សេដ្ឋកិច្ច

ដើមឆ្នាំថ្មី តម្លៃផ្សារភាគហ៊ុន Apple ធ្លាក់ចុះក្រោម ២ ពាន់ពាន់លានដុល្លារ

បានផុស

៤ years មុន

នៅ

ថ្ងៃពុធ ៤ មករា ២០២៣

ដោយ

តម្លៃទីផ្សារភាគហ៊ុន Apple កាលពីថ្ងៃអង្គារបានធ្លាក់ចុះជិត ៤ ភាគរយ ដែលបានទាញទម្លាក់តម្លៃទីផ្សារហ៊ុនរបស់ Apple ឲ្យមកនៅក្រោមតម្លៃ ២ ពាន់ពាន់លានដុលា្លរវិញជាលើកដំបូងនាដើមឆ្នាំថ្មី ចាប់តាំងពីខែឧសភា ឆ្នាំ ២០២២ មក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាគហ៊ុន Apple បានធ្លាក់ចុះចំនួន ៣.៧៤ ភាគរយ មកនៅតម្លៃ ១៣០.២០ ដុល្លារក្នុងមួយហ៊ុនដែលជាកម្រិតទាបបំផុតក្នុងរយៈពេល ៥២ សប្តាហ៍ ហើយធ្វើឲ្យហ៊ុនរបស់ក្រុមហ៊ុននេះធ្លាក់ចុះ ២ ពាន់ពាន់លានដុល្លារ នៅពេលទីផ្សារបិទកាលពីថ្ងៃអង្គារ ។

ទន្ទឹមនោះ កាលពីខែសីហា ឆ្នាំ២០២០ ភាគហ៊ុន Apple ក៏បានធ្លាក់ចុះមកនៅតម្លៃ ២ ពាន់ពាន់លានដុល្លារម្តងរួចមកហើយដែរ ដោយសារជំងឺកូវីដ ខណៈក្នុងអំឡុងពេលជួញដូរខែមករានៅឆ្នាំ ២០២២ ភាគហ៊ុន Apple នៅសល់ត្រឹម ៣ ពាន់ពាន់លានដុល្លារ ។

ជាមួយគ្នានោះ Apple ក៏បានជួបការលំបាកជាមួយនឹងការនាំចេញ iPhone 14 Pro របស់ខ្លួនផងដែរ ដោយសារតែមានការរឹតបន្តឹងលើកូវីដលើរោងចក្រដ៏ធំរបស់ខ្លួននៅក្នុងប្រទេសចិន ។

ស្របពេលជាមួយគ្នានេះ បើតាមរបាយការណ៍ថ្មីពីអ្នកវិភាគខ្សែសង្វាក់ផ្គត់ផ្គង់ Trendforce និយាយថា ការនាំចេញ iPhone របស់ Apple ធ្លាក់ចុះ ២២ ភាគរយនៅក្នុងចុងត្រីមាសទី ៤ នេះ ខណៈសារព័ត៌មាន Nikkei វិញបានឲ្យដឹងថា Apple បានប្រាប់អ្នកផ្គត់ផ្គង់ឲ្យផលិតសមាសធាតុតិចតួចបានហើយ សម្រាប់ផលិតផលរួមទាំង AirPods, Apple Watch និងលេបថប MacBook ជាដើម ៕