កម្ពុជា-សិង្ហបុរីបន្តប្តេជ្ញាលើកិច្ចសហប្រតិបត្តិការរដ្ឋាភិបាលឌីជីថល

ក្រសួងប្រៃសណីយ៍ និងទូរគមនាគមន៍កម្ពុជា (MPTC) និងក្រសួងទំនាក់ទំនង និងព័ត៌មាននៃប្រទេសសិង្ហបុរី (MCI) បានចុះហត្ថលេខាលើអនុស្សរណៈនៃការយោគយល់គ្នា (MoU) សំដៅកែទម្រង់បណ្តាញរដ្ឋាភិបាលឌីជីថល ក៏ដូចជាការលើកកម្ពស់ការអភិវឌ្ឍធនធានមនុស្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍(MPTC)  ​និង លោក Janil Puthucheary រដ្ឋមន្ត្រីទទួលបន្ទុកទីភ្នាក់ងារបច្ចេកវិទ្យារដ្ឋាភិបាលសិង្ហបុរី (GovTech Singapore) និងជាអនុរដ្ឋមន្ត្រីក្រសួងគមនាគមន៍និងព័ត៌មាននៃសាធារណរដ្ឋសិង្ហបុរី ​ (MCI) )បាន​ចុះហត្ថលេខាលើអនុស្សរណៈនៃការយោគយល់គ្នា(MoU) ជាមួយ ស្តីពីកិច្ចសហប្រតិបត្តិការរដ្ឋាភិបាលឌីជីថល ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម Lawrence Wong នាយករដ្ឋមន្ត្រី នៃសាធារណរដ្ឋសិង្ហបុរីកាលពីថ្ងៃទី១៨ខែមិថុនាថ្មីៗកន្លងទៅនេះ។

យោងតាមក្រសួង៖« អនុស្សរណៈនៃការយោគយល់នេះ មានគោលបំណងដើម្បីបន្តជំរុញកិច្ចសហប្រតិបត្តិការ ការអភិវឌ្ឍបច្ចេកទេស ការធ្វើ​បរិវត្តកម្មរដ្ឋាភិបាលឌីជីថល​ និងការអភិវឌ្ឍធនធានមនុស្សរវាងប្រទេសទាំងពីរ ឱ្យកាន់តែប្រសើរ»។

​បើយោងតាម MCI កម្ពុជា និងសិង្ហបុរីបានប្តេជ្ញាបន្តកិច្ចសហប្រតិបត្តិការក្នុងរដ្ឋាភិបាលឌីជីថល តាមរយៈការចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើរដ្ឋាភិបាលឌីជីថល ​រវាងក្រសួងប្រៃសណីយ៍ និងទូរគមនាគមន៍ ​ នៃកម្ពុជា និងក្រសួងទំនាក់ទំនង និងព័ត៌មានសិង្ហបុរី។

ក្រសួងគមនាគមន៍និងព័ត៌មាននៃសាធារណរដ្ឋសិង្ហបុរីបានលើកឡើងថា៖«MOU គូសបញ្ជាក់ការប្តេជ្ញាចិត្តរបស់ប្រទេសទាំងពីរក្នុងការបន្តកិច្ចសហប្រតិបត្តិការជិតស្និទ្ធរបស់ពួកគេនៅក្នុង រដ្ឋាភិបាលឌីជីថល។ Singapore GovTech និងស្ថាប័នផលិតផលរដ្ឋាភិបាលបើកចំហនឹងបន្តធ្វើការជាមួយគណៈកម្មាធិការរដ្ឋាភិបាលឌីជីថលកម្ពុជាក្នុងការអនុវត្ត​នៃផលិតផលរដ្ឋាភិបាលឌីជីថលបើកចំហរបស់ប្រទេសសិង្ហបុរី»៕