វៀតណាម បន្តលើកលែងអាករតម្លៃបន្ថែម ២ ភាគរយទៀតនៅឆ្នាំក្រោយ

វៀតណាមបានសម្រេច​បន្តលើកលែងអាករលើតម្លៃបន្ថែម (VAT) ​ចំនួន ២​ ភាគរយទៀតមកនៅត្រឹម ៨ ភាគរយ​ប៉ុណ្ណោះ ចាប់ពីថ្ងៃទី១ ខែមករា ដល់ថ្ងៃទី៣០ ខែមិថុនា ឆ្នាំ ២០២៤ ។

ការបញ្ចុះអាករលើតម្លៃបន្ថែម ២ ភាគរយនេះ គឺទៅលើប្រភេទទំនិញ និងសេវាកម្មដែលកំពុងអនុវត្តអត្រាពន្ធលើតម្លៃបន្ថែម ១០ ភាគរយ ប៉ុន្តែលើកលែងក្រុមទំនិញមួយចំនួនរួមមាន ទូរគមនាគមន៍ បច្ចេកវិទ្យាព័ត៌មាន សកម្មភាពហិរញ្ញវត្ថុ ធនាគារ មូលបត្រ ធានារ៉ាប់រង អាជីវកម្មអចលនទ្រព្យជាដើម ។

យោងតាមក្រសួងហិរញ្ញវត្ថុបានឲ្យដឹងថា ការអនុវត្តគោលនយោបាយកាត់បន្ថយអាករលើតម្លៃបន្ថែម ២ ភាគរយក្នុងរយៈពេល ៦ ខែដំបូងនៃឆ្នាំ ២០២៤ ត្រូវបានគេរំពឹងថា នឹងកាត់បន្ថយចំណូលថវិការដ្ឋប្រមាណ ២៥,០០០ ពាន់លានដុង ឬប្រហែលជាង​ ១ លានដុល្លារ ។

ដំណោះស្រាយកាត់បន្ថយពន្ធលើតម្លៃបន្ថែម រួមជាមួយនឹងដំណោះស្រាយពន្ធ ថ្លៃសេវា និងបន្ទុកផ្សេងទៀត កំពុងបង្កើតលក្ខខណ្ឌដ៏អស្ចារ្យដើម្បីជួយអាជីវកម្មកាត់បន្ថយថ្លៃដើមផលិតកម្ម បង្កើនប្រាក់ចំណេញ និងបង្កើនសមត្ថភាពជំរុញតម្រូវការ ។

គួរបញ្ជាក់ថា កាលពីឆ្នាំមុន បន្ទាប់ពីអនុវត្តការបញ្ចុះអាករលើតម្លៃបន្ថែម​រយៈពេល ៣ ខែចាប់ពីខែកក្កដាដល់ខែកញ្ញា ឆ្នាំ ២០២៣ គោលនយោបាយនេះបានជួយដល់អាជីវកម្ម និងប្រជាជនចំណេញបានទឹកប្រាក់សរុបប្រមាណ ១១.៧០០ ពាន់លានដុង ឬប្រហែលជាង ៤៨ ម៉ឺនដុល្លារ ៕

ប្រែសម្រួល៖ នាង រតនៈ

ប្រភព៖ VN Economy