សេដ្ឋកិច្ច
ថៃ បង្កើនការនាំចូលឧស្ម័នធម្មជាតិរាវ ខណៈសេដ្ឋកិច្ចស្ទុះងើបឡើងវិញ
ក្រុមហ៊ុន PTT ដែលជាក្រុមហ៊ុនប្រេង និងឧស្ម័នធំជាងគេរបស់ប្រទេសថៃ គ្រោងនឹងនាំចូលឧស្ម័នធម្មជាតិរាវ (LNG) រហូតដល់ ៦ លានតោននៅឆ្នាំនេះ ដោយសារការកើនឡើងនៃតម្រូវការ ។
លោក Noppadol Pinsupa នាយកក្រុមហ៊ុន PTT បាននិយាយកាលពីថ្ងៃសៅរ៍ថា ការនាំចូលឧស្ម័នធម្មជាតិរាវរបស់ PTT នឹងមានចំនួន ២ លានតោនខ្ពស់ជាងបរិមាណដែលបាននាំចូលកាលពីឆ្នាំមុន ហើយការដឹកជញ្ជូននេះ នឹងត្រូវចំណាយយ៉ាងហោចណាស់នាវា ១០០ គ្រឿងដើម្បីចែកចាយឲ្យបាន ៦ លានតោននេះ ។
លោក Noppadol ប្រាប់ថា PTT បានបញ្ជាទិញឧស្ម័នធម្មជាតិរាវចំនួន ៤ លានតោនរួចហើយក្នុងតម្លៃតិចជាង ២០ ដុល្លារក្នុងមួយលាន BTU (ឯកតារបស់ចក្រភពអង់គ្លេស) ដែលមានតម្លៃថោកជាងឆ្នាំមុន ៥០ ភាគរយ ។ លោកបានបន្ថែមថា ការទិញនេះគោរពតាមបទប្បញ្ញត្តិរបស់គណៈកម្មការគ្រប់គ្រងថាមពល ហើយការធ្លាក់ចុះតម្លៃឧស្ម័នធម្មជាតិរាវ ទំនងនឹងធ្វើឲ្យតម្លៃអគ្គិសនីធ្លាក់ចុះផងដែរ ។
ដោយឡែកលោក Prasong Intaranongpai អនុប្រធានប្រតិបត្តិរបស់ក្រុមហ៊ុន PTT បាននិយាយថា ក្រុមហ៊ុនចង់រក្សាភាពប្រកួតប្រជែងនៅក្នុងអាជីវកម្មលើអ៊ីដ្រូកាបូន និងបង្កើតផលិតផលថ្មីដែលមានតម្លៃខ្ពស់ ដើម្បីបន្តជាមួយនឹងពិភពលោកទាំងមូល ។ លោកបានបន្ថែមថា PTT ក៏មានបំណងធ្វើកិច្ចព្រមព្រៀងថ្មីៗនៅក្នុងឧស្សាហកម្ម ក្រៅពីថាមពលផងដែរ ។
លោក Prasong បញ្ជាក់ទៀតថា PTT បានបង្កើតប្រព័ន្ធដើម្បីជួយគ្រប់គ្រងឧស្សាហកម្មប្រេងរបស់ប្រទេស នៅពេលដែលតម្លៃប្រែប្រួល ដូចជាការប្រើប្រាស់មជ្ឈមណ្ឌលសហប្រតិបត្តិការខ្សែសង្វាក់តម្លៃអ៊ីដ្រូកាបូនជាដើម ។
យោងតាមក្រុមហ៊ុន PTT បរិមាណប្រេងសរុបដែលបានជួញដូររាល់ថ្ងៃមានលើសពី ១.៥ លានបារ៉ែលក្នុងឆ្នាំ ២០២២ ។ តម្រូវការខ្ពស់នេះទំនងជានៅមានមួយរយៈពេលទៀត ខណៈដែលមជ្ឈមណ្ឌលស៊ើបការណ៍សម្ងាត់សេដ្ឋកិច្ចធនាគារ Siam Commercial Bank (SCB EIC) រំពឹងថា នឹងមានកំណើនសេដ្ឋកិច្ចរហូតដល់ចុងបញ្ចប់នៃត្រីមាសទីបី ។
ទន្ទឹមនេះ ការកើនឡើងនៅក្នុងឧស្សាហកម្មទេសចរណ៍បានជំរុញឲ្យសេដ្ឋកិច្ចថៃប្រសើរឡើងផងដែរ ហើយរំពឹងថានឹងឃើញកំណើន ២.៧ ភាគរយ នៅក្នុងត្រីមាសទី៣ បើប្រៀបធៀបទៅនឹងត្រីមាសមុន ។ ស្របពេលជាមួយគ្នានេះ ចាប់តាំងពីតម្លៃថាមពលកំពុងធ្លាក់ចុះ អតិផរណានៅថៃក៏ធ្លាក់ចុះផងដែរនៅក្នុងខែឧសភា ។
តែទោះជាយ៉ាងណា កំណើនសេដ្ឋកិច្ចនៅក្នុងត្រីមាសចុងក្រោយអាចនឹងត្រូវបានរារាំងដោយការពន្យារពេលក្នុងការអនុវត្តថវិកាជាតិប្រចាំឆ្នាំ ប្រសិនបើរដ្ឋាភិបាលថ្មីមិនត្រូវបានបង្កើតឡើងទាន់ពេលវេលា ខណៈរហូតមកដល់ពេលនេះគណបក្សចលនាឆ្ពោះទៅមុខ មិនទាន់រកបានសំឡេងភាគច្រើននៅក្នុងការបង្កើតរដ្ឋភិបាលចម្រុះនៅឡើយទេ ៕
ប្រែសម្រួល៖ នាង រតនៈ
ប្រភព៖ Nation Thailand
ចុចអាន៖ ដំណើរការឈានទៅបង្កើតរដ្ឋាភិបាលចម្រុះ ថៃ កាន់តែពិបាក ក្រោយមាន គណបក្សប្រកាសដកខ្លួន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ