ព័ត៌មានអន្ដរជាតិ
វៀតណាម៖ ក្រុងហាណូយគ្រោងសាងសង់ផ្លូវដែក ៦០០ គីឡូម៉ែត្រ ត្រឹម ២០ ឆ្នាំខាងមុខ
រដ្ឋបាលទីក្រុងហាណូយនៃប្រទេសវៀតណាម បានអនុម័តលើផែនការអភិវឌ្ឍន៍ដ៏ធំ ក្នុងការវិនិយោគលើប្រព័ន្ធផ្លូវដែកប្រវែងជាង ៦០០ គីឡូម៉ែត្រ នៅត្រឹមឆ្នាំ ២០៤៥។ នេះបើតាមការចុះផ្សាយរបស់កាសែត Viet Nam News។
យោងតាមឯកសារចេញផ្សាយកាលពីដើមខែនេះ គណៈកម្មាធិការបក្សកុម្មុយនិស្តនៃក្រុងហាណូយ នឹងផ្តល់អាទិភាពដល់ការអភិវឌ្ឍន៍ការដឹកជញ្ជូនសាធារណៈ និងពន្លឿនប្រតិបត្តិការបណ្តាញផ្លូវដែករបស់ទីក្រុង។
គំនិតផ្តួចផ្តើមនេះ មានគោលបំណងកាត់បន្ថយការកកស្ទះចរាចរណ៍ កែលម្អហេដ្ឋារចនាសម្ព័ន្ធដឹកជញ្ជូន ជំរុញការអភិវឌ្ឍន៍សេដ្ឋកិច្ចសង្គមរបស់ទីក្រុង និងកាត់បន្ថយការបំពុលបរិស្ថាន។
តាមផែនការសាងសង់មេរបស់ទីក្រុងហាណូយដល់ឆ្នាំ ២០៣០ ប្រព័ន្ធផ្លូវដែកក្នុងទីក្រុងនេះនឹងមានចំនួន ១០ ខ្សែ ដោយលាតសន្ធឹងលើប្រវែង ៤១០ គីឡូម៉ែត្រ។ បច្ចុប្បន្ន រដ្ឋបាលទីក្រុងកំពុងកែសម្រួលផែនការនេះ ដោយបន្ថែមផ្លូវដែកចំនួន ៥ ខ្សែទៀត ជាមួយនឹងប្រវែង ២០០ គីឡូម៉ែត្រ។
នៅឆ្នាំ ២០៤៥ ទីក្រុងហាណូយរំពឹងថានឹងមានផ្លូវរថភ្លើងចំនួន ១៥ ខ្សែ ក្នុងប្រវែងសរុប ៦១៧ គីឡូម៉ែត្រ ដោយរំពឹងប្រើថវិកាប្រមាណ ៥៥,៤៤ ប៊ីលានដុល្លារអាមេរិក។ អាជ្ញាធរវៀតណាមរំពឹងថា ប្រព័ន្ធផ្លូវដែកដដែល នឹងរួមចំណែកពី ៣៥-៤០ ភាគរយ នៃតម្រូវការដឹកជញ្ជូនសាធារណៈត្រឹមឆ្នាំ ២០៣០ និងរហូតដល់ ៧០ ភាគរយ នៅក្នុងឆ្នាំបន្តបន្ទាប់។
គម្រោងមហិច្ឆតានេះ ឆ្លុះបញ្ចាំងពីការប្តេជ្ញាចិត្តរបស់ទីក្រុងហាណូយ ក្នុងការប្រែក្លាយប្រព័ន្ធដឹកជញ្ជូនរបស់ខ្លួន និងគាំទ្រដល់ការអភិវឌ្ឍន៍ទីក្រុងប្រកបដោយនិរន្តរភាព។
គេមើលឃើញថា គម្រោងនេះប្រកាសឡើងចំពេលដែលរដ្ឋាភិបាលវៀតណាមផ្ដោតខ្លាំងលើការអភិវឌ្ឍប្រព័ន្ធគមនាគមន៍ផ្សេងៗ រួមទាំងផ្លូវល្បឿនលឿន និងផ្លូវរថភ្លើងល្បឿនលឿន ដើម្បីប្រែខ្លួនក្លាយជាមជ្ឈមណ្ឌលដឹកជញ្ជូនក្នុងតំបន់ ជាប្រយោជន៍ដល់សេដ្ឋកិច្ចជាតិ៕
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ