វប្បធម៌ ជំនឿ
គ្រូវេទមន្ត មើលឃើញពេលវេលា ដែលសង្គ្រាមរុស្ស៊ី-អ៊ុយក្រែន នឹងបញ្ចប់ (មានវីដេអូ)
គ្រូវេទមន្តកុលសម្ព័ន្ធប៉េរូ មើលឃើញថា សន្តិភាពរវាងអ៊ុយក្រែន និងរុស្ស៊ីនឹងមកដល់នៅខែសីហាឆ្នាំ២០២៣ខាងមុខ។
នៅក្នុងពិធីមួយ ដែលមានទាំងសត្វពស់លូនលើរូបថតប្រធានាធិបតីអ៊ុយក្រែន Volodymyr Zelensky និងលោក Vladimir Putin របស់រុស្ស៊ីផងដែរនោះ ក្រុមគ្រូវេទមន្ត និងគ្រូបុរាណនៅរដ្ឋធានី លីម៉ា របស់ប្រទេសប៉េរូ បានទាយថា ជម្លោះនឹងបញ្ចប់នៅខែសីហាឆ្នាំក្រោយ។
នៅលើកំពូលភ្នំ San Cristobal គ្រូវេទមន្តទាំងអស់ ដែលស្លៀកពាក់ប្រពៃណី Andean បានស្វាគមន៍ឆ្នាំថ្មីនៅក្នុងពិធីបរិសុទ្ធ ដោយមានការដាក់ផ្កា ធូប ពស់រស់ និងរូបថតឥស្សរជននយោបាយសំខាន់ៗ នៅពេលពួកគេធ្វើការទស្សន៍ទាយសម្រាប់ឆ្នាំ២០២៣ខាងមុខ។
ពិធីនេះត្រូវបានធ្វើឡើងជារៀងរាល់ខែធ្នូ ដើម្បីទស្សន៍ទាយអំពីអ្វីដែលនឹងកើតឡើងក្នុងឆ្នាំថ្មី។
គ្រូវេទមន្តឈ្មោះ Cleofe Sedano បាននិយាយថា “អ្វីៗទាំងអស់នេះនឹងស្ងប់ទៅវិញ។ សន្តិភាព ភាពស្ងប់ស្ងាត់នឹងមកដល់។ នោះហើយជាអ្វីដែលយើងមើលឃើញ។ សន្ធិសញ្ញាសន្តិភាពរវាងរុស្ស៊ី និងអ៊ុយក្រែន នឹងត្រូវចុះហត្ថលេខានៅខែសីហា ឆ្នាំក្រោយ”។
ពិធីនេះបានធ្វើឡើង ១០ខែបន្ទាប់ពីរុស្ស៊ីវាយលុកអ៊ុយក្រែន ដែលបណ្តាលឲ្យមនុស្សរាប់ម៉ឺននាក់ស្លាប់។
លើសពីនេះ គ្រូវេទមន្ត និងជាប្រធានអង្គការគ្រូបុរាណនិងគ្រូវេទមន្តអន្តរជាតិ នៃប្រទេសប៉េរូ លោក Walter Alarcon បាននិយាយថា នៅឆ្នាំក្រោយនឹងមានការរញ្ជួយដី ប៉ុន្តែមិនមែននៅក្នុងរដ្ឋធានីនៃប្រទេសប៉េរូនោះទេ គឺនៅកន្លែងផ្សេងទៀត។ ប្រហែលជានៅភាគខាងជើងទ្វីបអាមេរិក ឬអាចជាសហរដ្ឋអាមេរិកតែម្តង ហើយនឹងមានសោកនាដកម្មជាច្រើន ដែលភាគច្រើនទាក់ទងនឹងជាអាកាសធាតុ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ លោក Zelensky ប្រកាសថា អ៊ុយក្រែន ជាមេដឹកនាំ ពិភពលោកសេរី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង