សេដ្ឋកិច្ច
កម្ពុជារកចំណូលបានជាង ១៨៥ លានដុល្លារ ពីការនាំចេញជ័រកៅស៊ូ
កម្ពុជារកចំណូលបានជាង ១៨៥ លានដុល្លារ ពីការនាំចេញជ័រកៅស៊ូទៅទីផ្សារអន្តរជាតិ នៅក្នុងរយៈពេល ៥ ខែ ឆ្នាំ ២០២៤ កើនឡើង ២០ភាគរយ បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា (GDCE)។
លោក ម៉ែន សុភក្តិ ប្រធានសមាគមអភិវឌ្ឍន៍កៅស៊ូកម្ពុជាបានឲ្យដឹងថា ទីផ្សារនាំចេញកៅស៊ូរបស់កម្ពុជាមានភាពល្អប្រសើរទៅប្រទេសវៀតណាម ម៉ាឡេស៊ី និងចិន។
លោក ម៉ែន សុភក្តិ បញ្ជាក់ថា រោងចក្រផលិតសម្បកកង់រថយន្តនៅក្នុងស្រុកបានជួយទៅដល់ផលិតផលកៅស៊ូក្នុងស្រុក ទៅតាមលក្ខខណ្ឌគុណភាព និងតម្លៃព្រមព្រៀងគ្នា ខណៈផលិតផលក្នុងស្រុកមានលទ្ធភាពគ្រប់គ្រាន់ក្នុងការផ្គត់ផ្គង់រោងចក្រក្នុងស្រុក។
របាយការណ៍របស់អគ្គនាយកដ្ឋានកៅស៊ូបានឱ្យដឹងថា នៅត្រីមាសទី១ ឆ្នាំ ២០២៤ កម្ពុជានាំចេញកៅស៊ូស្ងួតចំនួន ៦៩ ៣២២ តោន កើនឡើង ៣ ៤០១ តោន ស្មើនឹងទឹកប្រាក់ប្រមាណ ១០០ លានដុល្លារ ឬស្មើនឹង ៥,២ ភាគរយធៀបនឹងរយៈពេលដូចគ្នាកាលពីឆ្នាំមុន ដែលភាគច្រើនមានការកើនឡើងនៃតម្រូវការនៃទីផ្សារក្នុងតំបន់ ជាពិសេសទីផ្សារចិន។
កៅស៊ូស្ងួតកម្ពុជាមានតម្លៃជាមធ្យម ១ ៤៥០ ដុល្លារ ក្នុងមួយតោនដែលខ្ពស់ជាងឆ្នាំមុន ៤១ ដុល្លារ។ កម្ពុជាបាននាំចេញទំនិញភាគច្រើនទៅកាន់ប្រទេសម៉ាឡេស៊ី វៀតណាម សិង្ហបុរី និងចិន។
បើតាមរបាយការណ៍ កម្ពុជាមានផ្ទៃដីដាំកៅស៊ូចំនួន ៤០៧.១៧២ ហិកតា ក្នុងនោះដើមឈើលើផ្ទៃដី ៣២០.១៨៤ ហិកតា ស្មើនឹង ៧៩ ភាគរយ៕
អត្ថបទ៖ ឡេង ដេត
-
ព័ត៌មានជាតិ១ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៧ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី