ប្រទេសថៃកំណត់អត្រាពន្ធសាជីវកម្មអប្បបរមា ១៥% ចាប់ពីថ្ងៃទី ១ ខែមករាឆ្នាំនេះ

ក្រសួងហិរញ្ញវត្ថុបានបញ្ជាក់កាលពីថ្ងៃសុក្រកន្លងមកថារដ្ឋាភិបាលខ្លួនបានកំណត់ពន្ធសាជីវកម្មអប្បបរមាជាសកលចំនួន ១៥% លើសហគ្រាសពហុជាតិ​ធំៗចាប់ពីថ្ងៃទី ១ ខែមករា ឆ្នាំ ២០២៥នេះតទៅ។

ក្រសួងបាននិយាយនៅក្នុងសេចក្តីថ្លែងការណ៍មួយថា អត្រាពន្ធនេះ នឹងត្រូវកាត់តាមអត្រាអប្បបរមាដែលបានព្រមព្រៀងជាសាកល ស្របតាមក្របខណ្ឌពន្ធអប្បបរមាសកល ដែល​ជាការកំណត់នៃ​ការប្រកួតប្រជែងពន្ធ។

អត្រាពន្ធលើប្រាក់ចំណូលសាជីវកម្មស្តង់ដាររបស់ប្រទេសថៃគឺ ២០% ទោះបីជារដ្ឋាភិបាលផ្តល់ការលើកលែង ឬអត្រាពន្ធទាបសម្រាប់គម្រោងវិនិយោគមួយចំនួនដើម្បីទាក់ទាញក្រុមហ៊ុនបរទេសធំៗក៏ដោយ។

ក្រោមច្បាប់ដែលស្ថិតក្រោមការគ្រប់គ្រងដោយអង្គការសហប្រតិបត្តិការសេដ្ឋកិច្ច និងអភិវឌ្ឍន៍ (OECD) ពន្ធអប្បបរមា ១៥% នឹងត្រូវគិតថ្លៃលើបណ្តាក្រុមហ៊ុនពហុជាតិសាសន៍ដែលមានចំណូលប្រចាំឆ្នាំជាសកលលើសពី ​៧៨២782 លានដុល្លារអាមេរិក។

ប្រទេស​ថៃ​កំពុង​ព្យាយាម​ធ្វើ​បច្ចុប្បន្នភាព​ច្បាប់ គោលនយោបាយ និង​ការ​អនុវត្ត​ពន្ធ​របស់​ខ្លួន ខណៈ​ដែលប្រទេសមួយនេះកំពុងស្វែងរក​ការ​ចូលជាសមាជិកនៃ OECD នៅ​ប៉ុន្មាន​ឆ្នាំ​ខាង​មុខ។

រដ្ឋាភិបាលបានផ្តល់សំណងផ្នែកខ្លះនៃបន្ទុកពន្ធសម្រាប់ក្រុមហ៊ុនបរទេស ប្រសិនបើពួកគេបំពេញតាមតម្រូវការ ដូចជាការផ្លាស់ប្តូរការស្រាវជ្រាវទៅកាន់ប្រទេសថៃ ការកែលម្អប្រតិបត្តិការរបស់ពួកគេឱ្យកាន់តែមានភាពល្អប្រសើរជាមួយបរិស្ថាន ឬផ្តល់ការបណ្តុះបណ្តាលជំនាញដល់បុគ្គលិកក្នុងស្រុក​៕