វប្បធម៌ ជំនឿ

តើការរក្សាសីល ៥ មានប្រយោជន៍អ្វីខ្លះ ដល់ពុទ្ធសាសនិកខ្មែរគ្រប់គ្នា

បានផុស

៤ years មុន

នៅ

ថ្ងៃពុធ ៤ ឧសភា ២០២២

ដោយ

សិក្ខាបទទាំង ៥ នេះ ចាត់ទុកជាពាក្យប្រៀនប្រដៅរបស់ពុទ្ធសាសនិកជន ហើយគេជឿថា បើយើងរក្សាសីល៥ឲ្យបានទៀងទាត់ នោះអាចចាត់ទុកថា ជាបុណ្យកុសល និងជាគុណសម្បត្តិផ្សេងៗ ដែលមានឥទ្ធិពលវិជ្ជមានលើយើង ទាំងផ្លូវកាយ ពាក្យសំដី និងផ្លូវចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមពីលើអត្ថប្រយោជន៍នៃសិក្ខាបទទាំ៥ ដែលនាំឲ្យយើងមានទំនួលខុសត្រូវ មានមនសិការ មិនបៀតបៀន និងបង្កបញ្ហាក្ដៅក្រហាយដល់អ្នកដទៃ។ មានមនុស្សជាច្រើនទៀត ក៏មានជំនឿដែរថា កុសលនៃការរក្សាសីល៥ នឹងបានផលនៃប្រយោជន៍សម្រាប់អនាគតកាលផងដែរ។

១ វៀរចាកការសម្លាប់ (បាណាតិបាតា)

គេជឿជាក់ថា ពេលកើតមកនឹងមានសុខភាពល្អ អាយុវែង មិនមានគ្រោះថ្នាក់ណាដែលនាំឲ្យមានរបួស ឬស្លាប់មុនអាយុឡើយ។

២ វៀរចាកការលួច (អទិន្នាទានា)

មានជំនឿថា ពេលកើតមកនឹងពោរពេញដោយទ្រព្យសម្បត្តិ លុយកាក់ និងការជួញដូរ មានទ្រព្យសម្បត្តិហូរហៀរ។ ទៅអនាគតកាល អ្នកមិនជួបគ្រោះមហន្តរាយផ្សេងៗ ទាំងភ្លើងឆេះ ខ្យល់ព្យុះបកគួច ចោរឆក់ឬលួចឡើយ។

៣ វៀរចាកការប្រព្រឹត្តខុសផ្លូវភេទ (កាមេសុមិច្ឆាចារា)

យោងតាមជំនឿគេជឿថា ពេលកើតមកនឹងបានជួបស្នេហាល្អ មានកូនល្អចេះដឹងគុណឪពុកម្ដាយ នាំកិត្តិនាម លើកមុខមាត់ដល់គ្រួសារ ជាពិសេសនឹងធ្វើចិត្តចិត្តស្ងប់។

៤ វៀរចាកការនិយាយកុហក(មុសាវាទា)

ជឿជាក់ថា ពេលកើតមកនឹងក្លាយជាមនុស្សដែលមានសំឡេងពិរោះ ជាមនុស្សមានចំណេះដឹង មានការគិតល្អ ចេះយល់ថាសមហេតុផល មានប្រាជ្ញាក្នុងការចរចា អ្វីដែលអ្នកនិយាយ នរណាក៏ជឿជាក់។

៥ វៀរចាកការផឹកគ្រឿងស្រវឹង (សុរាមេរយមជ្ជប្បមាទដ្ឋានា )

គេមានជំនឿជឿថា ពេលកើតមក នោះនឹងក្លាយជាមនុស្សឆ្លាត មានគំនិតដ៏អស្ចារ្យ មិនងាយភ្លេចអ្វីងាយៗឡើយ៕

គ្រូ ណុប

ចុចអាន៖គន្លឹះ ៣ យ៉ាង ជួយឲ្យបំណងប្រាថ្នាដែលបួងសួង កាន់តែជោគជ័យ និងឆាប់បានដូចការគិត

ចុចអាន៖២ វិធី រក្សាចិត្តឲ្យជ្រះថ្លា បានទាំងបុណ្យនិងកុសលព្រមគ្នា ដោយមិនប្រើទ្រព្យ

Related Topics:ព្រះពុទ្ធសាសនា