វប្បធម៌ ជំនឿ

ប្រភេទក្រុមឈាម នឹងបញ្ជាក់ពីបុគ្គលិកលក្ខណៈ មនុស្សឆ្នាំ «រកា»

បានផុស

២ years មុន

នៅ

ថ្ងៃសុក្រ ២៩ តុលា ២០២១

ដោយ

បើតាមចំណាំពីទំនាយនៃហោរាសាស្ត្រខ្មែរ បានបញ្ជាក់ថា មនុស្សប្រុសស្រី ដែលមានកំណើតជាឆ្នាំរកា គឺជាមនុស្សរួសរាយ មានទំនាក់ទំនងមិត្តច្រើន ពូកែលេងសើច មិនចេះខឹងច្រើន បើខឹងគឺមិនចេះគុំគេឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបីជារកាមានចំណុចល្អ តែគេក៏មានចំណុចខ្លះក៏មិនល្អខ្លាំងណាស់ណាដែរ។ ដែលនោះ គឺមនុស្សឆ្នាំមាន់មិនសូវជាហ៊ានប្រថុយ ឬសម្រេចចិត្តក្នុងកិច្ចការបានលឿនឡើយ។ ពេលខ្លះគេក៏ខ្ចិលច្រអូស រអ៊ូរទាំ និងមិនសូវហ្វាហាប់ដូចគ្នា។

មិនត្រឹមទំនាយពីបុរាណឡើយ សូម្បីតែប្រភេទឈាមក្នុងខ្លួនមាន់ ក៏អាចដឹងបានថា គេនោះជាមនុស្សប្រភេទយ៉ាងម៉េចដែរ។

១ ក្រុមឈាម O

ឆ្នាំរកាដែលមានឈាមប្រភេទ O ពួកគេមានភាពរសើបពីខាងក្នុងចិត្ត ដែលបង្ហាញថា មនុស្សនេះចូលចិត្តរីករាយនិងមានទំនាក់ទំនងល្អជាមួយអ្នកជុំវិញ។ ដូច្នេះ នេះជាឱកាសល្អ ក្នុងការចាប់យករឿងធំក្នុងជីវិត ដើម្បីទទួលបានភាពជោគជ័យនាពេលអនាគត។ ទោះជាយ៉ាងណាក៏ដោយ មាន់ក៏មានចំណុចខ្សោយមួយគឺ និយមមានទំនោរដាក់ស្តង់ដារខ្ពស់លើអ្នកដទៃ ហើយទាំងនេះអាចប៉ះពាល់ដល់មនុស្សដែលស្រឡាញ់ពួកគេ។

២ ក្រុមឈាម A

ក្រុមនេះមានទំនោរទទួលខុសត្រូវខ្ពស់ នៅពេលបំពេញភារកិច្ចនៅកន្លែងធ្វើការ។ ដូចគ្នាដែរ ក្រុមមាន់ឈាម A តែងប្រព្រឹត្តចំពោះមិត្តភក្តិដោយស្មោះត្រង់បំផុត និងអស់ពីចិត្តណាស់។ បើមានអ្នកក្បត់ឬវៀចវេរ គេដើរចេញឥតស្រណោះឡើយ។ ប៉ុន្តែពួកគេអាចជាមនុស្សអភិរក្សពេក ក្នុងការសាកល្បងអ្វីថ្មីក្នុងជីវិត ឬមិនសូវជាហ៊ានខ្លាំងឡើយ។

៣ ឈាមប្រភេទ B

ក្រុមនេះជាមនុស្សដែលមានចរិតឆេវឆាវ និងម៉្យាងទៀតគេហៅថាវង្វេងស្មារតីហូសហេតុ។ ប៉ុន្តែនៅពេលដែលពួកគេបង្ហាញពីសមត្ថភាពមិនធម្មតា ឬភាពខុសគេនៅក្នុងតំបន់ជាក់លាក់មួយ ពួកគេនឹងទាក់ទាញពីក្រុមមនុស្សដែលពេញចិត្តពួកគេយ៉ាងខ្លាំង។ មានឈាម B គឺតែងចូលចិត្តសាកល្បងរឿងថ្មីៗនិងគ្រោះថ្នាក់បំផុត។ ជីវិតគេ បើមិនប្លែក គឺមិនធ្វើនាំខាតកម្លាំងខ្លួនឡើយ។

៤ ក្រុមឈាម AB

បុគ្គលិកលក្ខណៈក្រុមនេះ ក៏ពូកែទំនាក់ទំនងនិងរួសរាយពីកំណើត ដើម្បីឈានទៅកសាងបណ្ដាញទំនាក់ទំនងបុគ្គល។ ទោះជាយ៉ាងណាក៏ដោយ ពួកគេគួរប្រុងប្រយ័ត្នចំពោះមិត្តអាក្រក់ ដែលនាំពួកគេទៅរកភាពអាក្រក់ដូចគ្នា៕

គ្រូ ណុប

ចុចអាន៖ទំនាយជោគជតា «វក» ២០២២ នឹងល្អនៅចុងឆ្នាំ

ចុចអាន៖«រោង» ឆ្នាំនេះអាចមានជម្លោះគ្រួសារ ជាពិសេសត្រូវប្រយ័ត្នការចុះហត្ថលេខាលិខិតស្នាម ឬគម្រោង