សេដ្ឋកិច្ច
មន្ត្រីជាន់ខ្ពស់ធនាគារជាតិ៖ ការប្រើប្រាក់រៀលជួយពង្រឹងសេដ្ឋកិច្ច និងអធិបតេយ្យភាពជាតិរឹងមាំ
មន្ត្រីជាន់ខ្ពស់ នៃធនាគារជាតិកម្ពុជា បានអះអាងថា ការប្រើប្រាស់ប្រាក់រៀល នឹងជួយពង្រឹងសេដ្ឋកិច្ច ពាណិជ្ជកម្ម និងអធិបតេយ្យភាពជាតិឱ្យកាន់តែមានភាពរឹងមាំថែមទៀត។
ថ្លែងក្នុងសិក្ខាសាលាស្តីពី សារសំខាន់ នៃហិរញ្ញវត្ថុ ដែលរៀបចំដោយពុទ្ធិកសកលវិទ្យាល័យព្រះសីហនុរាជ នៅព្រឹកថ្ងៃទី៣មីនា លោកស្រីបណ្ឌិត ជា សិរី អគ្គនាយកបច្ចេកទេស នៃ ធនាគារជាតិនៃកម្ពុជាបានមានប្រសាសន៍ថា ការប្រើប្រាស់ប្រាក់រៀល ដែលជារូបិយវត្ថុជាតិ នឹងនាំមកនូវគុណប្រយោជន៍យ៉ាងច្រើនឥតដែនកំណត់សម្រាប់សេដ្ឋកិច្ច ពាណិជ្ជកម្មនិងអធិបតេយ្យភាពជាតិជាដើម ។ ដូចនេះប្រជាពលរដ្ឋ គប្បីប្រើប្រាស់ប្រាក់រៀលក្នុងគ្រប់ទិដ្ឋភាពឱ្យបានច្រើនបំផុតតាមដែលអាចធ្វើទៅបាន។
លោកស្រី បានបន្តទៀតថា សម្រាប់កម្ពុជា ការប្រើប្រាស់ប្រាក់រៀលតែមួយគត់ នឹងលើកកម្ពស់ប្រសិទ្ធភាពនយោបាយរូបិយវត្ថុ និងការអភិវឌ្ឍសង្គម-សេដ្ឋកិច្ចជាតិ ឱ្យកាន់តែរីកចម្រើនប្រកបដោយបរិយាបន្នដូចពាក្យស្លោកមួយបានពោលថា ប្រាក់រៀលតែមួយ លើកស្ទួយទីផ្សារ ផ្លែផ្កាសេដ្ឋកិច្ច។
លោកស្រី ជា សិរី បានពន្យល់ថា« នៅលើក្រដាសប្រាក់តែងតែមានរូបភាពប្រាង្គប្រាសាទ ព្រះមហាក្សត្រ និងវីរៈបុរសជាតិ ហើយការចាយវាយប្រាក់រៀលដល់ទីណា ប្រៀបបាននឹងការបង្ហាញថា ទឹកដីកម្ពុជា ទៅដល់ទីនោះ ។ ដូចនេះ ការចាយវាយប្រាក់រៀលកាន់តែទូលំទូលាយ បានសេចក្តីថា ជាការពង្រីកអធិបតេយ្យភាព និងបូរណភាពទឹកដីខ្មែរឱ្យកាន់តែរឹងមាំ »។
ការប្រើប្រាស់ប្រាក់រៀល គឺជាការរក្សាស្ថិរភាពថ្លៃ ពោលគឺ ការគ្រប់គ្រង ការផ្គត់ផ្គង់រូបិយវត្ថុនៅលើទីផ្សារឱ្យសមស្របតាមតម្រូវការ នឹងធានាបាននូវស្ថិរភាពតម្លៃមួយ ដែលអំណោយផលដល់ការអភិវឌ្ឍសេដ្ឋកិច្ច។ ការប្រើប្រាស់ប្រាក់រៀល តែមួយនឹងជួយឱ្យអ្នកលក់ និងអ្នកទិញ មិនចាំបាច់ចំណាយពេលវេលា និងកម្រៃក្នុងការដោះដូររូបបិយប័ណ្ណទៅវិញទៅមក , ចរាចរណ៍ប្រាក់រៀលទូលំទូលាយ នឹងសម្រួលដល់ការគ្រប់គ្រងតម្លៃប្រាក់រៀលប្រកបដោយការបត់បែន និងប្រសិទ្ធភាពខ្ពស់ ដែលនឹងសម្រួលដល់ពាណិជ្ជកម្ម និងលើកកម្ពស់ភាពប្រកួតប្រជែង នៃការនាំចេញ។ នេះជាការបន្ថែមរបស់លោកស្រី ជា សិរី។
មន្រ្តីជាន់ខ្ពស់រូបនេះ មើលឃើញថា ដោយសារប្រជាពលរដ្ឋនៅតាមទីជនបទមានចំណូលភាគច្រើន គឺជាប្រាក់រៀល ដូច្នេះការលើកកម្ពស់ប្រើប្រាស់ប្រាក់រៀល នឹងផ្តល់ផលប្រយោជន៍ច្រើនដល់ប្រជាពលរដ្ឋទាំងនោះ។
បើតាមលោកស្រី ជា សិរី រូបិយវត្ថុដូចជាប្រាក់រៀលមានមុខងារចំនួន៣គឺ ទី១. ជាខ្នាតវាស់តម្លៃ សម្រួលដល់ការកំណត់តម្លៃទំនិញនិងសេវាផ្សេងៗមុនពេលដោះដូរ,ទី២.មធ្យោបាយដោះដូរ សម្រួលដល់ការទូទាត់ និងការធ្វើពាណិជ្ជកម្មទំនិញ សេវា និងទី៣.ឧបករណ៍រក្សាតម្លៃសម្រាប់សន្សំទុកប្រើប្រាស់នៅពេលអនាគត ។ លើសពីនេះ រូបិយវត្ថុ បានដោះស្រាយបញ្ហាដែលកើតមាននៅក្នុងសេដ្ឋកិច្ច ដោះដូរទំនិញ និងទំនិញជាដើម ព្រោះថា រូបិយវត្ថុប្រៀបបានទៅនឹងប្រេងរំអិលក្នុងការសម្រួលដល់សកម្មភាពពាណិជ្ជកម្ម និងការវិនិយោគ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ