ព័ត៌មានអន្ដរជាតិ

វៀតណាមចាត់វិធានការពន្ធបណ្ដោះអាសន្នលើដែកថែបចិន

បានផុស

១ year មុន

នៅ

ថ្ងៃចន្ទ ២៤ កុម្ភៈ ២០២៥

ដោយ

វៀតណាមគ្រោងនឹងដាក់ពន្ធបណ្ដោះអាសន្ន ប្រឆាំងនឹងការលក់បង្ខូចតម្លៃដែកថែបមួយចំនួនដែលនាំចូលពីចិន ក្នុងអត្រាចន្លោះពី ១៩,៣៨-២៧,៨៣ ភាគរយ ដោយចូលជាធរមានចាប់ពីថ្ងៃពីដើមខែមីនា តទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមឯកសាររបស់ក្រសួងពាណិជ្ជកម្មចុះថ្ងៃទី ២១ ខែកុម្ភៈ ពន្ធលើផលិតផលដែកថែបរមូរក្តៅ នឹងចូលជាធរមានចាប់ពីថ្ងៃទី ៨ ខែមីនា សម្រាប់រយៈពេល ១២០ ថ្ងៃ។ មន្រ្តីរបស់ក្រសួងក៏បានបញ្ជាក់ផងដែរពីការណ៍នេះ។

ក្នុងចំណោមក្រុមហ៊ុនចិន ដែលត្រូវជាប់ពន្ធ ២៧,៨៣ ភាគរយ រួមមានក្រុមហ៊ុន Baoshan Iron & Steel និងក្រុមហ៊ុន Maanshan Iron & Steel។ ចំណែកឯក្រុមហ៊ុន Guangxi Liuzhou Iron and Steel Group នឹងត្រូវជាប់ពន្ធ ១៩,៣៨ ភាគរយ។

គួរគូសបញ្ជាក់ថា អាជ្ញាធរវៀតណាមបានបើកការស៊ើបអង្កេតប្រឆាំងការលក់បង្ខូចតម្លៃលើដែកថែបនាំចូលពីចិន និងឥណ្ឌា កាលពីខែកក្កដា ឆ្នាំមុន តាមការប្ដឹងរបស់ក្រុមហ៊ុនផលិតដែកថែបក្នុងស្រុក។ យ៉ាងណាមិញ ដែកថែបឥណ្ឌាមិនត្រូវបានចាត់វិធានការពន្ធនោះទេ។

រដ្ឋាភិបាលបាននិយាយថា ក្នុងអំឡុងខែមករា ដល់ខែកញ្ញា ឆ្នាំមុន វៀតណាមបាននាំចូលដែកថែបរមូរក្តៅជិត ៨,៨ លានតោន ក្នុងនោះ ៧២ ភាគរយ មានប្រភពមកពីប្រទេសចិន។

ទិន្នន័យគយវៀតណាមបង្ហាញថា តម្លៃសរុបនៃដែកថែប និងរ៉ែដែក និងផលិតផលដែកថែប និងដែកដែលនាំចូលពីប្រទេសចិនកាលពីឆ្នាំមុន មានជិត ១២ ប៊ីលានដុល្លារ៕