សេដ្ឋកិច្ច
កម្ពុជា រំពឹងថា អតិផរណានឹងធ្លាក់ចុះពី ៥ភាគរយ មកត្រឹម ២,៥ភាគរយ នៅឆ្នាំ២០២៣
នៅឆ្នាំ២០២៣ខាងមុខ ប្រទេសកម្ពុជា រំពឹងថា នឹងមានអតិផរណាក្នុងរង្វង់ ២,៥ភាគរយមានការថមថយចុះជាងឆ្នាំ២០២២ ដោយសារការរំពឹងទុកនៃការវិលត្រឡប់ទៅរកប្រក្រតីភាពវិញនៃថ្លៃប្រេង និងទំនិញផ្សេងៗទៀត ក៏ដូចជាសកម្មភាពសេដ្ឋកិច្ច។
យោងតាមសារាចរណែនាំស្តីពីការរៀបចំផែនការយុទ្ធសាស្ត្រថវិកាឆ្នាំ២០២៣-២០២៥របស់រាជរដ្ឋាភិបាលដែលបានចេញផ្សាយកាលពីពេលថ្មីៗនេះ បានឱ្យដឹងថា ក្នុងឆ្នាំ២០២២នេះ អតិផរណា ត្រូវបានប៉ាន់ស្មានថា នឹងអាចកើនឡើងដល់ក្នុងរង្វង់ ៥,០ភាគរយដោយសារការកើនឡើងខ្ពស់នៃថ្លៃប្រេងអន្តរជាតិ និងថ្លៃទំនិញផ្សេងៗទៀតបណ្ដាលមកពីសង្រ្គាមរវាងរុស្ស៊ីនិងអ៊ុយក្រែន។
សម្រាប់ឆ្នាំ២០២៣ អតិផរណា ត្រូវបានរំពឹងថា នឹងថមថយមកវិញ ក្នុងរង្វង់ ២,៥ភាគរយដោយសារការរំពឹងទុកនៃការវិលត្រឡប់ទៅរកប្រក្រតីភាពវិញនៃថ្លៃប្រេងនិងទំនិញផ្សេងៗទៀត ក៏ដូចជាសកម្មភាពសេដ្ឋកិច្ច។ ចំណែកអត្រាប្ដូរប្រាក់រំពឹងថា នឹងស្ថិតក្នុងរង្វង់មធ្យមប្រចាំឆ្នាំប្រមាណ ៤០៦៥រៀល ក្នុងមួយដុល្លារអាមេរិកក្នុងឆ្នាំ ២០២២ និងឆ្នាំ២០២៣ដោយសារអន្តរាគមន៍របស់ធនាគារជាតិនៃកម្ពុជា ក្នុងការរក្សាស្ថិរភាពថ្លៃនិងទំនុកចិត្តពីសាធារណជនលើការប្រើប្រាស់ប្រាក់រៀល។
រីឯឱនភាពគណនីចរន្ត ត្រូវបានប៉ាន់ស្មានថា នឹងរួមតូចមកវិញ ក្នុងទំហំប្រមាណ ២៦,៨ភាគរយនៃផលិតផលសរុប(ផសស)ក្នុងឆ្នាំ២០២២ ធផបនឹង៤៥,៤ ភាគរយនៃផសសក្នុងឆ្នាំ២០២១ក្រោមការរំពឹងទុកនូវការត្រឡប់ទៅរកប្រក្រតីភាពនៃសមតុល្យពាណិជ្ជកម្មក្នុងខណៈដែលចំណូលពីភ្ញៀវទេសចរអន្តរជាតិនឹងប្រាក់បញ្ញើរពីក្រៅប្រទេសក៏ត្រូវបានរំពឹងថានឹងងើបឡើងវិញសន្សឹមៗស្របតាមភាពស្រាកស្រាន្តនៃស្ថានភាពនៃវិបត្តិជំងឺកូវីដ ១៩ជាបណ្ដើរៗ ។
សម្រាប់ឆ្នាំ២០២៣ ឱនភាពករណីគណនីចរន្ដរំពឹងថា នឹងបន្តរួមតូចក្នុងរង្វង់១៤,១ភាគរយនៃផលិតផលសរុបដោយសារការរំពឹងទុកនូវការបន្តកើនឡើងនៃការនាំចេញនឹងការបន្តនិន្នាការងើបឡើងនៃចំណូលពីភ្ញៀវទេសចរអន្តរជាតិ។ ជាមួយគ្នានេះរំហូរវិនិយោគផ្ទាល់ពីបរទេសសម្រាប់ឆ្នាំ២០២២ និងឆ្នាំ២០២៣ ត្រូវបានរំពឹងថា នឹងងើបឡើងក្នុងរង្វង់ ១២,០ភាគរយ នៃផសស និង១១,៦ភាគរយនៃផសសរៀងគ្នា ដោយសារការបន្តការកើនឡើងនូវទំនុកចិត្តវិនិយោគជាមួយនឹងបរិយាកាសកាន់តែអំណោយផលរបស់កម្ពុជាក្នុងបរិការណ៍នៃការផ្លាស់ប្ដូរកាន់តែលឿននូវខ្សែច្រវ៉ាក់ផលិតកម្មនិងផ្គត់ផ្គង់តំបន់និងសកលស្របពេលដែលវិបត្តិជំងឺកូវីដ១៩មានភាពស្រាក់ស្រាន្ត។
សារាចររបស់រាជរដ្ឋាភិបាលខាងលើបានបញ្ជាក់ទៀតថាជាលទ្ធផលទុនបម្រុងអន្តរជាតិសរុបត្រូវបានរំពឹងថានឹងបន្តកើនឡើងដល់ ២១២៧១និង២២១៥៥លានដុល្លារអាមេរិកដែលធានាការនាំចូលបានប្រមាណ៧,៧ និង៧,៦ខែ ក្នុងឆ្នាំ២០២២ និងឆ្នាំ២០២៣រៀងគ្នា។
គួរបញ្ជាក់ថា សម្រាប់ឆ្នាំ២០២៣ខាងមុខនេះ សេដ្ឋកិច្ចកម្ពុជា ត្រូវបានព្យាករណ៍ថានឹងសម្រេចបានអត្រាកំណើនក្នុងរង្វង់ ៦,៦ភាគរយ ដោយសារការរំពឹងទុកនៃការបន្តនិន្នាការល្អប្រសើរនៃតម្រូវការសកល និងទំនុកចិត្តវិនិយោគស្របពេលវិបត្តិជំងឺកូវីដ ១៩មានភាពស្រាកស្រាន្តខណៈឆ្នាំ២០២២សេដ្ឋកិច្ចកម្ពុជាត្រូវរំពឹងថានឹងបន្តនិន្នាការកើនឡើងក្នុងអត្រា ៥,៤ភាគរយ ដោយសារភាពល្អប្រសើរនៃតម្រូវការសកលបើទោះបីជារងប៉ះពាល់ដោយសារការផ្ទុះសង្រ្គាមរវាងរុស្ស៊ី និងអ៊ុយក្រែនយ៉ាងណាក៏ដោយ៕សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ