សេដ្ឋកិច្ច
អ្នកនាំពាក្យ ៖ អាកាសយានដ្ឋានអន្តរជាតិសៀមរាបអង្គរ កើនភ្ញៀវទេសចរដល់៤០០០នាក់ ក្នុងមួយថ្ងៃ
គិតត្រឹមថ្ងៃទី ១៥ ខែវិច្ឆិកានេះ អាកាសយានដ្ឋានអន្តរជាតិសៀមរាបអង្គរ ទទួលបានភ្ញៀវទេសចរកើនឡើងពី ២៦០០នាក់ ទៅ ៤០០០នាក់ ក្នុងមួយថ្ងៃ។ នេះបើតាមការបញ្ជាក់របស់លោក ស៊ីន ចាន់សេរីវុត្ថា អនុរដ្ឋលេខាធិការ និងជាអ្នកនាំពាក្យនៃលេខាធិការដ្ឋានអាកាសចរស៊ីវិលកម្ពុជា។

លោក ស៊ីន ចាន់សេរីវុត្ថា បានគូសបញ្ជាក់ថា ការវិលត្រឡប់របស់ភ្ញៀវទេសចរអន្តរជាតិចូលកម្ពុជា នាពេលនេះ មានកំណើនមធ្យម ដោយភាគច្រើន មកពីតំបន់អាស៊ាន និងចិន។ ដោយក្នុងនោះ ភ្ញៀវចម្រុះជាតិសាសន៍មកពីតំបន់អាស៊ាន មានប្រមាណ ៧២ភាគរយ និងពីតំបន់អឺរ៉ុបមានចំនួន ២៨ភាគរយ។
អ្នកនាំពាក្យអាកាសចរស៊ីស៊ីវិល រំពឹងថា ចំនួនជើងហោះហើរនឹងកើនដល់៤៤ជើង ក្នុងមួយថ្ងៃ (ទ្វេទិស) នៅរដូវរងា (Winter) ២០២៣ នេះ។
បើតាមលោក ស៊ីន ចាន់សេរីវុត្ថា បច្ចុប្បន្ននេះ មានក្រុមហ៊ុនចំនួន ៩ កំពុងដំណើរការហោះហើរ រួមមាន ក្រុមហ៊ុន Cambodia Ankor Air, ក្រុមហ៊ុន Thai AirAsia, ក្រុមហ៊ុន Bangkok Airways, ក្រុមហ៊ុន Thai Smile Airways, ក្រុមហ៊ុន Singapore Airlines , ក្រុមហ៊ុន Vietnam Airlines និងក្រុមហ៊ុន Lao Airlines..។
បន្ថែមលើនេះ លោក ស៊ីន ចាន់សេរីវុត្ថា បានលើកឡើងថា អាកាសចរស៊ីវិល សង្ឃឹមថា ក្រុមហ៊ុនហោះហើរ នឹងមានការកើនឡើងដល់ ១០ ក្រុមហ៊ុន នៅក្នុងរដូវកាល Winter ក្នុងសប្តាហ៍បន្តបន្ទាប់ខាងមុខ។
សូមបញ្ជាក់ថា គិតត្រឹមថ្ងៃទី ១៥ខែ វិច្ឆិកានេះ អាកាសយានដ្ឋានអន្តរជាតិអង្គរសៀមរាប បានដាក់ឱ្យដំណើរការជាផ្លូវការ រយៈពេល ២៩ថ្ងៃហើយ ពោលគឺចាប់ពីថ្ងៃទី ១៦ ខែតុលាមក។

អាកាសយានដ្ឋានអន្តរជាតិសៀមរាប-អង្គរ គឺជាអាកាសយានដ្ឋានអន្តរជាតិលំដាប់ 4E ជាមួយផ្លូវបត់រត់ប្រវែង ៣,៦០០ម៉ែត្រ លើទុនវិនិយោគ ១,១ពាន់លានដុល្លារ មានសមត្ថភាពឲ្យយន្តហោះគ្រប់ប្រភេទចុះចតបាន ដោយបំពាក់បច្ចេកវិទ្យាថ្មីបំផុត សម្រាប់សុវត្ថិភាព និងសន្តិសុខដល់អ្នកដំណើរ។ អាកាសយានដ្ឋានមានចំណតយន្តហោះរហូតដល់ទៅ ៣៨ ដោយមានសមត្ថភាពទទួលអ្នកដំណើរប្រមាណ ៧លាននាក់ក្នុងមួយឆ្នាំ។ នៅក្នុងដំណាក់កាលទី២ អាចទទួលអ្នកដំណើរដល់ ១០លាននាក់ក្នុងមួយឆ្នាំ ហើយដំណាក់កាលទី៣ អាចទទួលអ្នកដំណើរបានរហូតដល់ ២០លាននាក់នៅក្នុងមួយឆ្នាំ។
តាមការគ្រោងទុក អាកាសយានដ្ឋាននេះ នឹងបើកសម្ពោធជាផ្លូវការនៅថ្ងៃទី ១៦ ខែវិច្ឆិកា ព្រឹកស្អែកនេះ ក្រោមអធិបតីភាពសម្តេច ហ៊ុន ម៉ាណែត នាយករដ្ឋមន្រ្តីកម្ពុជា៕

-
ជីវិតកម្សាន្ដ១ សប្តាហ៍ មុន
អ្នកគាំទ្រជីកកកាយរូបថតគ្រួសាររបស់ Liu Yifei ទើបដឹងថាមួយផ្ទះនេះសុទ្ធតែជារាជិនីសម្រស់
-
ព័ត៌មានជាតិ១ សប្តាហ៍ មុន
គ្រូគុនចម្រុះខ្មែរមួយរូប នឹងយក “គុនល្បុក្កតោ” បង្ហាញលើឆាកមហោស្រពភាពយន្តពិភពលោកអាស៊ីលើកដំបូង
-
សន្តិសុខសង្គម៧ ថ្ងៃ មុន
ឃាត់ខ្លួនជនសង្ស័យ៦នាក់ ជាក្រុមអ្នកអាជីពឆបោកលុយពលរដ្ឋ
-
ព័ត៌មានអន្ដរជាតិ១ សប្តាហ៍ មុន
គ្រូពេទ្យមួយក្រុមនៅ រុស្ស៊ី ភ័យស្លន់ស្លោ ក្រោយឃើញផ្លែប៉ោមមួយផ្លែប៉ុណ្ណោះ
-
ព័ត៌មានជាតិ១ សប្តាហ៍ មុន
រដ្ឋមន្រ្តីក្រសួងសាធារណការ បង្ហាញពីវឌ្ឍនភាពការស្ថាបនាផ្លូវល្បឿនលឿនភ្នំពេញ-បាវិត
-
ព័ត៌មានជាតិ៤ ថ្ងៃ មុន
១០ ខែ ឆ្នាំនេះ កម្ពុជា មានរោងចក្របើកថ្មីជិត ២ ពាន់ ផ្តល់ការងារដល់កម្មករជិត ៩ ម៉ឺននាក់
-
ព័ត៌មានជាតិ១ សប្តាហ៍ មុន
ផ្លូវល្បឿនលឿនពីព្រលានយន្តហោះថ្មីមកក្រុងសៀមរាប នៅមិនទាន់កំណត់ថ្ងៃបើកការដ្ឋានសាងសង់
-
ជីវិតកម្សាន្ដ៤ ថ្ងៃ មុន
គ្រូមត្តេយ្យនៅចិន វិះត្រូវបណ្ដេញចេញ ដោយសារតែមុខដូច Angelababy ពេក