វប្បធម៌ ជំនឿ

ជំនឿ ៣ ម្ចាស់អាជីកម្មគួរតែធ្វើ ដើម្បីហៅភ្ញៀវ និងលុយកាក់ចូលមកហាង

បានផុស

២ years មុន

នៅ

ថ្ងៃពុធ ១៨ ឧសភា ២០២២

ដោយ

ប្រសិនបើអ្នកជាបុគ្គលធ្វើជំនួញជួញដូរ មិនថាក្រៅបណ្តាញ ឬតាមអ៊ីនធឺណិត ប្រាកដជាចង់ឲ្យការជួញដូរមានប្រសិទ្ធភាព លក់អស់ៗគ្មានសល់ស្តុក ហើយចំណេញថែមទៀត។

ទន្ទឹមនេះ គ្រូ ណុប មានវិធី ៣ យ៉ាង យោងតាមជំនឿខ្មែរ គឺតែងទម្លាប់ធ្វើ ដើម្បីហៅទ្រព្យ ការធ្វើអាជីវកម្មប្រកបដោយរលូន គ្មានឧសគ្គអ្វីមករារាំងឡើយ។

១ បន់ស្រន់ រក្សាសិក្ខាបទ និងសមាធិ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធីសាស្ត្រនេះនឹងជួយអ្នកឲ្យផ្ដោតអារម្មណ៍ មានការលើកទឹកចិត្ត និងស្វាហាប់ចេញពីក្នុងចិត្ត ដោយអំណាចនៃព្រះពុទ្ធ ព្រះធម៌ និងព្រះសង្ឃ នឹងជួយឲ្យអ្នកជួបតែរឿងល្អៗចូលមកក្នុងជីវិត។ ពេលសូត្រធម៌ ត្រូវគិតពីរូបព្រះពុទ្ធ ឬព្រះសង្ឃ ដែលយើងគោរព ជានិមិត្តដែលនៅជាប់ ទាក់ទាញ និងបួងសួងដោយផ្ចង់ស្មារតី ហើយអ្នកនឹងឃើញលទ្ធផលយ៉ាងឆាប់រហ័ស។

២ ប្រគេនចង្ហាន់ដល់ព្រះសង្ឃ

ការឲ្យទាន គឺជាបុណ្យមួយប្រភេទ ដែលអាចឲ្យវាសនារបស់អ្នក ទទួលបានទ្រព្យសម្បត្តិ និងលុយកាក់ហូរចូលមក។ ជាពិសេស មិនឲ្យយើងជួបភាពអត់ឃ្លាន មិនរងទុក្ខលំបាក មានបាយហូប មានជីវភាពធូរធារដូចគេឯង។

៣ ដឹងគុណឪពុកម្ដាយ និងចិញ្ចឹមលោកឲ្យមានសុភមង្គល

បុណ្យកុសលដែលមាតាបិតាធ្វើ ឬបុគ្គលដែលប្រកបដោយសេចក្ដីសុខ សេចក្ដីត្រេកអរ កាយ និងចិត្តស្ងប់ រមែងបានផលល្អ ធ្វើឲ្យជីវិតមានភាពរុងរឿង ប្រសិនបើជួបបញ្ហា នោះនឹងឆ្លងផុតពីបញ្ហាទាំងនោះ បានយ៉ាងល្អ៕

គ្រូ ណុប

ចុចអាន៖គន្លឹះ ៣ យ៉ាង ជួយឲ្យបំណងប្រាថ្នាដែលបួងសួង កាន់តែជោគជ័យ និងឆាប់បានដូចការគិត

ចុចអាន៖តើការរក្សាសីល ៥ មានប្រយោជន៍អ្វីខ្លះ ដល់ពុទ្ធសាសនិកខ្មែរគ្រប់គ្នា