ុន។ វាមានអ្វីខ្លះ? តោះអាន!

១. ដាក់ខ្នើយគេងបែរទៅទិសខាងជើង អ្នកនឹងឆាប់ស្លាប់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាជនជប៉ុនមានប្រពៃណីដាក់ខ្នើយបែរទៅទិសខាងជើងសម្រាប់តែសពនៅពេលធ្វើពិធីបុណ្យសពប៉ុណ្ណោះ។ ដូច្នេះចំពោះអ្នកនៅរស់ បើដាក់ខ្នើយគេងបែរទៅទិសនេះ គេចាត់ទុកវាជាគ្រោះអាក្រក់បំផុត ហើយបើចង់រស់នៅបានយូរ លើកតែប្ដូរទិសដៅខ្នើយ។

២. ពេលឆ្មាលុបមុខខ្លួនវា នឹងមានភ្លៀងនៅថ្ងៃស្អែក

មូលហេតុនៃអបិយជំនឿនេះ គេនិយាយថា មកពីសត្វឆ្មាអាចដឹងពីសំណើមនៅលើអាកាស និងដោយសារវាមិនចូលចិត្តភាពសើម ដូច្នេះពេលវាលាងមុខមាត់ មានន័យថា​នឹងមានសំណើមច្រើននៅលើមេឃឆាប់ៗ។

ជំនឿមុតមាំមួយទៀតក្នុងចំណោមជនជាតិជប៉ុន គឺនៅពេលមានសត្វបក្សីហោះហើរទាបៗ កៀកនឹងដី ត្រូវបានគេជឿថា ជាសញ្ញាប្រាប់ឱ្យដឹងមុនពីការធ្លាក់ភ្លៀងផងដែរ។

៣. ផឹកទឹកខ្មេះធ្វើឱ្យរាងកាយងាយស្រួលបត់បែន

នៅប្រទេសជប៉ុនទឹកខ្មះត្រូវបានចាត់ទុកជាវត្ថុរាវផ្ដល់សុខភាពល្អណាស់ ដោយសារអាចជួយសម្អាតរាងកាយនៅពេលអ្នកផឹកឬញ៉ាំវា។ មិនមានភ័ស្តុតាងវិទ្យាសាស្ត្រសម្រាប់អបិយជំនឿនេះទេ ប៉ុន្តែពលរដ្ឋជប៉ុនតែងតែរក្សាទម្លាប់ទទួលទានទឹកខ្មេះជាប្រចាំ។

៤. ស្លឹកតែនៅក្នុងពែង មានន័យថា សំណាងល្អ

File:茶柱 - nSeika.jpg - Wikimedia Commons

ពេលទៅផឹកទឹកតែនៅតាមហាងភេសជ្ជៈឬហាងអាហារក្ដី ប្រសិនស្រាប់តែមានស្លឹកតែមួយអណ្តែតនៅក្នុងពែងដោយអចេតនា គេជឿថា ថ្ងៃនេះជាថ្ងៃសំណាងល្អ។

៥. ហាមសម្អាតផ្ទះនៅថ្ងៃបុណ្យចូលឆ្នាំថ្មី

ទំនៀមទម្លាប់ស៊ីនតូ ថ្ងៃចូលឆ្នាំថ្មី គឺជាថ្ងៃដ៏ពិសិដ្ឋបំផុតនៃពេល១២ខែខាងមុខសម្រាប់ប្រជាជនជប៉ុន។ ជាថ្ងៃស្វាគមន៍ព្រះនិងនាគរាជសម្រាប់ឆ្នាំថ្មី។ ដូច្នេះប្រសិនបើសម្អាតផ្ទះនៅថ្ងៃនោះ មានន័យថា អ្នកបណ្ដេញព្រះនិងអាទិទេពចេញពីផ្ទះពេញមួយឆ្នាំ។

៦. ព្រិលធ្លាក់ខ្លាំងនៅរដូវរងានាំមកនូវភោគផលល្អនៅរដូវស្លឹកឈើជ្រុះ

ជាប្រពៃណីប្រទេសជប៉ុនធ្លាប់ជាប្រទេសកសិកម្ម ដូច្នេះការយល់ដឹងពីការផ្លាស់ប្តូររដូវនិងការយល់ដឹងអំពីអាកាសធាតុមានសារៈសំខាន់ខ្លាំងណាស់ក្នុងការទស្សទាយផលដំណាំដែលនឹងត្រូវប្រមូល។ នេះគឺជាអបិយជំនឿមួយដែលទាក់ទងនឹងអាកាសធាតុដ៏ពេញនិយមបំផុត។

៧. នៅពេលកណ្តាស់ នរណាម្នាក់កំពុងនឹកដើមអ្នក

ជំនឿនេះមិនខុសពីខ្មែរយើងប៉ុន្មានទេ។ កណ្តាស់ មានន័យថា នរណាម្នាក់កំពុងនឹកដើមអ្នក។ កណ្តាស់ពីរដង មានន័យថា នរណាម្នាក់និយាយអាក្រក់ ផ្ទុយទៅវិញបើការកណ្តាស់ ៣ ដងជាប់ៗគ្នា មានន័យថា នរណាម្នាក់លង់ស្រលាញ់អ្នកហើយ!

៨. ផ្កា Cherry រីកចេញពណ៌ស្រាល រដូវរងានឹងមានរយៈពេលយូរ

នេះក៏ជាអបិយជំនឿដែលទាក់ទងនឹងអាកាសធាតុផងដែរ។ មុនពេលមានការព្យាករណ៍អាកាសធាតុតាមបែបវិទ្យាសាស្ត្រ ប្រជាជនបានប្រើការសង្កេតរបស់ពួកគេដើម្បីស្មានអាកាសធាតុ សម្រាប់ត្រៀមសកម្មភាពគួរធ្វើក្នុងការថែទាំកសិដ្ឋាន។ នេះអាចបណ្តាលមកពីឥទ្ធិពលរបស់សាសនាស៊ីនតូដែលចាត់ទុកធម្មជាតិថា ជាដំណាក់របស់ព្រះ។

៩. ទងត្រចៀកធំ អ្នកនឹងក្លាយជាអ្នកមាន

វាជាជំនឿដែលបានមកពីរូបសំណាកមួយក្នុងចំណោមអាទិទេពសំណាងទាំងប្រាំពីរនៅក្នុងប្រទេសជប៉ុន។ ក្នុងនោះអាទិទេពមួយអង្គដែលមានទងត្រចៀកធំជាងគេ ជាតំណាងឱ្យទ្រព្យសម្បត្តិស្ដុកស្ដម្ភ។ ដោយសារបែបនេះ នរណាដែលមានត្រចៀកដូចទ្រង់ត្រូវបានគេចាត់ទុកជាមនុស្សមានសំណាង សម្បូរទ្រព្យចាយ។

១០. ដាក់ដងអំបោសចុះក្រោម អ្នកនឹងបាត់អតិថិជនចូលហាង

From Field to Factory: Broom Making! | LHF Kids

ប្រសិនបើអ្នកជាម្ចាស់អាជីវកម្មត្រូវប្រាកដថា ដាក់ដងអំបោសឱ្យបែរឡើងលើ បើមិនអ៊ីចឹងទេ ភ្ញៀវនឹងមិនចូលហាងអ្នកឡើយ។

១១. កុំបោកគក់ឬហាលសម្លៀកបំពាក់នៅពេលយប់

ប្រពៃណីជប៉ុនជឿថា សម្លៀកបំពាក់មានវិញ្ញាណរបស់ម្ចាស់ សូម្បីតែបន្ទាប់ពីស្លាប់ក៏ដោយ។ ហេតុនេះប្រសិនបើបោកគក់ឬហាលសម្លៀកបំពាក់នៅពេលយប់ ប្រៀបបាននឹងហៅព្រលឹងដូច្នោះដែរ។

១២. ការខ្សឹបខ្សៀវគ្នានៅពេលយប់ ជាការហៅពស់ឱ្យចូលក្បែរ

សត្វពស់ត្រូវបានប្រជាជនជប៉ុនខ្លាចរអាតាំងពីបុរាណកាលមក។ ដោយសារពស់មានសំឡេងខ្សាវស្រាល ហេតុនេះប្រសិនបើអ្នកផ្លុំកញ្ចែ ឬខ្សឹបខ្សៀវគ្នានៅពេលយប់ វាអាចជាការបង្ហាញថា អ្នកនៅទីណា ដើម្បីផ្ដល់សញ្ញាឱ្យពស់មករកអ៊ីចឹង។

១៣. ពេលត្រីប្រាចាប់ផ្តើមធ្វើសកម្មភាព ការរញ្ជួយដីនឹងកើតឡើងក្នុងពេលឆាប់ៗ

នេះនៅតែជាជំនឿដ៏មានប្រជាប្រិយបំផុតនៅប្រទេសជប៉ុន។ គេជឿជាក់ថា ត្រីប្រាអាចដឹងអំពីការរញ្ជួយដីលឿនជាងឧបករណ៍របស់មនុស្ស ដោយសារតែវាជាសត្វរស់ក្នុងទឹកនៅជិតស្រទាប់ផែនដី។

១៤. ដាក់ស្បែកពស់នៅក្នុងកាបូប នាំមកនូវលាភសំណាង

Black and White Python Skin Leather Wallet - VARA by Immila • Immila

សាសនិកស៊ីនតូនិយម ចាត់ទុកពស់ជាសត្វដ៏ពិសិដ្ឋ ដូច្នេះការមានស្បែករបស់វានៅក្នុងកាបូបត្រូវបានគេជឿថា នឹងនាំមកនូវសំណាងកាន់តែច្រើននៅក្នុងជីវិត៕

ប្រែសម្រួល៖ សន្យា

ប្រភព៖ tsunagu Japan

ចុចអាន៖ ប្រផ្នូលទាំង ៨ បង្ហាញថា អ្នកកំពុងត្រូវគេនិយាយដើម

ចុចអាន៖ ហាមទុកវត្ថុ ៤ នេះក្នុងផ្ទះជាដាច់ខាត ព្រោះអាចនាំអពមង្គលពេញមួយគ្រួសារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៧ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១០ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១១ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១១ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម