សេដ្ឋកិច្ច

រោងម៉ាស៊ីនកិនស្រូវ City Rice គ្រោងទិញស្រូវផ្ការំដួល ៦ ម៉ឺនតោន ពីកសិករនៅរដូវប្រមូលផលនេះ

បានផុស

៨ ខែ មុន

នៅ

ថ្ងៃព្រហស្បតិ៍ ១៣ វិច្ឆិកា ២០២៥

ដោយ

លោកឧកញ៉ា ឡាយ ឈុនហួ ម្ចាស់រោងម៉ាស៊ីនកិនស្រូវ City Rice Import Export Co., Ltd បានបញ្ជាក់ថា នៅក្នុងរដូវប្រមូលផលនេះ រោងម៉ាស៊ីនកិនស្រូវរបស់លោកគ្រោងប្រមូលទិញស្រូវផ្ការំដួលចំនួន ៦ ម៉ឺនតោនពីកសិករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ា ឡាយ ឈុនហួ បានឱ្យដឹងថា សម្រាប់ប្រភេទស្រូវផ្ការំដួលក្នុងរដូវនេះ City Rice គ្រោងទិញស្រូវចំនួន ៦ ម៉ឺនតោនដែលជាប្រភេទស្រូវសើមពីកសិករ។

បន្ថែមពីនេះ ផុតពីរដូវប្រមូលផលប្រភេទស្រូវផ្ការំដួលនេះទៅ City Rice ក៏នឹងមានគម្រោងជួយប្រមូលទិញស្រូវប្រភេទស្រូវស្រង៉ែ ស្រូវ OM54-51 ផងដែរ ដែលកសិករនឹងត្រៀមនៅក្នុងការច្រូតកាត់នៅរង្វង់ថ្ងៃទី២០ ខាងមុខនេះ នៅក្នុងខេត្តបាត់ដំបង និងខេត្តបន្ទាយមានជ័យ។

ដោយឡែកពាក់ព័ន្ធកញ្ចប់ទុនរាជរដ្ឋាភិបាល លោកឧកញ៉ា បានបញ្ជាក់ថា ចំពោះទុន ៤០ លានដុល្លារ ដែលរាជរដ្ឋាភិបាលសម្រេចទម្លាក់ដល់រោងម៉ាស៊ីនកិនស្រូវក្នុងការជួយជំរុញ និងដោះស្រាយបញ្ហាតម្លៃនោះ គឺពិតជាបានជួយយ៉ាងធំធេងនៅក្នុងការទប់តម្លៃស្រូវកុំឱ្យថោកសម្រាប់ពូជផ្ការំដួលនេះ ហើយព្រមទាំងព្យាយាមជួយជំរុញប្រភេទស្រូវមួយៗផ្សេងទៀតឱ្យអស់ពីលទ្ធភាពដើម្បីប្រមូលទិញពីកសិករឱ្យតម្លៃស្រូវមានស្ថិរភាព និងអាចឡើងថ្លៃជាងនេះបន្ថែមទៀត។

សូមជម្រាបថា សរុបសមាជិកសហព័ន្ធស្រូវអង្ករកម្ពុជា គឺមានរោងម៉ាស៊ីនកិនស្រូវប្រហែលជា ៣១ រោងម៉ាស៊ីនកិនស្រូវហើយដែលបានប្រើប្រាស់នូវកញ្ចប់ថវិកាដែលបានផ្តល់ឱ្យដោយរាជរដ្ឋាភិបាល ដើម្បីជួយទិញស្រូវពីប្រជាកសិករក្នុងតម្លៃល្អមួយ និងទប់ការធ្លាក់ចុះនៃតម្លៃស្រូវទូទៅ៕