សេដ្ឋកិច្ច

លោក ប៉ែន សុវិជាតិ៖ ការនាំចូលទំនិញពីថៃធ្លាក់ចុះខ្លាំងចាប់តាំងពីជម្លោះព្រំដែន

បានផុស

១ ខែ មុន

នៅ

ថ្ងៃសុក្រ ២៩ ឧសភា ២០២៦

ដោយ

រដ្ឋលេខាធិការ និង ជាអ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ បានមានប្រសាសន៍នៅថ្ងៃសុក្រទី ២៩ ឧសភា ២០២៦ថា ការនាំចូលទំនិញពីប្រទេសថៃ ធ្លាក់ចុះយ៉ាងគំហុក បន្ទាប់ពីមានជម្លោះព្រំដែនកម្ពុជា-ថៃ។ លោកថាមុខទំនិញខ្លះធ្លាក់ចុះជាង៧០%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានថ្លែងថា៖ «ទំនិញខ្លះថយចុះ ៧០% ប៉ុន្តែការនាំចូលមិនមែនអត់ទាំងស្រុងទេ គ្រឿងបន្លាស់រថយន្តមួយចំនួន ដែលត្រូវនាំចូលមក ពីព្រោះកាលពីមិនទាន់ឈ្លោះគ្នា រោងចក្រធ្វើម៉ាស៊ីននៅនោះ រោងចក្រធ្វើគ្រឿនៅឯនេះ រោងចក្រតម្លើងនៅឯនេះ គ្រឿងបន្លាស់កសិកម្មក៏មានការនាំចូល ប្រេង ឧស្ម័ន បន្លែ ផ្លែឈើបិទទាំងស្រុង»។

បើយោងតាមលោក បែន សុវិជាតិ ទំនិញខ្លះនៅមាននាំចូលតាមផ្លូវទឹក និងផ្លូវអាកាស ពីព្រោះយើងមិនមែនផ្ដាច់ចរន្តពាណិជ្ជកម្មទាំងស្រុងទេ យើងនៅមានចរន្តពាណិជ្ជកម្មទៅមករវាងប្រទេសទាំងពីរមិនមែនសង្គ្រាម ពាណិជ្ជកម្មត្រូវបិទទ្វារទាំងស្រុងទេ ប៉ុន្តែភាគីថៃទេដែលបិទព្រំដែនជាឯកតោភាគី ដែលគាត់គិតថា នឹងស្លាប់ ប៉ុន្តែកម្ពុជាកាន់តែរីកចម្រើន។

យោងតាមអគ្គនាយករដ្ឋានគយ និងរដ្ឋាករកម្ពុជា គិតចាប់ពីខែមករា ដល់ខែមេសា ២០២៦ ពាណិជ្ជកម្មទ្វេភាគីកម្ពុជា-ថៃសម្រេចបាន ៩២៥ ដុល្លារ ធ្លាក់ចុះ ៣៨,១% ធៀបនឹងរយៈពេលដូចគ្នានៅឆ្នាំ ២០២៥ ក្នុងនោះកម្ពុជានាំចេញទៅថៃ មានតម្លៃ ២៣៥ លានដុល្លារ ធ្លាក់ចុះជាង ២៨% ចំណែកថៃនាំចូលមកវិញមានតម្លៃ ៦៩០ លានដុល្លារ ធ្លាក់ចុះ ៤០,៨%។

នៅឆ្នាំ ២០២៥ ពាណិជ្ជកម្មទ្វេភាគីកម្ពុជា-ថៃ មានទំហំទឹកប្រាក់ ៣,៦៥ ពាន់លានដុល្លារ ធ្លាក់ចុះ ១៤,៨៦% ធៀបនឹងឆ្នាំ ២០២៤ ក្នុងនោះកម្ពុជានាំចេញទៅថៃ ៧៣២ លានដុល្លារ ធ្លាក់ចុះ ១៤,១៥% ចំណែកថៃនាំចូលមកវិញមានតម្លៃ ២,៩ ពាន់លានដុល្លារ ធ្លាក់ចុះ ១៥%៕

អត្ថបទ៖ ឡេង ដេត

Related Topics:ពហិការទំនិញថៃ