Connect with us

សេដ្ឋកិច្ច

អ្នកជំនាញសេដ្ឋកិច្ច ៖ ABA ខាតបង់ច្រើនជាងអ្នកប្រើប្រាស់ ក្នុងករណីជាប់គាំងមិនអាចចូលទៅប្រើ Mobile App

បានផុស

នៅ

បញ្ហាជាប់គាំង មិនអាចចូលទៅប្រើប្រាស់ Mobile App និងការដកសាច់ប្រាក់តាមម៉ាស៊ីន ATM របស់ធនាគារ ABA ដើម្បីប្រតិបត្តិការទូទាត់សាច់ប្រាក់ ពេញ​មួយព្រឹកថ្ងៃព្រហស្បត្តិ៍នេះ ត្រូវបានអ្នកជំនាញផ្នែកសេដ្ឋកិច្ច យល់ ឃើញថា ធនាគារមួយនេះ មានការ​ខាត​បង់ច្រើនជាងអតិថិជន ដែលជាអ្នកប្រើប្រាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បណ្ឌិត គី សេរីវឌ្ឍន៍ អ្នក​ជំនាញ​សេដ្ឋកិច្ច ​នៃ​រាជ​បណ្ឌិត្យ​សភា​កម្ពុជា មានប្រសាសន៍ប្រាប់កម្ពុជាថ្មីថា បញ្ហាជាប់គាំងមិនអាចចូលទៅប្រើប្រាស់ Mobile App និងការដកសាច់ប្រាក់តាមម៉ាស៊ីន ATM របស់ធនាគារ ABA ពេញ​មួយព្រឹកថ្ងៃទី ២៥ ខែវិច្ឆិនេះ ធ្វើ​អតិថិ​ជន​ជាអ្នកប្រើប្រាស់មួយចំនួន យល់ឃើញថាធនាគារមួយនេះ អាចនឹងមានបញ្ហាអ្វីមួយ។ ម្យ៉ាងទៀត ការជាប់​គាំងនេះ ក៏បានធ្វើឲ្យប្រតិបត្តិការទូទាត់សាច់ប្រាក់ តាមប្រព័ន្ធ Mobile App នេះ មិនអាចធ្វើទៅបានផងដែរ។

លោកថា «ប្រតិបត្តិការមួយចំនួន មិនត្រូវបានធ្វើ បែរត្រឡប់មកសាច់ប្រាក់ ហើយអាចនឹងមានមនុស្សមួយចំនួន​តូចខកខាន ដោយមិនបានប្រើប្រាស់សាច់ប្រាក់តាមខ្លួន អញ្ចឹងការគាត់រំពឹងទៅលើការទូទាត់ តាមប្រព័ន្ធធនាគារ​នេះ ត្រូវបានខកខាន»។ ទោះបីជាយ៉ាងណាក៏ដោយ បញ្ហាជាប់គាំងមិនអាចចូលទៅប្រើប្រាស់ Mobile App របស់ធនាគារ ABA ពេញមួយ​ព្រឹកកន្លងមកនេះ មានផលប៉ះពាល់តិចតួចបំផុតសម្រាប់សេដ្ឋកិច្ច ពីព្រោះប្រជា​ពលរដ្ឋ​ខ្មែរ​ភា​គច្រើន នៅតែមាន​ទម្លាប់ដាក់សាច់ប្រាក់តាមខ្លួននៅឡើយ។

អ្នកជំនាញរូបនេះ បានលើកឡើងថា ធនាគារមួយនេះ នឹងអាចខាតបង់ច្រើនជាងអតិថិជន នៅពេលមានបញ្ហា​ជាប់​គាំងបែបនេះកើតឡើង។ លោក​បណ្ឌិត គី សេរីវឌ្ឍន៍ បានបង្ហាញការយល់ឃើញថា «សម្រាប់ធនាគារវិញ គាត់ខាត​សេវាច្រើនណាស់ បើសិនជាយើងគិតទៅក្នុងវិស័យធនាគារវិញ សម្រាប់ធនាគារ ABA ខ្លួនឯងហ្នឹងគាត់ខាតច្រើន ជា​​​ជាងអ្នកប្រើប្រាស់ទៀត អញ្ចឹងហើយ ខ្ញុំជឿថា ធនាគារគាត់ប្រាកដជា នឹងស្វែងរកដំណោះស្រាយ ដើម្បីកុំឲ្យ​បញ្ហា​នេះ កើតមានជាថ្មីម្ដងទៀត»។

សូមជម្រាបថា ចាប់តាំងពីព្រឹកថ្ងៃទី ២៥ ខែវិច្ឆិកា ឆ្នាំ ២០២១ មានអ្នកប្រើប្រាស់មួយចំនួនរអ៊ូរទាំ អំពីបញ្ហាជាប់គាំងមិនអាចចូលប្រើប្រាស់ Mobile App របស់ធនាគារ ABA បាន។ ភ្នាក់ងាររបស់ធនាគារ ABA បានប្រាប់កម្ពុជាថ្មីថា ទាក់ទងជាមួយបញ្ហាជាប់គាំង Mobile App ក្រុមហ៊ុនកំពុងធ្វើការ Updating។ ដូច្នេះអតិថិជនមិនអាចចូលប្រើប្រាស់​បានទេ។ ភ្នាក់ងាររូបនេះ បាននិយាយថា «ខ្ញុំសូមបញ្ជាក់ថា ទាក់ទងជាមួយ App មិនមានបញ្ហាអីទេ ក៏មិនមានជាការ Hack អីដែរ…ព្រោះថា បញ្ហានេះគឺខាងយើងធ្វើការកែតម្រូវជាមួយ App ដើម្បីឲ្យមានភាពងាយស្រួលក្នុងការប្រើប្រាស់ជាងមុនជូនអតិថិជនរបស់យើង»។

ធនាគារ ABA បានបញ្ជាក់ថា នៅម៉ោង ២រសៀល ថ្ងៃទី ២៥ ខែវិច្ឆិកា ឆ្នាំ ២០២១តនេះទៅ អតិថិជននឹងអាចប្រើប្រាស់ Mobile App ជាធម្មតាវិញបាន ក្រោយក្រុមហ៊ុនធ្វើការ Updateរួច៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

KPT+១០ នាទី មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា២៣ នាទី មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៣៤ នាទី មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ៤៣ នាទី មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

នយោបាយ១ ម៉ោង មុន

ថ្ងៃទី​៦ នៃ​ការឃោសនា ជួប​បញ្ហា​អាកាសធាតុ​តិចតួច ដោយសា​មាន​ភ្លៀង​ធ្លាក់

Sokha Hotels

ព័ត៌មានពេញនិយម