ព័ត៌មានអន្ដរជាតិ
ត្រាំ គំរាមដាក់ពន្ធ ២៥ % លើ EU និងថា ប្លុកមានបំណងបង្ខូចអាមេរិក
ប្រធានាធិបតីសហរដ្ឋអាមេរិក លោក ដូណាល់ ត្រាំ ជាថ្មីម្ដងទៀតបានគំរាមដាក់ពន្ធលើសហភាពអឺរ៉ុប (EU) ក្នុងអត្រា ២៥ ភាគរយ ដោយលើកឡើងផងដែរថា ប្លុកនេះបង្កើតឡើងដើម្បីបង្ខូចសហរដ្ឋអាមេរិក។ នេះបើតាមការចុះផ្សាយរបស់បណ្ដាញទូរទស្សន៍ CNBC។
លោកបានថ្លែងក្នុងកិច្ចប្រជុំគណៈរដ្ឋមន្រ្តីជាលើកដំបូងនៃអាណត្តិទី២របស់លោក កាលពីថ្ងៃពុធ ថា ពន្ធ ២៥ ភាគរយ លើទំនិញរបស់កាណាដា និងម៉ិកស៊ិក នឹងចូលជាធរមាននៅថ្ងៃទី ២ ខែមេសា ហើយថាវិធានការពាណិជ្ជកម្មរបស់លោក ក៏នឹងរួមបញ្ចូលពន្ធ ២៥ ភាគរយ លើទំនិញពីសហភាពអឺរ៉ុបផងដែរ។
លោកបានប្រាប់ក្រុមអ្នកយកព័ត៌មានថា៖ «យើងនឹងប្រកាសវាឆាប់ៗនេះ។ វាមានអត្រា ២៥ ភាគរយ បើនិយាយជាទូទៅ ដោយគ្របដណ្ដប់លើរថយន្ត និងគ្រប់ទំនិញផ្សេងៗទៀត»។ លោកបន្ថែមថា៖ «ពួកគេពិតជាបានទាញយកប្រយោជន៍ពីយើងមែន។ ពួកគេមិនទទួលរថយន្តរបស់យើងទេ ពួកគេមិនទទួលសោះ ជាពិសេសផលិតផលកសិកម្មរបស់យើង»។
មិនត្រឹមតែប៉ុណ្ណោះនោះទេ ប្រធានាធិបតីដដែលបានអះអាងដោយមិនផ្ដល់ភស្តុតាងថា សហភាពបង្កើតឡើងដើម្បីបង្ខូចសហរដ្ឋអាមេរិក។ លោកថ្លែងយ៉ាងដូច្នេះថា៖ «ខ្ញុំស្រលាញ់បណ្តាប្រទេសនៅអឺរ៉ុប។ ប៉ុន្តែសហភាពអឺរ៉ុបត្រូវបានបង្កើតឡើងក្នុងគោលបំណងដើម្បីកេងប្រវ័ញ្ញសហរដ្ឋអាមេរិក។ នោះជាគោលបំណងរបស់ប្លុក ហើយពួកគេធ្វើបានយ៉ាងល្អ។ ប៉ុន្តែឥឡូវនេះ ខ្ញុំជាប្រធានាធិបតី»។
គួរគូសបញ្ជាក់ថា សហភាពអឺរ៉ុប ត្រូវបានបង្កើតឡើងក្រោយសន្ធិសញ្ញាម៉ាសស្ត្រីក (Maastricht) ចូលជាធរមាននៅឆ្នាំ ១៩៩៣ ក្រោមការរួបរួមរបស់អឺរ៉ុបក្រោយសង្រ្គាម និងមានគោលបំណងផងដែរលើការបង្កើតទីផ្សាររួម និងការសម្រេចបានការអភិវឌ្ឍន៍ប្រកបដោយចីរភាព។ បច្ចុប្បន្ន សហភាពអឺរ៉ុបជាប្លុកសេដ្ឋកិច្ចដ៏ធំបំផុតរបស់ពិភពលោក និងបណ្ដុំទៅដោយប្រទេសអភិវឌ្ឍ។
ទិន្នន័យរបស់គណៈកម្មការអឺរ៉ុបបង្ហាញថា EU មានអតិរេកពាណិជ្ជកម្ម ១៥៥,៨ ប៊ីលានអឺរ៉ូ (១៥៩,៦ ប៊ីលានដុល្លារ) ជាមួយសហរដ្ឋអាមេរិក ក្នុងឆ្នាំ ២០២៣ ប៉ុន្តែមានឱនភាពពាណិជ្ជកម្មផ្នែកសេវាកម្មទៅអាមេរិករហូតដល់ ១០៤ ប៊ីលានអឺរ៉ូ។ គ្រឿងចក្រ និងយានជំនិះ គឺជាទំនិញសំខាន់ៗបំផុតនៃការនាំចេញរបស់ប្លុកទៅកាន់សហរដ្ឋអាមេរិក បន្ទាប់មកគឺសារធាតុគីមី ទំនិញផលិតផ្សេងៗ និងផលិតផលឱសថ និងឱសថ។
សេដ្ឋវិទូព្រមានថា ពន្ធលើការនាំចូលពីសហភាបអឺរ៉ុប ទំនងនឹងបង្កើនតម្លៃខ្ពស់សម្រាប់អ្នកប្រើប្រាស់សហរដ្ឋអាមេរិក ដូចគ្នាទៅនឹងបន្ធរបស់ប្រទេសដទៃផ្សេងទៀតផងដែរ៕
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ