Connect with us

សេដ្ឋកិច្ច

សិង្ហបុរី ដំឡើងពន្ធអចលនទ្រព្យខ្ពស់គុណនឹងពីរសម្រាប់ជនបរទេស

បានផុស

នៅ

ប្រទេសសិង្ហបុរី​កំពុងបង្កើនពន្ធលើទីផ្សារអចលនទ្រព្យទាំងប្រជាជនរបស់ខ្លួន និងជនបរទេសដែលទិញផ្ទះបន្ត ដើម្បីធ្វើឲ្យទីផ្សារលំនៅដ្ឋានមានភាពល្អប្រសើរឡើងវិញ ខណៈពន្ធលើជនបរទេសទិញអចលនទ្រព្យនៅសិង្ហបុរី កើនដល់ ៦០ ភាគរយ ។ ​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក ចំពោះជនជាតិសិង្ហបុរីវិញ រដ្ឋាភិបាលយកពន្ធដល់ ២០ ភាគរយ សម្រាប់ប្រជាពលរដ្ឋទិញផ្ទះទី ២ ហើយ ៣០ ភាគរយ​ ចំពោះពលរដ្ឋ​ទិញផ្ទះបន្តទី ៣ និងសម្រាប់រស់នៅអចិន្ត្រៃយ៍ ។

ពាក់ព័ន្ធនឹងការបង្កើនពន្ធនេះដែរ កំពុងជំរុញឲ្យមានការមិនសប្បាយចិត្តពីសំណាក់ជនបរទេស ​និងជនជាតិសិង្ហបុរីខ្លួនឯងផ្ទាល់តែម្ដង ។ តាមការស្ទង់មតិកាលពីខែធ្នូឆ្នាំមុន ក្នុងចំណោមប្រជាជន ៣ នាក់មាន ២ នាក់ទៅហើយយល់ថា រដ្ឋាភិបាលគួរតែផ្តោតការយកចិត្តទុកដាក់កាន់តែខ្លាំងទៅលើលទ្ធភាពទិញផ្ទះរបស់ប្រជាពលរដ្ឋ ជាជាងការដំឡើងពន្ធទិញផ្ទះបន្ត ។

ទោះបីយ៉ាងណាក៏ដោយ វិស័យអចលនទ្រព្យសិង្ហបុរីនៅតែមានសន្ទុះ ទោះបីជាប្រទេសផ្សេង កំពុងប្រឈមនឹងការយឺតយ៉ាវ ដោយសារតែការកើនឡើងអត្រាការប្រាក់ និងអតិផរណាក៏ដោយ ដែលវា​ជាផ្នែកមួយនៃលំហូរសាច់ប្រាក់ចូលរដ្ឋ​ ជាពិសេសបានមកពីប្រទេសចិន ។

បើយោងតាមរបាយការណ៍របស់ក្រុមហ៊ុនគ្រប់គ្រង និងភ្នាក់ងារអចលនទ្រព្យ Knight Frank បានឲ្យដឹងថា ទីផ្សារអចលនទ្រព្យសិង្ហបុរី ក៏បានរុញទីក្រុងញូវយ៉កចេញពីតំណែងកំពូលសម្រាប់កំណើនដ៏ខ្លាំងបំផុតនៃការជួលលំនៅដ្ឋាននៅក្នុងត្រីមាសចុងក្រោយនៃឆ្នាំ ២០២២ ផងដែរ ៕

ប្រែសម្រួលដោយ ៖ នាង រតនៈ

ប្រភព ៖ BNN Bloomberg

ចុចអាន ៖ ៤៧ ឆ្នាំទៀត ប្រជាជន ជប៉ុន នឹងធ្លាក់ចុះច្រើនជាង ៣០ ភាគរយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម