សេដ្ឋកិច្ច
រយៈពេល៩ខែឆ្នាំ២០២១ ចំណូលបានពីការនាំចេញកសិផលមានចំនួនជាង ៣,៤៨៩ លានដុល្លារ
ភ្នំពេញ ៖ ក្នុងរយៈពេល៩ខែឆ្នាំ២០២១កម្ពុជា បានទទួលចំណូលពីការនាំចេញកសិផលចំនួន ៣,៤៨៩, ៧៧៦,៩៩៩.០៥ ដុល្លារអាមេរិកដែលក្នុងនោះ ការនាំចេញ អង្ករមានចំនួន៣៤៩,៩១៤,៦៩៦ ដុល្លារអាមេរិក។ការនាំចេញស្រូវមានចំនួន ៤២៨,៩៥៤,៧១០ ដុល្លារអាមេរិកនិងការនាំចេញកសិផលក្រៅពីស្រូវ-អង្ករមានចំនួន ២,៧១០,៩០៧,៥៩៣ ដុល្លារអាមេរិក។ នេះបើយោងតាមរបាយការណ៍របស់ក្រសួងកសិកម្ម រុក្ខាប្រម៉ាញ់ និង នេសាទចេញផ្សាយនៅថ្ងៃទី១ ខែ តុលានេះ។
បរិមាណអង្ករនាំចេញមានចំនួន ៤១០ ៦៩៨ តោន មានការថយចុះចំនួន ៧៨ ០៧៧ តោន (-១៥.៩៧%) បើធៀបនឹងបរិមាណនាំចេញក្នុងរយៈពេល ៩ ខែ ឆ្នាំ ២០២០ ដែលមានចំនួន ៤៨៨,៧៧៥ តោន។ ការនាំចេញ ស្រូវមានចំនួន ២ ៥២៣ ២៦៣ តោនក្នុងរយៈពេល៩ខែឆ្នាំ ២០២១ទៅកាន់ប្រទេសវៀតណាម(មាន វិញ្ញាបនបត្រភូតគាមអនាម័យចំនួន ១ ៦២៧ ៧៤០.០២ តោន) ដែលមានការកើនឡើងចំនួន១,១៣០,៩៥៧ តោន (៨១.២៣%)បើធៀបនឹងរយៈពេលដូចគ្នានៅ ឆ្នាំ២០២០ ដែលមានចំនួន ១ ៣៩២ ៣០៦ តោន។
ដោយឡែកការនាំចេញអង្ករក្នុងខែកញ្ញាឆ្នាំ២០២១ មានចំនួន ៦៧,២៥១ តោនកើនឡើងចំនួន ២៦,៦៧៩ តោន(៦៥,៧៦%)បើធៀបនឹងខែកញ្ញាឆ្នាំ២០២០ដែល មាន ចំនួន៤០,៥៧២ តោន ។ អង្ករក្រអូបគ្រប់ប្រភេទមានចំនួន ២៨៨ ៨៣១ តោន ស្មើនឹង ៧០,៣៣% ។អង្ករសគ្រប់ប្រភេទ មានចំនួន ១១៤,៤៦៩តោនស្មើនឹង ២៧,៨៧% និង អង្ករចំហុយមានចំនួន ៧ ៣៩៨ តោន ស្មើនឹង ១,៨០% បរិមាណអង្ករបាននាំចេញទៅកាន់ទិសដៅសហភាព អឺរ៉ុបចំនួន២២ប្រទេសមានបរិមាណ សរុបចំនួន១០៤,២២២តោន(ថយចុះចំនួន ៥៧ ៣៩២ តោន ស្មើនឹង -៣៥,៥១%),ទិសដៅប្រទេសចិនមានបរិមាណសរុបចំនួន ២០៣,២៧៩ តោន(កើនឡើង ចំនួន ៣១ ៣៨៣ តោន ស្មើនឹង ១៨,២៦%) ,ទិសដៅអាស៊ានចំនួន ៧ប្រទេសមានបរិមាណសរុបចំនួន ៤១ ៤៧៦តោន (ថយចុះចំនួន ២៥ ៩៥៧ តោន ស្មើនឹង -៣៨,៤៩%) និងទិសដៅដទៃទៀតចំនួន២៣ប្រទេស មានបរិមាណសរុប ៦១ ៧២១ តោន(ថយចុះចំនួន២៦,១១១ តោន ស្មើនឹង -២៩,៧៣%)។
របាយការណ៍បានឲ្យដឹងទៀតថា ការនាំចេញកសិផលសរុបក្នុងរយៈពេល ៩ ខែ ឆ្នាំ ២០២១ មានកំណើនចំនួន ៨៨.៤៨% ក្នុងនោះកសិផលក្រៅពីអង្ករមានការ កើនឡើងចំនួន១០៧.៦៩% រីឯការនាំចេញអង្ករមានការថយចុះចំនួន-១៥,៩៧% ដោយសារកម្ពុជាជួបបញ្ហាប្រឈមនឹងកង្វះប្រភេទទូរកុងតេន័រដែលមានទំហំ ២០ ហ្វិតសម្រាប់ផ្ទុកអង្ករនិងតម្លៃដឹកជញ្ជូនកើនឡើង(យោងសេចក្តីរាយការណ៍របស់សហព័ន្ធស្រូវអង្ករកម្ពុជា)។
ក្រុមហ៊ុនដែលបាននាំចេញអង្ករមានចំនួន ៥៩ ក្រុមហ៊ុនហើយបរិមាណអង្ករដែលបាននាំចេញដោយក្រុមហ៊ុនធំៗចំនួន ១០ មានរហូតដល់ ២៩៩ ៥៣៣ តោន (៧២,៩៤%) និង ក្រុមហ៊ុន៤៩ដទៃទៀតបាននាំចេញត្រឹមតែ ១១១ ១៦៥ តោន (២៧,០៦%) ៕
ដោយ ៖ ណារី
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត