ដើមរាសី រុក្ខជាតិកម្ចាត់​ខ្យល់ពុល​ ជួយបង្កើនសំណាងដល់គ្រួសារនិងអាជីព

​ដើម​រាសី ​ជារុក្ខជាតិជួយ​បន្សុទ្ធ​ខ្យល់​ដ៏​អស្ចារ្យ​។ ជាពិសេសដាក់តាំងក្នុងបន្ទប់គេង រឹតតែផ្ដល់ផលល្អ អាចជួយសម្រួលឱ្យគេងលក់ស្រួលយ៉ាងស្កប់ស្កល់។ ​វា​ដើរតួ​ជា​អ្នក​កម្ចាត់​ខ្យល់ពុល​គីមី​ផ្សេងៗ ហើយ​មិនសូវរើសកន្លែងដាំឬតាំងលម្អឡើយ។

ក្រៅពីគុណសម្បត្តិផ្នែកវិទ្យាសាស្ត្រ ដើមរាសី ឬ ឫស្សីចិន តាមជំនឿជនជាតិចិន វាជាប់ទាក់ទិននឹងហុងស៊ុយជួយបង្កើនទ្រព្យសម្បត្តិ និង ភាពជោគជ័យអាជីពផងដែរ។

ជាយូរលង់មកហើយ ដើមរាសី ត្រូវបានចាត់ជារុក្ខជាតិដ៏ពិសិដ្ឋមួយដែលតំណាងឲ្យជីវិត និងសំណាងដែលពោរពេញទៅដោយភាពចម្រុងចម្រើន។ រុក្ខជាតិនេះសក្តិសមបំផុតសម្រាប់អ្នកជំនួញ ឬការរកស៊ីនានា ដោយលើកហុងស៊ុយឲ្យអាជីវកម្មររីកដុះដាលជានិច្ច។

ដើមរាសី ក៏សក្តិសមសម្រាប់គូស្នេហ៍ផងដែរ ដោយវាតំណាងឱ្យសេចក្តីស្រឡាញ់ បើជូនជាអំណោយសម្រាប់សង្សារឬស្វាមីភរិយា គេជឿថា អាចផ្ដល់ឱ្យស្នេហាកាន់តែរឹងមាំ ព្រមទាំងបង្កើនសុភមង្គលគ្រួសារ បង្កើនកូនចៅពេញផ្ទះ។

រុក្ខជាតិហុងស៊ុយមួយប្រភេទនេះជានិមិត្តសញ្ញាឱ្យការរីកចម្រើន ជួយលើករាសីឲ្យសេចក្ដីប្រាថ្នាបានសម្រេច។ ជាពិសេស អ្នកដែលជាម្ចាស់នៃដើមរាសីនឹងមានសុខភាពល្អ ព្រមជាមួយទ្រព្យសម្បត្ដិហូរចូលច្រើនទៀតផង៕

ប្រែសម្រួល៖ សន្យា

ប្រភព៖  fengshuibeginner

ចុចអាន៖ មិនចង់នាំគ្រោះចូលផ្ទះ ហាមដាំប្រទាលពស់ក្រាយនៅ​កន្លែង២នេះដាច់ខាត

ចុចអាន៖ ដើមលុយ ហុងស៊ុយទាក់ទាញទ្រព្យ នាំលាភចូលផ្ទះនិងការិយាល័យ