សេដ្ឋកិច្ច
IMF ព្យាករណ៍កំណើនសេដ្ឋកិច្ចពិភពលោកឆ្នាំ ២០២៣ ខណៈ ចិន ងើបខ្លាំងជាង អាមេរិក ជាង ៣ ភាគរយ
អ្នកវិភាគនៅស្ថាប័នមូលនិធិរូបិយវត្ថុអន្តរជាតិ IMF ព្យាករណ៍ថា សេដ្ឋកិច្ចពិភពលោកនឹងងើបឡើង ២.៩ ភាគរយនៅឆ្នាំ ២០២៣ នេះ ពោលកើន ០.២ ភាគរយពីការព្យាករណ៍មុនៗ ដោយសារតែការបន្ធូរបន្ថយអតិផរណា និងការបិទបញ្ចប់គោលនយោបាយសូន្យកូវីដរបស់ចិន ខណៈការព្យាករណ៍សម្រាប់ឆ្នាំ ២០២៤ គឺប្រសើរជាងឆ្នាំនេះ កើនរហូតដល់ ៣.១ ភាគរយឯណោះ ។
លោក Pierre-Olivier Gourinchas ទីប្រឹក្សាសេដ្ឋកិច្ចរបស់ IMF និងជាប្រធាននាយកដ្ឋានស្រាវជ្រាវ និយាយថា ពេលនេះជុំវិញទស្សនវិស័យសេដ្ឋកិច្ចពិភពលោកមិនទាន់កាន់តែអាក្រក់ទៅៗនោះទេ ហើយនេះជាដំណឹងល្អមួយផងដែរ ប៉ុន្តែទោះយ៉ាងវាមិនទាន់គ្រប់គ្រាន់នៅឡើយទេ ។
បើទោះជាយ៉ាងនេះក្ដី ការកែសម្រួលការព្យាករណ៍ម្តងទៀតនេះ នៅតែទាបជាងមធ្យមភាគសម្រាប់រយៈពេល ២ ទសវត្សរ៍រហូតដល់ឆ្នាំ ២០១៩ ដែលមានចំនួន ៣.៨ ភាគរយ ។
IMF និយាយថា សង្គ្រាមលុកលុយរបស់រុស្ស៊ីលើអ៊ុយក្រែន នៅតែបន្តថ្លឹងថ្លែងលើសកម្មភាពសេដ្ឋកិច្ចពិភពលោកដដែល ។ មិនតែប៉ុណ្ណោះ កត្តាមួយទៀត គឺការដំឡើងអត្រាការប្រាក់ដែលធនាគារកណ្តាលបាននិងកំពុងប្រើដើម្បីទប់ទល់នឹងអតិផរណា ។
ចំពោះទីភ្នាក់ងារហិរញ្ញវត្ថុអង្គការសហប្រជាជាតិវិញ ព្យាករណ៍ថា សេដ្ឋកិច្ចអាមេរិកនឹងឡើង ១.៤ ភាគរយនៅឆ្នាំនេះ និងត្រឹមតែ ១ ភាគរយប៉ុណ្ណោះនៅឆ្នាំក្រោយ ហើយមូលហេតុចម្បងនោះ គឺដោយសារតែអត្រាការប្រាក់ខ្ពស់ ។
ដោយឡែកសម្រាប់ប្រទេសចិនវិញបានព្យាករណ៍ថា នឹងមានកំណើនសេដ្ឋកិច្ច ៥.២ ភាគរយនៅឆ្នាំ ២០២៣ និង ៤.៥ ភាគរយនៅឆ្នាំបន្ទាប់ ហើយ IMF ក៏រំពឹងដែរថា ជប៉ុននឹងមានកំណើន ១.៨ ភាគរយនៅឆ្នាំ ២០២៣ នេះ ដោយសារតែការបន្តកម្មវិធីបន្ធូរបន្ថយរូបិយវត្ថុរបស់ធនាគារកណ្តាល ហើយការព្យាករណ៍សម្រាប់ឆ្នាំ ២០២៤ គឺមានត្រឹមតែ ០.៩ ភាគរយប៉ុណ្ណោះ ៕
ប្រែសម្រួលដោយ ៖ នាង រតនៈ
ប្រភព ៖ NHK
ចុចអាន ៖ មីយ៉ាន់ម៉ា ត្រូវបានអញ្ជើញឲ្យចូលរួម កិច្ចប្រជុំរដ្ឋមន្ត្រីការពារជាតិអាស៊ានបូក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ