សេដ្ឋកិច្ច
លោកបណ្ឌិត តាន់ មុនីវណ្ណ៖ ពាណិជ្ជករ ត្រូវតាមឱ្យទាន់ភាពបត់បែននៃសេដ្ឋកិច្ចពាណិជ្ជកម្មសកល
ពាណិជ្ជករទាំងអស់ត្រូវតែចេះបត់បែន និងតាមឱ្យទាន់ពីស្ថានភាពសេដ្ឋកិច្ចសកល ដែលកំពុងតែមានការផ្លាស់ប្តូរ ដើម្បីអភិវឌ្ឍ និងឆ្លើយតបតាមបញ្ហាប្រឈមជាក់ស្តែង។ នេះជាការលើកឡើងរបស់លោកបណ្ឌិត តាន់ មុនីវណ្ណ អគ្គនាយករងក្រុមហ៊ុនម៉ុង ឬទ្ធីគ្រុប និងអនុប្រធានសភាពាណិជ្ជកម្មកម្ពុជា។
លោកបណ្ឌិត តាន់ មុនីវណ្ណ បានលើកឡើងថា វិបត្តិកូវីដ-១៩ ជារបត់បញ្ហាពិភពលោកទី១ ដែលបង្កឱ្យក្រុមហ៊ុនអាជីវកម្មជាតិ និងអន្តរជាតិជាច្រើនផ្អាកដំណើរការ និងបិទទ្វារទាំងស្រុង នៅទូទាំងសកលលោក។ បន្ទាប់ពីកូវីដ បញ្ហាអ៊ុយក្រែនជាមួយរុស្ស៊ី ក៏បានជះឥទ្ធិពល ជាខ្លាំងមិនថាតែតំបន់អឺរ៉ុប និងតំបន់ផ្សេងៗ ដូចជា អាស៊ីជាដើម គឺសុទ្ធតែទទួលរងឥទ្ធិពលទាំងអស់ ដោយធ្វើឱ្យអតិផរណាកើនឡើង ការនាំចេញគ្រាប់ធញ្ញជាតិរបស់អ៊ុយក្រែនបានអាក់ខាន និងការដាក់ទណ្ឌកម្មផ្សេងៗលើរុស្ស៊ី អាចធ្វើឱ្យវិស័យកសិកម្មថយចុះ នឹងអាចឈានដល់កង្វះស្បៀងអាហារពិភពលោកក្នុងពេលខាងមុខ ជាដើម។ មិនទាន់អស់នៅឡើយ បញ្ហារវាងចិន និងតៃវ៉ាន់ ក៏អាចជះឥទ្ធិពលអាក្រក់នៅទូទាំងពិភពលោកផងដែរ។ នេះជាការបន្ថែមរបស់លោកបណ្ឌិត តាន់ មុនីវណ្ណ។
អគ្គនាយករងក្រុមហ៊ុនម៉ុង ឬទ្ធីគ្រុប បានគូសបញ្ជាក់ថា បញ្ហាទាំងអស់នេះ បានធ្វើឱ្យសេដ្ឋកិច្ចពាណិជ្ជកម្មសកលមានការប្រែប្រួល ដែលតម្រូវឱ្យពាណិជ្ជករទាំងអស់ ត្រូវចេះបត់បែនតាមកាលៈទេសៈ ដើម្បីរក្សាបានលំនឹងសេដ្ឋកិច្ចអាជីវកម្មរបស់ខ្លួនកុំឱ្យធ្លាក់ចុះ។
លោកបណ្ឌិត បានលើកឡើងថា ក្នុងបរិបទទាំងនេះ ការឈ្វេងយល់អំពីសេដ្ឋកិច្ចជាតិ ពិតជាសំខាន់។ លោកសង្កត់ធ្ងន់ថា ប្រទេសជាតិនីមួយៗ មិនអាចបន្តពឹងផ្អែកទៅលើចំណែកនៃការផ្គត់ផ្គង់របស់ប្រទេសដទៃទាំងស្រុងទៀតនោះទេ ពោលគឺពាណិជ្ជករទាំងអស់ ត្រូវតែរួមគ្នាជាប្រព័ន្ធ ចាប់ផ្តើមបង្កើនការផលិតផ្គត់ផ្គង់ដោយខ្លួនឯងនៅក្នុងប្រទេស ដើម្បីឆ្លើយតបនូវកង្វះខាតនៃផ្នែកនីមួយៗ។
លោកបណ្ឌិត តាន់ មុនីវណ្ណ ថ្លែងបែបនេះ នៅក្នុងសន្និសីទសារព័ត៌មាន ស្តីពី វេទិកាម្ចាស់អាជីវកម្ម កាលពីថ្ងៃទី ២៩ ខែ សីហា ឆ្នាំ ២០២២៕
អត្ថបទ៖ នាង រតនៈ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)