Connect with us

វប្បធម៌ ជំនឿ

អ្នកឧកញ៉ា គិត ម៉េង ថា កម្ពុជាមានវប្បធម៌ចម្រុះ គឺបង្ហាញពីការមិនរើសអើង

បានផុស

នៅ

អ្នកឧកញ៉ា គិត ម៉េង ម្ចាស់ក្រុមហ៊ុន Royal Group និងជាសេដ្ឋីជួរមុខមួយរូបនៅកម្ពុជា បានលើកឡើងក្នុងឱកាសចូលឆ្នាំចិនថា កម្ពុជា គឺជាប្រទេសដែលសម្បូរដោយសម្រុះជាតិសាសន៍ វប្បធម៌ តាមរយៈការប្រារព្ធពិធីផ្សេងៗ ដូចជា ចូលឆ្នាំចិន ចូលឆ្នាំខ្មែរ ដែលបង្ហាញពីការមិនរើសអើងជនជាតិដទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឧកញ៉ា លើកឡើងបែបនេះបន្ទាប់ពី កម្ពុជាបានប្រារព្ធកម្មវិធីជាច្រើន ដូចជាពិធីចូលឆ្នាំខ្មែរ ចូលឆ្នាំចិន ចូលឆ្នាំសកល និងពិធីផ្សេងៗទៀត ដែលបង្ហាញថា កម្ពុជា គឺជាប្រទេសមួយដែលសម្បូរទៅដោយសម្រុះជាតិសាសន៍ វប្បធម៌ មិនប្រកាន់ ឬ រើសអើងជាតិសាសន៍ដទៃឡើយ។ នៅត្រង់ចំណុចនេះហើយ ដែលនាំឱ្យអ្នកឧកញ៉ា គិត ម៉េង ស្រឡាញ់ប្រទេសកម្ពុជាយ៉ាងខ្លាំង។

អ្នកជំនួញល្បីល្បាញរូបនេះ បានមានប្រសាសន៍ថា៖ “រឿងមួយក្នុងចំណោមរឿងរាប់មិនអស់ដែលខ្ញុំស្រឡាញ់ប្រទេសរបស់យើង គឺយើងតែងតែអបអរវប្បធម៌ចម្រុះ និងការរួបរួមគ្នា”។ អ្នកឧកញ៉ា បានបន្តថា៖ “ដូចពាក្យដែលមនុស្សគ្រប់គ្នានៅជុំវិញពិភពលោកតែងតែនិយាយថាតៗគ្នាថា ប្រទេសកម្ពុជាគឺជាប្រទេសដែលផ្តល់ការស្វាគមន៍ និងភាពកក់ក្តៅបំផុតនៅក្នុងពិភពលោក។ យើងគឺជាជាតិសាសន៍ដែលផ្តល់ការស្វាគមន៍ និងផ្តល់ភាពកក់ក្តៅបំផុតនៅក្នុងពិភពលោកពិតមែន”។

ក្នុងឱកាសបុណ្យចូលឆ្នាំចិន-វៀតណាម ឆ្នាំ២០២៣នេះ អ្នកឧកញ៉ា គិត ម៉េង ក៏បានជូនពរប្រជាពលរដ្ឋគ្រប់គ្នាឱ្យជួបតែសេចក្តីសុខ សុភមង្គលក្នុងគ្រួសារសម្រាប់ឆ្នាំថ្មីនេះ។ ជាមួយគ្នានេះ ថ្ងៃសែនចិនគឺនៅថ្ងៃទី២១ រីឯ ថ្ងៃចូលឆ្នាំចិន គឺចំថ្ងៃទី២២ ទី២៣ និងទី២៤ ខែមករា ឆ្នាំ២០២៣នេះ៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម