ព័ត៌មានជាតិ
តម្លៃដំឡូងមី នៅស្រុកសំឡូតហក់ឡើងបន្តិច តែទិន្នផលថយចុះខ្លះ
តម្លៃដំឡូងមីស្រស់ និងស្ងួត ក្នុងឆ្នាំនេះ មានការកើនឡើងបន្តិចបន្ទួច បើបៀបធៀបជាមួយឆ្នាំកន្លងទៅ ខណៈការប្រមូលផលរបស់ប្រជាកសិករ មានការថយចុះ ដោយសារកត្តា អាកាសធាតុ ។
ឈ្មួញកណ្តាលម្នាក់ ដែលរស់ នៅតំបន់ស្រុកជាប់ព្រំដែនខេត្តបាត់ដំបង គឺលោក នាក់ សំណាង បានឱ្យដឹងថា តម្លៃដំឡូងមី ស្រស់ ដែលដឹកលក់ឱ្យសាយឡូថៃ នៅឆ្នាំនេះ បានតម្លៃ ២,៥០ បាត និងដំឡូងមីស្ងួត បាន៦បាត ក្នុង ១ គីឡូក្រាម បើធៀបនឹងឆ្នាំកន្លងទៅ ដំឡូងមីស្រស់ ១ គីឡូក្រាម បានតែ ២,២០ បាត ទៅ ២,៣០ បាត និង ដំឡូងស្ងួត បានតែ ៥,៤០ បាត តែប៉ុណ្ណោះ ។
ឈ្មួញកណ្តាលរូបនេះ បានបញ្ជាក់ថា តម្លៃដំឡូងមីឆ្នាំនេះ ថ្វីត្បិតតែឡើងជាងមុនបន្តិច តែទិន្នផលធ្លាក់ចុះច្រើន ដោយសារបញ្ហាអាកាសធាតុ ធ្វើឱ្យដំឡូងមិនសូវល្អ និងរលួយ។ លោកឱ្យដឹងថា កសិករខ្លះធ្លាប់លក់បាន២០ម៉ឺនបាត ប្រហែលជាង៦០០០ដុល្លារ នាឆ្នាំកន្លងទៅ តែឆ្នាំនេះ អាចលក់បាន៦ទៅ៧ម៉ឺនបាត ឬជិត២០០០ដុល្លារ ។
ទាក់ទងការប្រមូលផលដំឡូងនាឆ្នាំ នេះដែរ លោក សើ សាម៉េត អភិបាលស្រុកសំឡូត បានបញ្ជាក់ដែរថា ក្នុងស្រុកសំឡូតទាំងមូល កសិករបានដាំដំឡូងមីចំនួន២៥៤៧០ហិចតា ហើយបច្ចុប្បន្ន កសិករកំពុងប្រមូលផល ។លោកបញ្ជាក់ថា ឆ្នាំនេះអាកាសធាតុមិនអំណោយផល ធ្វើឱ្យដំឡូងមានការធ្លាក់ចុះនូវទិន្នផលមួយចំនួន ។
លោកបញ្ជាក់ថា តម្លៃឆ្នាំនេះ មិនសូវខុសគ្នាប៉ុន្មាននោះទេ បើទោះបីកម្ពុជា និងប្រទេសជិតខាង កំពុងប្រឈមមុខ នឹងជំងឺកូវីដ១៩ ក៏ដោយ ។ តម្លៃថេរនេះ ដោយសារតែមានរោងចក្រកែឆ្នៃដំឡូងមីនៅស្រុករតនមណ្ឌល ប្រមូលទិន្នផលដំឡូង នៅស្រុកសំឡូត និងស្រុករតនមណ្ឌល និង ទីផ្សារមួយទៀត ឈ្មួញកណ្តាល បានទិញយកស្តុកនៅសាយឡូក្បែរព្រំដែន និងលក់បន្តឱ្យឈ្មូញថៃ ដែលចូលមកទិញបន្ត ៕
អទ្ថបទ ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង