សេដ្ឋកិច្ច
ដំណាំឧស្សាហកម្មក្នុងខេត្តបាត់ដំបង សម្រេចបានលើសផែនការឆ្នាំ ២០២១
ខេត្តបាត់ដំបងគេចាត់ទុកថាជាខេត្តដ៏សម្បូរបែបទៅដោយទិន្នផល ដែលភាគច្រើនប្រជាកសិករតែងប្រកាន់ខ្ជាប់នៅមុខរបរកសិកម្មទាំងសាកវប្បកម្ម និងឧស្សាហកម្មរហូតដល់បច្ចុប្បន្ន ដែលបានជំរុញឲ្យសេដ្ឋកិច្ចគ្រួសារប្រសើរឡើង តាមរយះការដាំដុះបន្តវេននិងបង្កើតថ្មីតាមជំនាញ ឆ្លើយតបតាមតម្រូវការលើទីផ្សារនាពេលបច្ចុប្បន្ន។
បើយោងតាមរបាយការណ៍ពីមន្ត្រីនៃមន្ទីរជំនាញបានបង្ហាញឲ្យដឹងថា ខេត្តបាត់ដំបងក្នុងឆ្នាំ២០២២ នេះ ផែនការសម្រាប់ដំណាំសាកវប្បកម្មនិងឧស្សហកម្ម លើផ្ទៃដីសរុបចំនួន ២៣៧.៥២០ ហិកតា អនុវត្តបានចំនួន ១៨៤.៤១៥ ហិកតា ស្មើ ៧៨.១៤ភាគរយនៃផែនការ។ ខណះកាលពីឆ្នាំ ២០២១ មានផ្ទៃដីផែនការចំនួន ២៤៥.២៥០ ហិកតា ហើយអនុវត្តន៍បាន ១៧៨.៨៦៤ហិកតា ស្មើ ៧២.៩៣ភាគរយនៃផែនការ។
តាមផែនការឆ្នាំ ២០២២នេះ ផ្ទៃដីសម្រាប់ដំណាំទាំងសាកវប្បកម្ម និងឧស្សាហកម្មសរុបចំនួន ២៣៧.៥២០ហិកតា ក្នុងនោះដំណាំសាកវប្បកម្មចំនួន ២.៦១០ហិកតា និងដំណាំឧស្សាហកម្មចំនួន ២៣៤.៩១០ ហិកតា។
មន្ត្រីមន្ទីរកសិកម្មខេត្តបានបញ្ជាក់ដែរថា ដំណាំឧស្សាហកម្មក្នុងឆ្នាំនេះដែលបានអនុវត្តន៍ គិតត្រឹមកាលពីថ្ងៃទី ០៣ខែសីហា ឆ្នាំ២០២២ បានដាំដុះលើទំហំដី ២៣៤.៩១០ហិកតា នៃផែនការ ដែលបានគ្រោងទុកនោះមាន ០៦ប្រភេទ ក្នុងនោះរួមមាន: ១- ដំឡូងមី ដែលមានសន្ទុះខ្ពស់ក្នុងចំណោមដំណាំទាំង ៦ប្រភេទ អនុវត្តន៍បានលើទំហំដី ១២៥.១៣៣ ហិកតានៃផែនការ ចំនួន ១៣៩.៦០០ហិកតា ស្មើនិង ៨៩.៦៤ ភាគរយ។ ២-សណ្តែកបាយ អនុវត្តន៍បានលើទំហំដី ១.១៨៨ហិកតា នៃផែនការ ២.៤៩០ហិកតា ស្មើនិង ៤៧.៧១ភាគរយ ។ ៣-សណ្តែកសៀង អនុវត្តន៍បាន ២៩ហិកតា ស្មើ ០.៩១ ភាគរយ នៃផែនការ ៣.១៨០ហិកតា។ ៤-សណ្តែកដី អនុវត្តន៍បានលើផ្ទៃដី ៥០ហិកតា ស្មើ២.៧០ភាគរយ នៃផែនការ ១.៨៥០ហិកតា។ ៥-អំពៅ អនុវត្តន៍បានលើផ្ទៃដី ៨៧ហិកតា ស្មើនិង២៤.១៧ភាគរយ នៃផែនការ ៣៦០ ហិកតា និងទី ៦-ដំណាំល្ងអនុវត្តន៍បាន លើផ្ទៃដី ៨៩២ហិកតា ស្មើនិង៣១.៥២ភាគរយ នៃផែនការ ២.៨៣០ហិកតា។
មន្ត្រីដដែលបន្តថា ឆ្នាំនេះរំពឹងថាដំណាំឧស្សាហកម្មខាងលើនឹងមានសន្ទុះបន្ថែមទៀតក្នុងរយះពេលប៉ុន្មានខែចុងក្រោយខាងមុខនេះ ខណះអាកាសធាតុបានផ្តល់អំណោយផលឡើងវិញ៕
អត្ថបទ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ