Connect with us

សេដ្ឋកិច្ច

លោក ឌិត ទីណា ប្រកាសរកក្រុមហ៊ុនផលិត និងនាំចូលជីតម្លៃថោកដើម្បីជួយកសិករកម្ពុជា

បានផុស

នៅ

​រដ្ឋមន្រ្តីក្រសួងកសិកម្ម លោក ឌិត ទីណា បានប្រកាសរកក្រុមហ៊ុនដែលមានសមត្ថភាពអាចផលិតជី ឬនាំចូលជីដែលមានតម្លៃថោក ដើម្បីជួយកសិករកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងជំនួបសំណេះសំណាលជាមួយអ្នកសារព័ត៌មាន នៅរសៀលថ្ងៃទី ០៦ ខែ ធ្នូ លោក ឌិត ទីណា គាំទ្រចំពោះក្រុមហ៊ុនផលិត ឬអាចនាំចូលជីមានគុណភាពល្អតម្លៃថោកជួយដល់កសិករ ក្នុងវិស័យកសិកម្ម លោកស្វាគមន៍ និងអនុញ្ញាតឱ្យធ្វើភ្លាម។ លោកបន្តដូច្នេះថា«​បើមានអ្នកណានាំចូលជីតម្លៃថោកបានល្អ ខ្ញុំប្រគល់ឱ្យអ្នកនឹងយកជីមកលក់ឱ្យប្រជាកសិករភ្លាម…ធ្វើឱ្យត្រឹមត្រូវជីមានគុណភាពគ្រប់គ្រាន់ ប្រគល់ជូនហើយ»។

ប៉ុន្តែលោកថា ក្នុងស្ថានភាពបច្ចុប្បន្ន ក្រុមហ៊ុននានាពិនិត្យឃើញថា ការនាំចូលក្នុងកាលៈទេសៈនេះ មិនចំណេញ ក្រុមហ៊ុនមិននាំចូលនោះទេ។ លោកបន្ថែមថា វិបត្តិរវាងរុស្ស៊ី អ៊ុយក្រែន បានបង្កឱ្យប្រេងឡើងថ្លៃ ពោលគឺប្រេង​ដែលជាវត្ថុធាតុដើមយកមកធ្វើជាជីក៏ឡើងថ្លៃដូចគ្នា ដូច្នេះក្រុមហ៊ុននាំចូលថ្មីៗមិនអាចប្រកួតប្រជែងជាមួយក្រុមហ៊ុនជី​ដែលមានស្រាប់នៅក្នុងស្រុកបានឡើយ។ មានន័យថា ក្រសួងបានសិក្សាពិនិត្យលើបញ្ហានេះ រួចរាល់អស់ហើយ។

លោករដ្ឋមន្រ្តីបានសង្កត់ធ្ងន់ថា« ខ្ញុំរកអស់ហើយ ប៉ុន្តែបើមានក្រុមហ៊ុនណា ដឹងថា ទិញជីពីណាបានថោក ខ្ញុំអនុញ្ញាតឱ្យធ្វើភ្លាម»។

នៅក្នុងជំនួបជាមួយឯកអគ្គរដ្ឋទូតឥណ្ឌាប្រចាំកម្ពុជា នាពេលថ្មីៗនេះ លោក ឌិត ទីណា ក៏បានស្នើដល់ភាគី​ឥណ្ឌាសិក្សាលទ្ធភាពលើការនាំចូលជីដែលមានគុណភាពល្អ និងតម្លៃថោកសមរម្យ ដើម្បីបម្រើនៅក្នុងវិស័យកសិកម្ម ជួយដល់កសិករកម្ពុជាផងដែរ។

ការលើកឡើងរបស់លោក ឌិត ទីណា ឆ្លើយតបទៅនឹងសំណូមពររបស់ប្រជាពលរដ្ឋ ដែលតែងតែចង់ឱ្យរដ្ឋមន្រ្តីក្រសួង​កសិកម្ម ជួយអន្តរាគមន៍បញ្ចុះតម្លៃជីគីមី ប្រេង និងថ្នាំសម្លាប់សត្វល្អិតជាដើម។ ប្រជាកសិករ បានលើកឡើងថា ជីមានតម្លៃថ្លៃ គឺនាំឱ្យពួកគេប្រកបរបរកសិកម្ម មិនទទួលបានប្រាក់ចំណេញ ថែមទាំងចូលដើមទៀតផង។

ទោះយ៉ាងណា ក្នុងរយៈពេលជាង ៥០ថ្ងៃនៃការចូលកាន់តំណែងរបស់លោក ឌិត ទីណា ជារដ្ឋមន្រ្តីក្រសួងកសិកម្ម បានជួយដោះស្រាយបញ្ហាជាប់គាំជាច្រើនក្នុងវិស័យកសិកម្ម ដោយក្នុងនោះមានដូចជា ការសហការជាមួយរោងម៉ាស៊ីន​កិនស្រូវទិញស្រូវកសិករក្នុងតម្លៃសមរម្យ ការជួយរកទីផ្សារជូនប្រជាកសិករ និងចុះជួបកសិករតាមមូលដ្ឋានជាប្រចាំ ដោយលោកអះអាងថា ពុំមានថ្ងៃសៅរ៍ ឬអាទិត្យនោះឡើយ។

លើសពីនេះទៀត លោក ឌិត ទីណា មានផែនការយុទ្ធសាស្រ្តកំណែទម្រង់វិស័យកសិកម្មទាំងមូលផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២៤ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៤០ នាទី មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ២ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម