សេដ្ឋកិច្ច
IEA ៖ ពិភពលោកនឹងជួបប្រទះអតិរេកនៃការផ្គត់ផ្គង់ប្រេងទ្រង់ទ្រាយធំនៅឆ្នាំ ២០៣០
ទីភ្នាក់ងារថាមពលអន្តរជាតិ (IEA) បាននិយាយក្នុងរបាយការណ៍ប្រចាំឆ្នាំ ដែលចេញផ្សាយកាលពីថ្ងៃពុធថា ពិភពលោកទំនងនឹងជួបអតិរេកនៃការផ្គត់ផ្គង់ប្រេងទ្រង់ទ្រាយធំ នៅឆ្នាំ ២០៣០ ដោយសារកំណើនផលិតកម្ម ខណៈការផ្លាស់ប្តូរទៅរកថាមពលស្អាតធ្វើឱ្យតម្រូវការថយចុះ។ នេះបើតាមការចុះផ្សាយរបស់ទីភ្នាក់ងារសារព័ត៌មាន AFP។
IEA និយាយថា តម្រូវការសកលត្រូវបានគេរំពឹងថានឹង «ដល់កម្រិតមិនឡើងមិនចុះ» ១០៦ លានបារ៉ែល/ថ្ងៃ នៅចុងទសវត្សរ៍នេះ ខណៈសមត្ថភាពផ្គត់ផ្គង់សរុបអាចឈានដល់ ១១៤ លានបារ៉ែល/ថ្ងៃ ដែលបណ្តាលឱ្យមានអតិរេកផ្គត់ផ្គង់ «គួរឱ្យភ្ញាក់ផ្អើល» ចំនួន ៨ លានបារ៉ែល/ថ្ងៃ ដែលទីផ្សារប្រេងគួរត្រៀមខ្លួនសម្រាប់ការណ៍នេះ។
ការព្យាករណ៍នេះ ចេញផ្សាយប៉ុន្មានថ្ងៃក្រោយអង្គការនៃប្រទេសនាំចេញប្រេង និងសម្ព័ន្ធមិត្ត (OPEC +) បានផ្តល់សញ្ញាថា ពួកគេនឹងចាប់ផ្តើមបន្ធូរការកាត់បន្ថយទិន្នផលប្រេងនៅរដូវស្លឹកឈើជ្រុះនេះ ក្រោយប្លុកដដែលអនុវត្តវាដើម្បីជំរុញតម្លៃប្រេង ខណៈតម្រូវការខ្សោយ។
ក្នុងរបាយការណ៍ដដែល IEA បានកត់សម្គាល់ថា បណ្តាប្រទេសអាស៊ីដែលមានការអភិវឌ្ឍន៍យ៉ាងឆាប់រហ័សដូចជាចិន រួមជាមួយនឹងវិស័យអាកាសចរណ៍ និងគីមីឥន្ធនៈ នឹងនៅតែជំរុញឱ្យមានតម្រូវការ ដែលមានចំនួន ១០២ ប៊ីលានបារ៉ែល/ថ្ងៃ ក្នុងឆ្នាំ ២០២៣។
យ៉ាងណាមិញ ការផ្លាស់ប្តូរទៅរករថយន្តអគ្គិសនី រួមជាមួយនឹងការកើនឡើងនៃប្រសិទ្ធភាពថាមពល សម្រាប់រថយន្តធម្មតា និងការថយចុះនៃការប្រើប្រាស់ប្រេងដោយបណ្តាប្រទេសមជ្ឈិមបូព៌ាសម្រាប់ការផលិតអគ្គិសនី នឹងជួយកម្រិតកំណើនតម្រូវការដល់ប្រហែល ៤ ភាគរយនៅឆ្នាំ ២០៣០។
លើសពីនេះ សមត្ថភាពផលិតប្រេងក៏ហាក់ដូចជាកើនឡើង នាំមុខដោយសហរដ្ឋអាមេរិក និងប្រទេសដទៃទៀតនៅទ្វីបអាមេរិក ដែលការណ៍នេះធ្វើឱ្យមានការព្យាករណ៍ថា អតិរេកនៃការផ្គត់ផ្គង់ប្រេងនឹងកើនដល់ចំនួន ៨ លានបារ៉ែល/ថ្ងៃ។ កម្រិតអតិរេកនេះ ឈានដល់តែក្នុងអំឡុងការបិទខ្ទប់កូវីដ១៩ ក្នុងឆ្នាំ ២០២០ ប៉ុណ្ណោះ។
ក្រោមបញ្ហានេះ IEA បាននិយាយថា វាអាចមានផលវិបាកយ៉ាងសំខាន់សម្រាប់ទីផ្សារប្រេង រួមទាំងសម្រាប់សេដ្ឋកិច្ចប្រទេសផលិតក្នុងអង្គការ OPEC ក៏ដូចជាសម្រាប់ឧស្សាហកម្មទាញប្រេងរបស់សហរដ្ឋអាមេរិកផងដែរ៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន