Connect with us

វប្បធម៌ ជំនឿ

ជោគជតារាសីឆ្នាំទាំង ១២ មុននិងអំឡុងពេលចូលឆ្នាំថ្មី

បានផុស

នៅ

ខាងក្រោមជាជោគជតារាសីឆ្នាំទាំង ១២ មុននិងអំឡុងពេលចូលឆ្នាំថ្មីប្រពៃណីជាតិខ្មែរ ពោលគឺរាប់ចាប់ថ្ងៃទី២៩ ខែមីនា ដល់ថ្ងៃទី១៩ ខែមេសា ឆ្នាំ២០២៣!

ឆ្នាំជូត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុននិងអំឡុងពេលចូលឆ្នាំថ្មីប្រពៃណីជាតិ​ អ្នក​នឹង​រវល់​ជាមួយការងារបន្តិច ដោយមិនសូវបានចំណាយពេលសម្រាប់ខ្លួនឯងនិងគ្រួសារ។ ​កណ្តុរ​ដែលមាន​ដៃគូ​រួចហើយ​អាចកើត​មាន​ជម្លោះជាមួយដៃគូ ប៉ុន្តែពុំមែនជាជម្លោះធំដុំអ្វីទេ បើសិនអាចគ្រប់អារម្មណ៍ឆេវឆាវបាន។

ឆ្នាំឆ្លូវ

ចំពោះអ្នកធ្វើការការិយាឬស្ថាប័នអាចត្រូវតំឡើងតំណែង ឬប្រាក់រង្វាន់ ក្នុងខែនេះ។ រីឯអ្នកមានអាជីវកម្មផ្ទាល់ខ្លួន នឹងទទួលបានប្រាក់ចំណេញយ៉ាងក្រាស់ក្រែលពីអតិថិជនជិតឆ្ងាយ។

ឆ្នាំខាល

ទ្រព្យសម្បត្តិ និងប្រាក់ចំណូល របស់ខ្លានឹងកើនឡើងយ៉ាងប្រសើរ ព្រោះគម្រោងដែលអ្នកចូលរួមនឹងនាំមកនូវកម្រៃជើងសារដ៏ច្រើនលើសលុប។ ដរាបណាអ្នកបន្តខិតខំប្រឹងប្រែងច្រើនជាងអ្នកដទៃ សក្តានុពលរបស់អ្នក នឹងផ្តល់ឱ្យអ្នកនូវឱកាសល្អៗជាច្រើន។

ឆ្នាំថោះ

រាសីរបស់ទន្សាយ សំណាង​នឹង​ឡើង​ខ្ពស់នៅមុននិងអំឡុងពេលចូលឆ្នាំថ្មី ជាពិសេស​ការងារ​នឹងទទួលបានការតំឡើងប្រាក់បៀវត្សរ៍។ យ៉ាងណាមិញ ចូរប្រយ័ត្នចំពោះហិរញ្ញវត្ថុ ព្រោះនឹងចំណាយច្រើនលើសខែមុន។

ឆ្នាំរោង

អ្នកប្រកបរបររកស៊ីជួញដូរទទួលបានលាភសំណាងខ្លាំង អ្នកនឹងទទួលបានការកុម្ម៉ង់ច្រើនក្នុងខែនេះ ហើយអាចពង្រីកក្រុមការងារ និងទំហំអាជីវកម្មបានយ៉ាងរលូន។

ឆ្នាំម្សាញ់

ពស់ក៏មានរាសីខ្ពស់ដែរ ក្នុងកំលុងពេលនេះ មិនថាអាជីវកម្ម ឬក្នុងវិស័យការងារ អ្នកនឹងទទួលបានឱកាសល្អៗដែលនាំឱ្យទ្រព្យសម្បត្តិកើនឡើង។

ឆ្នាំមមី

សេះ មានសំណាងខ្លាំងខាងស្នេហា ខណៈទំនាក់ទំនងជាមួយប្ដីប្រពន្ធមានភាពផ្អែមល្ហែមនឹងគ្នាល្អណាស់។ សេះនៅលីវ អាចជួបស្នេហ៍ពិតអំឡុងពេលនេះ ប្រសិនបើអ្នកមានពេលណាត់ជួបជាមួយមនុស្សថ្មីៗ។

ឆ្នាំមមែ

ពពែ​នឹង​មាន​អ្នក​ជួយ​ជ្រោមជ្រែង​ពី​ទេវតា​ផ្នែកអាជីព​ និងទ្រព្យសម្បត្តិ។ ទ្រព្យ​​មាន​ស្ថិរភាព​ល្អ រី​ឯប្រាក់ចំណូលក៏កើនឡើង។

ឆ្នាំវក

​ទំនាក់ទំនង​ស្នេហា​ ចំពោះស្វាហាក់រាសី​ស្រុតចុះ​សម្រាប់​​ខែ​នេះ ប៉ុន្តែគ្រោះអាចទៅជាលាភ ​ត្បិតថាអ្នកនៅលីវនឹងអាចជួបគូគ្រងសមតាមចិន្តា។ ចំពោះប្រាក់ចំណូលវិញ ហូរចូលតឹងបន្តិច។

ឆ្នាំរកា

មាន់ មមាញឹកបន្តិចជាមួយការងារ ទោះបីពេលសម្រាកចូលឆ្នាំជិតមកដល់ តែពេលវេលាសម្រាកពិតប្រាកដមិនសូវមាននោះទេ។ ដូចស្វាដែរ​ មាន់នៅលីវអាចរកឃើញគូព្រេងក្នុងកំលុងពេលនេះ។

ឆ្នាំច

ជោគជតារាសីសម្រាប់ឆ្កែនឹងធ្លាក់ចុះបើធៀបនឹងដើមឆ្នាំ។ បញ្ហាភាគច្រើនទាក់ទងនឹងសុខភាព ដែលអ្នកអាចមានបញ្ហាក្នុងក្រពះ និងពោះវៀន។ ចូរ​យក​ចិត្ត​ទុក​ដាក់​ជា​ពិសេស​ចំពោះ​សុខភាព ហើយប្រសិនបើមានអារម្មណ៍មិនស្រួល គួរតែស្វែងរកការព្យាបាលភ្លាមៗ។

ឆ្នាំកុរ

​អ្នក​កើត​ឆ្នាំ​ជ្រូក ​មាន​សុខភាព​ល្អបរិបូរ​ អាជីវកម្ម​ក៏​ដំណើរការ​ល្អ ហើយ​ប្រាក់​ចំណូល​រឹតតែ​ល្អថែមទៀត​។ គ្រួសារវិញជួបតែសេចក្តីសុខគ្រប់ប្រការ៕

អត្ថបទ៖ សន្យា

ចុចអាន៖ ព្យុះព្រះអាទិត្យដែលវាយប្រហារភពផែនដី កើតឡើងពិត ដូចទំនាយលោកយាយ Baba Vanga

ចុចអាន៖ អត្ថន័យសុបិន ១៤ប្រភេទ ចាស់ៗឱ្យកត់ចំណាំទុក កុំភ្លេចឱ្យសោះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម