Connect with us

សេដ្ឋកិច្ច

រដ្ឋាភិបាលបានសម្រេចផ្តល់ការលើកទឹកចិត្តដល់គម្រោងវិនិយោគ និងធុរកិច្ច ចំនួន ១៤ ក្នុងខេត្តព្រះសីហនុមានទុនវិនិយោគ ៧៣៧ លានដុល្លារ

បានផុស

នៅ

គម្រោងវិនិយោគ និងធុរកិច្ចចំនួន១៤ មានទុនវិនិយោគសរុបប្រមាណ៧៣៧លានដុល្លារ​នៅក្នុងខេត្តព្រះសីហនុត្រូវបានរដ្ឋាភិបាលផ្តល់ការលើកទឹកចិត្តពាក់ព័ន្ធនឹងការបន្តការសាងសង់អគារជាប់គាំង និងគម្រោងថ្មីក្នុងវិស័យកសិ-ឧស្សាហកម្ម និងទេសចរណ៍។​

យោងតាមសេចក្តីសម្រេចនៃក្រុមការងារជំរុញការវិនិយោគក្នុងខេត្តព្រះសីហនុកាលពីថ្ងៃទី២៩ ដឹកនាំដោយលោក ហ៊ាន សាហ៊ីប  រដ្ឋលេខាធិការក្រសួងសេដ្ឋកិច្ច និង ហិរញ្ញវត្ថុ និង ជាប្រធានក្រុមការងារជំរុញការវិនិយោគក្នុងខេត្តព្រះសីហនុ បានដឹកនាំកិច្ចប្រជុំក្រុមការងារ ដើម្បីពិនិត្យលើការស្នើរបស់វិនិយោគិន និង ធុរជនក្នុងខេត្តព្រះសីហនុ ដោយបានសម្រេចជាគោលការណ៍ផ្តល់ការលើកទឹកចិត្ត ការអនុគ្រោះ ការសម្រួលនីតិវិធី និង ការដោះស្រាយវិវាទ ចំនួន ១៤ គម្រោង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចប្រជុំនេះ មានការអញ្ជើញចូលរួមពី ឯកឧត្តមរដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង និង មន្ត្រីជំនាញ ដែលជាសមាជិកក្រុមការងារ តំណាងក្រសួងស្ថាប័នពាក់ព័ន្ធនានា។

បើយោងតាមសេចក្តីសម្រេចនោះ សម្រាប់គម្រោងទាំងនោះរួមមាន គម្រោងពាក់ព័ន្ធនឹងអគារជាប់គាំងចំនួន ៧ និង គម្រោងពុំពាក់ព័ន្ធនឹងអគារជាប់គាំងចំនួន ៦ ដែលដំណើរការបានភ្លាមក្នុងឆ្នាំ ២០២៤ និង គម្រោងពង្រីកចំនួន ១ ។ គម្រោងទាំង ១៤ នោះ រួមមាន គម្រោងបង្កើតសួនកសិ-ឧស្សាហកម្មថ្នាក់ជាតិ, គម្រោងសណ្ឋាគារផ្កាយ ៥ និង កាស៊ីណូ, គម្រោងរមណីយដ្ឋាន, អគារស្នាក់នៅរួម, អគារពហុមុខងារសម្រាប់ការិយាល័យ និង ស្នាក់នៅរួម, ដែលមានទំហំទុនវិនិយោគសរុប ប្រមាណ ៧៣៣ លានដុល្លារអាមេរិក ។ គម្រោងទាំងនេះ ជាគម្រោងចម្រុះ ដែលមានម្ចាស់ជាជនជាតិខ្មែរ និង បរទេស និង មានទំហំតូច មធ្យម និង ធំ ។

«ការពិនិត្យផ្តល់ការលើកទឹកចិត្តពិសេសខាងលើ ធ្វើឡើងស្របតាមកម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ ២០២៤ ដែល សម្តេចធិបតីនាយករដ្ឋមន្ត្រី បានប្រកាសដាក់ឱ្យអនុវត្តជាផ្លូវការ នាថ្ងៃទី ៣១ ខែ មករា ឆ្នាំ ២០២៤ ។ តាមរយៈនេះ និង ជាបន្តបន្ទាប់ គិតចាប់ពីខែ កុម្ភៈ មកដល់បច្ចុប្បន្ន, ក្រុមការងារបានសម្រេចជាគោលការណ៍ក្នុងការផ្តល់អត្ថប្រយោជន៍ពិសេស ដល់គម្រោងវិនិយោគ/ធុរកិច្ច ចំនួន ៤១ »។ នេះបើយោងតាមសេចក្តីសម្រេចនេះ។

ជាមួយគ្នានេះដែរក្នុងពេលខាងមុខដ៏ខ្លីនេះ, ក្រុមការងារនឹងធ្វើការពិនិត្យលើការស្នើការលើកទឹកចិត្តពិសេសរបស់គម្រោងវិនិយោគ/ធុរកិច្ចចំនួន ២៣ បន្ថែមទៀត ។

សូមជម្រាបជូនថា ការផ្តល់ការលើកទឹកចិត្តពិសេសមានវិសាលភាពគ្របដណ្តប់ សម្រាប់គម្រោងដែលស្នើសុំ និង អនុវត្តក្នុងខេត្តព្រះសីហនុ ក្នុងឆ្នាំ ២០២៤ ចំពោះគម្រោង ៣ ប្រភេទ រួមមាន ១) គម្រោងពាក់ព័ន្ធនឹងអគារជាប់គាំង, ២) គម្រោងពុំពាក់ព័ន្ធនឹងអគារជាប់គាំង ដែលអាចដាក់ដំណើរការបានក្នុងឆ្នាំ ២០២៤ និង ៣) ការពង្រីកគម្រោង/សកម្មភាពធុរកិច្ច ។ លើសពីនេះ, ការលើកទឹកចិត្ត និង ការអនុគ្រោះនានា ក៏ផ្តល់ជូនសហគ្រាសមីក្រូ តូច និង មធ្យម ។

ជាមួយនេះ, សហគ្រាស ឬ គម្រោងដែលមានស្រាប់ ក៏ទទួលបានការអនុគ្រោះ និង សម្រួលនីតិវិធីលើលិខិតអនុញ្ញាត អាជ្ញាបណ្ណ និង ការតភ្ជាប់ទៅហេដ្ឋារចនាសម្ព័ន្ធរបស់រដ្ឋ ជាអាទិ៍ ទឹក ភ្លើង ផ្លូវ ជាដើម តាមលក្ខណៈភូមិសាស្រ្ត និង លទ្ធភាពរបស់រដ្ឋ និង/ឬ វិស័យឯកជន ។

ជាចុងបញ្ចប់, ឯកឧត្តមបណ្ឌិតសភាចារ្យ ប្រធានក្រុមការងារ បានវាយតម្លៃខ្ពស់ចំពោះការចូលរួមគាំទ្រ ជាពិសេស ការប្តេជ្ញា និង ឆន្ទៈខ្ពស់របស់ក្រុមការងារ និង ក្រសួងស្ថាប័នពាក់ព័ន្ធ ក្នុងការចូលរួមចំណែកលើកកម្ពស់បរិយាកាសធុរកិច្ចនៅខេត្តព្រះសីហនុ ឱ្យកាន់តែល្អមានលក្ខណៈអំណោចផល ។

ទន្ទឹមនេះ​ ក្រុមការងារបន្តលើកទឹកចិត្តឱ្យធុរជន និង វិនិយោគិន ដែលមានបំណងទទួលបាននូវ «អត្ថប្រយោជន៍ពិសេស» អញ្ជើញដាក់ពាក្យ ឬ ស្នើមកក្រុមការងារជំរុញការវិនិយោគក្នុងខេត្តព្រះសីហនុ ដែលមានអាសយដ្ឋាន ផ្លូវជាតិលេខ៤ ភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ ឬ នៅអគារមជ្ឈមណ្ឌលអភិវឌ្ឍធុរកិច្ច ជាន់ទី២១ សង្កាត់/ខណ្ឌជ្រោយចង្វារ រាជធានីភ្នំពេញ និង តាមរយៈលេខទូរសព្ទ/តេឡេក្រាម ០១២ ៩០២ ២០០, ០៨៩ ៧២៦ ០២៨, និង ០១៦ ៣២១ ០១០ ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៧ នាទី មុន

ប្រធានាធិបតីទាំង៦រូប ត្រូវគេប៉ងធ្វើឃាត ក្នុងប្រវត្តិសាស្រ្តអាមេរិក

សេចក្ដីជូនដំណឹង៨ ម៉ោង មុន

អ្នកឧកញ៉ា ឡេង ណាវ៉ាត្រា គោរពអរគុណដល់មេបញ្ជាការកងទ័ពជើងទឹក ដែលសម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )

ព័ត៌មានជាតិ៨ ម៉ោង មុន

​ប្រហុក​ខ្មែរ​កែច្នៃ​កាន់តែ​ទំនើប​មួយ​ថ្ងៃ​បាន ១ តោន កំពុង​ពង្រឹង​លទ្ធភាព​នាំ​ចេញទៅ​ក្រៅ​ប្រទេស

ព័ត៌មានជាតិ៨ ម៉ោង មុន

លោក ផន ផល្លា បដិសេធថា មិនត្រូវបានសមត្ថកិច្ចហៅទៅ «អប់រំ»ទេ តែអាជ្ញាធរប្រកាសថាបាន«អប់រំ» និងឳ្យធ្វើ«កិច្ចសន្យា»

សេចក្ដីជូនដំណឹង៩ ម៉ោង មុន

ឡេង ណា​វ៉ា​ត្រា គោរព​អរគុណ​ដល់​ក្រសួង​ដែនដី​សម្រួល​ការថត​ចម្រៀង​( ប្រាំ​សីហា​ការដ្ឋាន​ប្រវត្តិសាស្ត្រ​ហ្វូណន​តេ​ជោ

ព័ត៌មានជាតិ១០ ម៉ោង មុន

សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ

ជីវិតកម្សាន្ដ១៥ ម៉ោង មុន

ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់

ព័ត៌មានអន្ដរជាតិ១៩ ម៉ោង មុន

ជម្លៀស​ខ្លួន​ប្រជាជននៅ​កោះត្រល់ ក្រោយ​ភ្លៀង​ធ្លាក់​ខ្លាំង​១២​ម៉ោង​ជាប់​គ្នា

ព័ត៌មានជាតិ១៣ ម៉ោង មុន

បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល

ចរាចរណ៍២៣ ម៉ោង មុន

រថយន្តធំ៣គ្រឿងបុកគ្នាពេញទំហឹង បណ្ដាលឲ្យមនុស្ស៣នាក់របួសធ្ងន់ស្រាល

Sokha Hotels

ព័ត៌មានពេញនិយម