ក្រុមហ៊ុន Meta ពិចារណាបើកភ្លើងខៀវឲ្យលោក Trump ប្រើប្រាស់ Facebook វិញ

Meta កំពុងពិចារណារៀបចំបើកភ្លើងខៀវឲ្យអតីតប្រធានាធិបតីអាមេរិកលោក Donald Trump ត្រឡប់មកប្រើប្រាស់ Facebook និង Instagram ឡើងវិញនៅថ្ងៃទី៧ ខែមករា ឆ្នាំ ២០២៣ នេះ បន្ទាប់ពីគណនីរបស់លោកត្រូវបាន Meta ផ្អាកអស់ជាច្រើនឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Trump ដែលប្រើប្រាស់ប្រព័ន្ធសង្គមក្នុងការជួយឃោសនាបោះឆ្នោតឆ្នាំ ២០១៦ កន្លងទៅ ត្រូវបានក្រុមហ៊ុន Meta ផ្អាកលែងឲ្យប្រើប្រាស់ បន្ទាប់ពីញុះញង់ឲ្យមានអំពើហិង្សា​ភ្លាមៗ ក្រោយក្រុមអ្នកគាំទ្ររបស់លោកបានវាយលុកវិមាន Capitol ក្នុងខែមករា ឆ្នាំ ២០២១ ។

បើយោងតាមអ្នកជំនាញបានឲ្យដឹងថា ពេលនេះ​ Meta កំពុងតែបង្កើត​​ក្រុម​ការងារ​មួយ​ដើម្បី​ផ្តោត​លើ​បញ្ហា​នេះ​ ដោយ ក្រុមនោះមានការចូលរួមពីបុគ្គលិកមកពីក្រុមគោលនយោបាយសាធារណៈ និងទំនាក់ទំនង ព្រមទាំងមកពីក្រុមគោលនយោបាយមាតិកាដែលដឹកនាំដោយលោកស្រី Monika Bickert រួមជាមួយក្រុមសុវត្ថិភាព និងសុចរិតភាពដែលដឹកនាំដោយលោក Guy Rosen ។ ប៉ុន្តែទោះជាយ៉ាងណាក៏ដោយ ការសម្រេចចិត្តមួយនេះ​ ត្រូវបានគេរំពឹងថា នឹងប្រកាសនៅពេលក្រោយក្នុ្ងងអំឡុងខែនេះ ។

គួរបញ្ជាក់ថា លោក Trump ក៏ទើបតែត្រូវបានលោក Elon Musk បើកឲ្យប្រើប្រាស់​គណនី Twitter ឡើងវិញផងដែរ បន្ទាប់ទទួលបានការបោះឆ្នោតស្ទង់មតិគាំទ្រពីសំណាក់អ្នកប្រើប្រាស់ Twitter ៕

ប្រែសម្រួលដោយ ៖ រតនៈ

ប្រភព ៖​ Financial Times

ចុចអាន ៖ ឆ្នាំនេះពលរដ្ឋ អូស្ត្រាលី ចាញ់បោកលុយជិតកន្លះពាន់លានដុល្លារតាមរយៈ​គ្រោងការណ៍ទុច្ចរិតផ្សេងៗគ្នា