ព័ត៌មានអន្ដរជាតិ
ហ្វីលីពីន ចរចាជាមួយឥណ្ឌា និងប៉ាគីស្ថាន លើការនាំចូលអង្ករ ២ លានតោន/ឆ្នាំ
ក្រសួងកសិកម្មហ្វីលីពីន កំពុងចរចារជាមួយប៉ាគីស្ថាន និងឥណ្ឌា ដើម្បីឱ្យប្រទេសទាំង២ផ្គត់ផ្គង់អង្ករ ២ លានតោនក្នុងមួយឆ្នាំឱ្យបានជាប់លាប់។ នេះបើតាមការចុះផ្សាយរបស់កាសែត Philippine Daily Inquirer។
រដ្ឋមន្ត្រីក្រសួងកសិកម្ម លោក Francisco Tiu Laurel Jr. បានឱ្យដឹងថា លោកបានជួបជាមួយឯកអគ្គរដ្ឋទូតប៉ាគីស្ថានប្រចាំហ្វីលីពីន លោក Imtiaz Kazi ដើម្បីបញ្ចប់អនុស្សរណៈនៃការយោគយល់គ្នាមួយ។ ក្រោមសំណើ ប៉ាគីស្ថាននឹងផ្គត់ផ្គង់អង្ករទៅហ្វីលីពីនរហូតដល់១លានតោន/ឆ្នាំ ដែលស្មើនឹងប្រហែល ២៥ ភាគរយនៃតម្រូវការនាំចូលអង្កររបស់ប្រទេសនេះ។
ក្រសួងកសិកម្មក៏កំពុងធ្វើការលើកិច្ចព្រមព្រៀងស្រដៀងគ្នា ជាមួយឥណ្ឌាផងដែរ។ នាពេលបច្ចុប្បន្ន វៀតណាមនាំមុខគេ លើការផ្គត់ផ្គង់អង្ករសម្រាប់ហ្វីលីពីន ហើយបន្ទាប់មកគឺថៃ និងប៉ាគីស្ថាន។
កាលពីខែមុន ឯកអគ្គរដ្ឋទូតប៉ាគីស្ថាន លោក Kazi បានបង្ហាញចំណាប់អារម្មណ៍របស់ប៉ាគីស្ថានក្នុងការបង្កើតភាពជាដៃគូជាមួយហ្វីលីពីនលើការនាំចូលអង្ករ ខណៈពាណិជ្ជករប៉ាគីស្ថានស្វែងរក «ស្ថិរភាព និងភាពប្រាកដប្រជា» លើបរិមាណអង្ករ ដែលត្រូវនាំចូលហ្វីលីពីន ដោយលើកឡើងពីការប្រែប្រួលតម្លៃពន្ធដែលកំណត់ដោយរដ្ឋាភិបាល និងតម្លៃប្រកួតប្រជែងសកល។
គួរគូសបញ្ជាក់ថា ហ្វីលីពីនគឺជាប្រទេសនាំចូលអង្ករដ៏ធំបំផុតមួយរបស់ពិភពលោកប្រមាណ ៣,៨ លានតោននៅឆ្នាំ ២០២៣ ដោយសារតែផលិតកម្មស្រូវរបស់ប្រទេសកោះសម្បូរគ្រោះធម្មជាតិមួយនេះ មានចំនួនតិចជាងតម្រូវការ។ ការណ៍នេះ ធ្វើឱ្យហ្វីលីពីនងាយរងគ្រោះនៃការប្រែប្រួលនៃតម្លៃអង្កររបស់សកល ជាពិសេសចំពេលដែលការផ្គត់ផ្គង់រងការរំខាន៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង