សេដ្ឋកិច្ច
ក្រុមហ៊ុន Urban Village ចុះ MOU ជាមួយសមាគមធុរកិច្ចម៉ាឡេស៊ី ដើម្បីជំរុញវិស័យអចលនទ្រព្យនៅកម្ពុជា
នៅថ្ងៃទី០១ ខែកញ្ញា ឆ្នាំ២០២២ នៅភ្នំពេញ Factory ក្រុមហ៊ុន Urban Village បានចុះអនុស្សរណៈយោគយល់គ្នាជាមួយសមាគមធុរកិច្ចម៉ាឡេស៊ី MRCA។ គោលបំណងនៃការចុះអនុស្សរណៈយោគយល់គ្នានេះ គឺដើម្បីជំរុញទំនាក់ទំនង និងកិច្ចសហប្រតិបត្តិការលើវិស័យអភិវឌ្ឍន៍អចលនទ្រព្យនៅកម្ពុជាឲ្យកាន់តែមានការរីកចម្រើនបន្ថែមទៀត។
នៅក្នុងពិធីចុះហត្ថលេខានេះ ធ្វើឡើងក្រោមវត្តមានរបស់លោក ចើយ វិចិត្រ ឯកអគ្គរាជទូកម្ពុជាប្រចាំប្រទេសម៉ាឡេស៊ី លោក Ben Li ប្រធានក្រុមហ៊ុន Urban Village និងលោក Dato Vincent Choo អនុប្រធានសមាគមធុរកិច្ចម៉ាឡេស៊ី រួមទាំងមានការចូលរួមពីសំណាក់ប្រតិភូធុរជនមកពីប្រទេសម៉ាឡេស៊ីជាច្រើនរូបទៀត។ ការចុះហត្ថលេខាលើអនុសារណៈរវាងភាគីឯកជនទាំងពីរនេះ បន្ទាប់ពីប្រទេសកម្ពុជាបានបើកប្រទេសឡើងវិញ ក្រោយស្ថានភាពរាតត្បាតនៃមេរោគកូវីដ១៩ បានធូរស្រាល និងថមថមចុះជាលំដាប់នៅកម្ពុជា។
លោក ចើយ វិចិត្រ ឯកអគ្គរាជទូតកម្ពុជាប្រចាំម៉ាឡេស៊ី បានបញ្ជាក់ថា បេសកកម្មរបស់សមាគមធុរកិច្ចម៉ាឡេស៊ី មកកាន់ប្រទេសកម្ពុជានេះ ជាលើកទី២ ដែលមានសមាជិកប្រតិភូចំនួន ៦០រូប តំណាងក្រុមហ៊ុនចំនួន ៤៣ សុទ្ធសឹងតែជាធុរជនធំៗក្នុងប្រទេសម៉ាឡេស៊ី។ លោកឯកអគ្គរាជទូត លើកឡើងថា ទស្សនកិច្ចនេះ គឺផ្ដោតលើវិស័យអចលនទ្រព្យ ម្ហូបអាហារ សុខាភិបាល អប់រំ ពាណិជ្ជកម្ម និងបច្ចេកវិទ្យា ។
លោក ចើយ វិចិត្រ បន្ថែមថា គោលបំណងសំខាន់នៃការនាំក្រុមធុរកិច្ចម៉ាឡេស៊ីមកកាន់ប្រទេសកម្ពុជានេះ គឺដើម្បីជំរុញវិនិយោគ និងការធ្វើពាណិជ្ជកម្មទ្វេរភាគី ក៏ដូចជាការផ្ដល់កាលានុវត្តភាពផ្សេងៗសម្រាប់ផលប្រយោជន៍ទៅវិញទៅមកនៅក្នុងវិស័យឯកជន ជាពិសេស លើកទឹកចិត្តដល់វិនិយោគិនបរទេសមកកាន់កម្ពុជា ក្រោយវិបត្តិកូវីដ១៩។
បើតាមតំណាងសមាគមធុរកិច្ចម៉ាឡេស៊ី ការសម្រេចចិត្តធ្វើដំណើរមកកម្ពុជានេះ គឺដោយមើលឃើញថា កម្ពុជា ជាទិស ដៅវិនិយោគដ៏មានសក្តានុពលមួយនៅក្នុងតំបន់ ហើយរាជរដ្ឋាភិបាលកម្ពុជាមានការគ្រប់គ្រងមេរោគកូវីដ១៩ បានយ៉ាងល្អប្រសើរដែលនេះជាឱកាសមួយដើម្បីឲ្យក្រុមធុរកិច្ចរបស់ម៉ាឡេស៊ីធ្វើការសិក្សា និងស្វែងរកឱកាសសម្រាប់ការវិនិយោគ លើវិស័យអាទិភាពមួយចំនួននៅក្នុងប្រទេសកម្ពុជា៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ