ព័ត៌មានជាតិ
សណ្ឋាគារចំណាស់នៅភ្នំំពេញ ដិតដាមប្រវត្តិសាស្រ្ត ៥ ជំនាន់ នៅរក្សាអត្តសញ្ញាណជាតិមិនបាត់បង់
ស្ថិតនៅលើច្រាំងនៃទន្លេបួនមុខ សណ្ឋាគារកាំបូឌីយ៉ាណា មានទីតាំងនៅចំកណ្តាលទីក្រុងពាណិជ្ជកម្មនិងតំបន់ទេសចរណ៍រាជធានីភ្នំពេញ។ សណ្ឋាគារសាងសង់តាមរចនាប័ទ្មបុរាណ ផ្តល់នូវទេសភាពមាត់ទន្លេដ៏ស្រស់ត្រកាលគ្រប់រដូវកាល។
ប្រវត្តិសណ្ឋាគារនេះកើតឡើងរយៈពេលជាង ៥០ ឆ្នាំ តាំងពីឆ្នាំ ១៩៦៩។ សណ្ឋាគារដ៏ចំណាស់នេះជារតនសម្បត្តិជាប្រវត្តិសាស្ត្រ ក្រោមស្នាព្រះហស្តដោយព្រះមហាវីរក្សត្រព្រះបាទ នរោត្តម សីហនុ។
ពាក់កណ្តាលទសវត្សឆ្នាំ ១៩៦០ សណ្ឋាគារកាំបូឌីយ៉ាណា ត្រូវបានចាប់ផ្តើមសាងសង់ឡើងដោយស្ថាបត្យករ Lu Ban Hap ក្នុងអំឡុងពេលជាយុគស្ថាបត្យកម្មខ្មែរសម័យថ្មី។ បន្ទាប់ពីសម្ពោធដាក់ឲ្យប្រើប្រាស់នៅឆ្នាំ១៩៦៩ បានតែមួយឆ្នាំ សណ្ឋាគារដែលមាន ១០០ បន្ទប់ នាពេលនោះ បានបិទទ្វារទៅវិញនៅឆ្នាំបន្ទាប់។ នៅឆ្នាំ ១៩៧០ ក្នុងជំនាន់សម័យលន់ នល់ បានប្រើប្រាស់សណ្ឋាគារនេះជាបន្ទាយយោធា បន្ទាប់មកទៀតក៏ត្រូវបានកាន់កាប់ក្រោមរបបខ្មែរក្រហម។
លុះដល់ឆ្នាំ១៩៩១ វិនិយោគិនសិង្ហបុរី បានកាន់កាប់សណ្ឋាគារនេះ ហើយបានកែលម្អនិងបើកទទួលភ្ញៀវស្នាក់នៅឡើងវិញ មុននឹងសណ្ឋាគារត្រូវបានក្រុមហ៊ុនរ៉ូយ៉ាល់គ្រុបទិញបន្តនៅឆ្នាំ២០០៥។
ក្រុមហ៊ុន រ៉ូយ៉ាល់គ្រុប បានទិញអចលនទ្រព្យសណ្ឋាគារនេះ ហើយបានបន្តវិនិយោគដើម្បីស្តារសណ្ឋាគារឲ្យមានភាពរុងរឿងដោយរក្សាអត្តសញ្ញាណវប្បធម៌ជាតិ។
បច្ចុប្បន្នសណ្ឋាគារកាំបូឌីយ៉ាណា ជាសណ្ឋាគារលំដាប់ផ្កាយ៤ មាន ២៣៨ បន្ទប់។ ទោះបីមិនមែនជាសាខានៃសណ្ឋាគារលំដាប់អន្តរជាតិក្តី នៅតែមានកិត្តិនាមមានការទទួលស្គាល់ទាំងភ្ញៀវក្នុងស្រុក និងនៅបរទេស។
នៅក្នុងផែនទីបែងចែកតំបន់ របស់ការិយាល័យទទួលបន្ទុកស្ថាបត្យកម្ម-នគរូបនីយកម្ម នៃរាជធានីភ្នំពេញ (Bureau de l’architecture et urbanisation – BAU) សណ្ឋាគារកាំបូឌីយ៉ាណា ត្រូវបានចាត់ទុកជាអត្តសញ្ញាណរបស់រាជធានីភ្នំពេញ ក្រៅពីវិមានឯករាជ្យ វត្តឧណ្ណាឡោម សារមន្ទីរជាតិ ព្រះបរមរាជវាំង សាលសន្និសីទចតុមុខ ពុទ្ធសាសនបណ្ឌិត និងវិមានរដ្ឋសភាជាតិជាដើម៕
អត្ថបទ៖ ប៊ុណ្ណារ៉ា
សហភាពសហជីពរក្សាសិទ្ធិកម្មករកម្ពុជា ប្តឹងមន្ត្រីអង្គការសង់ត្រាល់ទៅតុលាការទាមទារសំណងជំងឺចិត្ត១០០លានរៀល
សម្ដេចធិបតី ប្រាប់លោក គង់ វិបុល ឱ្យប្រើប្រាស់ប្រព័ន្ធឌីជីថលក្នុងការងារពន្ធដារ ដើម្បីកាត់បន្ថយភាពស៊ាំញ៉ាំ
ការងារស្ថិតិ និងអត្រានុកូលដ្ឋាន ជាកិច្ចការដ៏មានសារៈសំខាន់ និងជាសេវាដែលប្រជាពលរដ្ឋត្រូវការក្នុងជីវភាពប្រចាំថ្ងៃ
ប្រឡាយធម្មជាតិចំនួន៣ ដែលប្រឈមនឹងកកស្ទះចរន្តទឹកហូរចេញត្រូវបានជីកស្តារ
លោកស្រី មិថុនា ភូថង ៖ អាជ្ញាធរមូលដ្ឋានគប្បីចូលរួមឱ្យសកម្មលើការគ្រប់គ្រងគ្រោះមហន្តរាយ
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
NASA ឲ្យ SpaceX ជិត១ពាន់លានដុល្លារ កម្ទេចស្ថានីយអវកាសអន្តរជាតិ
ស្ត្រី វៀតណាម ម្នាក់ ខូចថ្លើមនិងសួតធ្ងន់ធ្ងរ ដោយសារតែទម្លាប់ ២ តែងធ្វើរាល់ថ្ងៃ
ចប់វគ្គសន្សំពិន្ទុក្នុងពូល រឿងភ្ញាក់ផ្អើល៣ក្នុងពាន Euro 2024
ទូរទស្សន៍ ហង្សមាស ដាក់ឈុតធំ! ប្រដាល់គុនខ្មែរអន្តរជាតិដណ្តើមខ្សែក្រវាត់មាស៤ នៅលើសង្វៀនតែមួយ
-
សេដ្ឋកិច្ច៧ ថ្ងៃ agoការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ agoអ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ agoក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ agoលោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ agoបុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ agoក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ agoព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ