ថៃ ទម្លាក់គោលដៅភ្ញៀវទេសចរ ចិន មកនៅត្រឹម ៣.៥ លាននាក់ក្នុងឆ្នាំនេះ

បើយោងតាមការបញ្ជាក់ពីអជ្ញាធរទេសចរណ៍ថៃ (TAT) បានឲ្យដឹងថា ថៃ​​ទម្លាក់ក្តីសង្ឃឹមដែលរំពឹងនឹងទទួលបានទេសចរចិនពីចំនួន ៤.៤ លាននាក់​មកនៅត្រឹមតែ​ចំនួន ៣.៤ ទៅ ៣.៥ លាននាក់វិញនៅក្នុងឆ្នាំ ២០២៣ នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​នៅក្នុងឆ្នាំនេះ ថៃកំណត់គោលដៅស្វាគមន៍ភ្ញៀវទេសចរចិន​ចំនួន ៤.៤ លាននាក់ ដោយរដ្ឋាភិបាលបានដាក់ចេញកម្មវិធី​លើកលែងទិដ្ឋការដោយឥតគិតថ្លៃដល់ប្រទេសចិន​ដើម្បីជំរុញកំណើនទេសចរឲ្យគ្រប់តាមគោលដៅរបស់ខ្លួន ។​

ទោះបីជាមានកម្ម​វិធីលើកលែងទិដ្ឋាការយ៉ាងណាក៏ដោយ ប៉ុន្តែរយៈពេលជិត ១១ ខែកន្លងមកនេះ ថៃ​ទទួលបានទេសចរចិនត្រឹមតែជាង ៣ លាននាក់ប៉ុណ្ណោះ ដែលជាមធ្យម មានតែ​ជាង ១ ម៉ឺននាក់ក្នុងមួយថ្ងៃ ។

លោក Chattan Kunjara Na Ayudhya ទេសាភិបាលរង TAT ទទួលបន្ទុកទីផ្សារអន្តរជាតិប្រចាំតំបន់អាស៊ី និងប៉ាស៊ីហ្វិកខាងត្បូងបាន​និយាយថា ដោយសារសេដ្ឋកិច្ចចិនធ្លាក់ចុះទើបធ្វើឲ្យប្រជាជនព្រួយបារម្ភអំពីការចំណាយលើវិស័យទេសចរណ៍ ស្របពេលរដ្ឋាភិបាលចិន​កំពុងជំរុញ​គោលដៅទេសចរក្នុងស្រុកដូចគ្នា ។

ស្របពេលជាមួយគ្នានេះ ក្រុមហ៊ុនអាកាសចរណ៍ចិនមួយចំនួន ក៏បានលុបចោលជើងហោះហើរជាច្រើនមកកាន់ថៃទៅទៀត ដោយសារតែមិនសូវមានអ្នកធ្វើដំណើរ ។

សូមបញ្ជាក់ថា ថៃបានដាក់គោលដៅទេសចរសរុប ២៨ លាននាក់ក្នុងឆ្នាំនេះ ខណៈការ​មក​ដល់​របស់​ភ្ញៀវ​ទេសចរ​បរទេស​សរុប​មាន​ប្រហែល ២៣.៨៨ លាន​នាក់​ប៉ុណ្ណោះ ចាប់​តាំង​ពី​ដើម​ឆ្នាំ​ ២០២៣ នេះមក ៕​

ប្រែសម្រួល៖ នាង រតនៈ

ប្រភព៖ Bangkok Post

ចុចអាន​៖ ក្រុមហ៊ុនអាកាសចរណ៍ ចិន ជាច្រើន ផ្អាកជើងហោះហើរមកកាន់ ថៃ ព្រោះ មានអ្នកជិះតិចពេក