សេដ្ឋកិច្ច
កម្ពុជានឹងចាប់យកទីផ្សារអារ៉ាប៊ីសាអ៊ូឌីតដើម្បីពង្រីការនាំចេញអង្ករប្រណិតទៅកាន់ប្លុកមជ្ឈឹមបូព៌ា និងអាហ្វ្រិក
អគ្គលេខាធិការនៃសហព័ន្ធស្រូវអង្ករកម្ពុជា (CRF) បានលើកឡើងថា កម្ពុជាកំពុងសំឡឹងចាប់យកសក្តានុពលនៃការនាំចេញប្រភេទអង្ករប្រណិតទៅកាន់ទីផ្សារអារ៉ាប៊ីសាអ៊ូឌីតដើម្បីពង្រីកការនាំចេញទៅកាន់ប្រទេសនេះ បណ្តាប្រទេសនៅមជ្ឈឹមបូព៌ា និងសម្រាប់នាំចេញទៅបណ្តាប្រទេសនៅទ្វីបអាហ្រ្វីក។
លោក លន់ យ៉េង អគ្គលេខាធិការរបស់ CRF បានថ្លែងប្រាប់កម្ពុជាថ្មីថា បន្ទាប់ពីក្រុមហ៊ុននាំចេញអង្ករចំនួនបួនបានចូលរួមក្នុងការតាំងពិព័រណ៍ The Saudi Food Show នៅទីក្រុង រីយ៉ាត ប្រទេសអារ៉ាប៊ីសាអ៊ូឌីតកាលពីពេលថ្មីៗនេះ។
លោកបានមានប្រសាសន៍ថា៖«កម្ពុជានឹងចាប់យកសក្តានុពលនៃការនាំចេញប្រភេទអង្ករប្រណិតទៅកាន់ទីផ្សារអារ៉ាប៊ីសាអ៊ូឌីតនេះគឺជាទីផ្សារដ៏មានសក្តានុពលខ្លាំងសម្រាប់អង្ករកម្ពុជាយើងទៅកាន់ប្រទេសនេះ ទៅបណ្តាប្រទេសនៅមជ្ឈឹមបូព៌ា និងក៏ជាច្រកសម្រាប់នាំចេញទៅបណ្តាប្រទេសនៅទ្វីបអាហ្រ្វីកមួយចំនួនផងដែរ ក្រោយពីយើងបានចូលរួមតាំងពិពរ័ជាលើកដំបូងកាលពីពេលថ្មីៗនេះ។ យើងដឹងហើយថា នៅប្រទេសអារ៉ាប៊ីសាអ៊ូឌីតជាប្រទេសមួយធំជាងគេនិងក៏មានចំនួនប្រជាជនច្រើនជាងគេ និងសេដ្ឋកិច្ចរបស់គាត់ក៏រីកចំរើនខ្លាំងនៅក្នុងចំណោមប្រទេសនៅមជ្ឈឹមបូព៌ា»។
បើយោងតាមតាមលោក យ៉េង ការនាំចេញអង្កររបស់កម្ពុជាក្នុង៤ទៅ៥ឆ្នាំចុងក្រោយនេះទៅមជ្ឈឹមបូព៌ា គឺនាំទៅអារ៉ាប៊ីសាអូឌីតច្រើនជាងគេគឺជិត១ម៉ឺនតោនក្នុង១ឆ្នាំៗ។ លោកថានៅក្នុងកំឡុងពេលតាំងពិរ័ពិពរ័នេះ បណ្តាក្រុមហ៊ុនរបស់កម្ពុជាក៏បានជជែកគ្នាច្រើនជាមួយក្រុមហ៊ុននាំចូលរបស់ប្រទេសអារ៉ាប៊ីសាអ៊ូឌីតពាក់ព័ន្ធទៅនឹងតម្លៃនៃអង្កររបស់កម្ពុជាផងដែរ។
«ជារួមយើងឃើញថាសក្តានុពលសម្រាប់ទីផ្សារនេះគឺធំនិងល្អសម្រាប់ទីផ្សារអង្កររបស់ កម្ពុជាយើងនាពេលអនាគត។ លើសពីនោះយើងអាចពង្រីកទីផ្សារបានធំលឿន ប្រសិនយើង អាចចាប់បានទីផ្សារនេះបន្ថែមទៀត»។ នេះបើយោងតាមលោកលន់ យ៉េង។
លោកស្រី ចម និម្មល រដ្ឋមន្ត្រីក្រសួង ពាណិជ្ជកម្ម បានថ្លែងក្នុងពិធីមួយនៅប្រទេសអេមីរ៉ាត់ អារ៉ាប់រួមកាលពីថ្ងៃទី១២ ខែមករា ឆ្នាំ២០២៤ថា កម្ពុជាមានក្តីសង្ឃឹមថា មានការបញ្ជារទិញអង្ករ និងនាំចេញបន្ថែមទៀតនៅពេលអនាគត ហើយក៏សូមស្នើឲ្យក្រសួង ស្ថាប័ននិងដៃគូពាក់ព័ន្ធ ពួតដៃគ្នាក្នុងការជំរុញ និងការអភិវឌ្ឍន៍វិស័យអង្ករនិងកេរ្តិ៍ អង្ករកម្ពុជា នៅលើទីផ្សារអន្តរជាតិពិសេស ទីផ្សារអេមីរ៉ាត់អារ៉ាប់រួម។
បើយោងតាម CRF សម្រាប់ការនាំចូលអង្ករនៃទីផ្សារមជ្ឈឹមបួព៌ាបានកើនឡើង១ ៣៩៨ តោននៅឆ្នាំ២០១៥ កើនដល់ ៧ ៦២១ តោននៅឆ្នាំ២០២៣ និងទីផ្សារតំបន់អាហ្រ្វិកកើនពី ៤ ២៨៤ តោននៅឆ្នាំ២០១៥ កើនដល់ ៥២ ៨២៨ តោននៅឆ្នាំ២០២៣។
របាយការណ៍របស់ CRF បានបង្ហាញថា កម្ពុជាបាននាំចេញអង្ករជាង ២៤៨,០០០ តោនក្នុងរយៈពេល ៤ ខែដំបូងនៃឆ្នាំ ២០២៤ ដោយទទួលបានប្រាក់ចំណូលសរុបចំនួន ១៧០ លានដុល្លារអាមេរិក៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន