ព័ត៌មានអន្ដរជាតិ
ធនគារកណ្ដាលថៃ ទម្លាក់អត្រាការប្រាក់សំខាន់ ជុំវិញកង្វល់សេដ្ឋកិច្ចដោយសារពន្ធ
ធនាគារកណ្តាលថៃ បានទម្លាក់អត្រាការប្រាក់សំខាន់របស់ខ្លួន ចំនួន ០,២៥ ភាគរយ ជាលើកទី២ជាប់ៗគ្នាកាលពីថ្ងៃពុធ ដើម្បីជួយជំរុញសេដ្ឋកិច្ចដើរអូសជើង ចំពេលគោលនយោបាយពន្ធគយខ្ពស់របស់សហរដ្ឋអាមេរិកបង្កើនភាពមិនប្រាកដប្រជានៃសេដ្ឋកិច្ច។ នេះបើតាមការចុះផ្សាយរបស់កាសែតបាងកកប៉ុស្តិ៍។
គណៈកម្មាធិការគោលនយោបាយរូបិយវត្ថុរបស់ធនាគារកណ្តាលថៃ បានបោះឆ្នោតគាំទ្រក្នុងសម្លេង ៥ ទល់នឹង ២ ដើម្បីកាត់បន្ថយអត្រា «Repo Rate» (អត្រាដែលធនាគារកណ្ដាលគិតលើកម្ចីសម្រាប់ធនាគារពាណិជ្ជដើម្បីដោះដូរមូលបត្រ) ប្រមាណ ២៥ ពិន្ទុ ពោលគឺ ០,២៥ ភាគរយ ឱ្យមកនៅត្រឹម ១,៧៥ ភាគរយ ដែលជាកម្រិតទាបបំផុតក្នុងរយៈពេល២ឆ្នាំ។ កាលពីខែកុម្ភៈ ធនាគារកណ្ដាលថៃ បានទម្លាក់អត្រាការប្រាក់ដដែល ២៥ ពិន្ទុ រួចហើយ។
ទេសាភិបាលធនាគារកណ្ដាលថៃ លោក Sethaput Suthiwartnaruput បាននិយាយក្នុងសុន្ទរកថា កាលពីថ្ងៃអង្គារថា៖ «វាច្បាស់ណាស់ថា ព្យុះកំពុងបក់បោកមកពីសង្រ្គាមពាណិជ្ជកម្ម។ តម្រូវការផ្តោតលើស្ថេរភាព គឺខ្ពស់»។
ក្នុងសេចក្តីថ្លែងការណ៍ចេញផ្សាយបន្ទាប់ពីកិច្ចប្រជុំនៅថ្ងៃពុធនេះ ធនាគារកណ្តាលបាននិយាយថា រំពឹងថាសេដ្ឋកិច្ចថៃនឹងកើនឡើងក្នុងល្បឿនយឺតជាងការរំពឹងទុក ក្រោមហានិភ័យធ្លាក់ចុះកាន់តែច្រើន ដោយសារតែភាពមិនច្បាស់លាស់ក្នុងគោលនយោបាយពាណិជ្ជកម្មរបស់ប្រទេសធំៗ និងការធ្លាក់ចុះនៃចំនួនភ្ញៀវទេសចរ។
ធនាគារបានទម្លាក់ការព្យាករដោយថា សេដ្ឋកិច្ចថៃនឹងកើនត្រឹម ២ ភាគរយ ឆ្នាំនេះ ធៀបនឹង ២,៥ ភាគរយ ក្នុងការព្យាករកាលពីលើកមុន។
គួរគូសបញ្ជាក់ថា សេដ្ឋកិច្ចថៃបានជួបនឹងបញ្ហាប្រឈមធំៗផ្ទួនៗគ្នា ដោយកាលពីដើមឆ្នាំ គឺពាក់ព័ន្ធនឹងករណីជួញដូរមនុស្សលើតួសម្ដែងចិន ក្រោយមកគឺការរញ្ជួយដីនៅចុងខែមីនា និងបន្ទាប់មកទៀត គឺការដាក់ពន្ធគយបដិការ ៣៦ ភាគរយ លើទំនិញថៃ របស់សហរដ្ឋអាមេរិក ដែលជាទីផ្សារនាំចេញដ៏សំខាន់បំផុត របស់ប្រទេសអាស៊ីអាគ្នេយ៍មួយនេះ។
តាមការព្យាករដដែលរបស់ធនាគារកណ្ដាល កំណើនសេដ្ឋកិច្ចថៃអាចធ្លាក់ចុះដល់កម្រិតទាប ១,៣ ភាគរយ ប្រសិនបើថៃបរាជ័យក្នុងការចរចាជាមួយរដ្ឋបាលរបស់ប្រធានាធិបតី ដូណាល់ ត្រាំ ដើម្បីបញ្ឈប់ការអនុវត្តពន្ធគយ ៣៦ ភាគរយ ចាប់ពីដើមខែកក្កដា តទៅ។
បច្ចុប្បន្ន នាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត្រ កំពុងព្យាយាមធានាការចរចាជាមួយរដ្ឋបាល ត្រាំ ហើយរដ្ឋាភិបាលរបស់លោកស្រី ក៏កំពុងពិចារណាវិធានការជំរុញសេដ្ឋកិច្ចផ្សេងៗ ដើម្បីកាត់បន្ថយផលប៉ះពាល់ក្នុងស្រុក៕
ធនគារកណ្ដាលថៃ ទម្លាក់អត្រាការប្រាក់សំខាន់ ជុំវិញកង្វល់សេដ្ឋកិច្ចដោយសារពន្ធ
មិនទាន់ការផង អតីតស្វាមីសាន់ឆាយ និងប្រពន្ធថ្មី បង្អួតវីឡាប្រណីត ជាទ្រនំសុខសាន្ត
ក្រុមហ៊ុនមកពីតំបន់មជ្ឈឹមបូព៌ា ចាប់អារម្មណ៍ដាក់ទុនវិនិយោគ លើហេដ្ឋារចនាសម្ព័ន្ធ និងកំពង់ផែនៅកម្ពុជា
ក្រសួងសង្គមកិច្ច គ្រោងបើកវគ្គបណ្ដុះបណ្ដាលជំនាញម៉ាស្សា និងស្ប៉ាកម្រិតអាស៊ាន ដល់ជនមានពិការភាពភ្នែក
ភាពយន្តជីវចលកូរ៉េ «The King of Kings» វ៉ាដាច់រឿងល្បីៗដោយរកចំណូលខ្ពស់បំផុតនៅអាមេរិក
ស្វាយកែវល្មៀតគ្មានទីផ្សារ ធ្វើឱ្យពលរដ្ឋចាក់ចោលរាប់តោន
អាជីវករខ្មែរសម្រុកយកផ្សិតប៉ក់ទៅលក់នៅព្រំដែនអានសេះ ត្រូវអាជ្ញាធរថៃហាមឃាត់
ក្រសួងមុខងារ នឹងចាប់ដៃអង្គភាពប្រឆាំងអំពើពុករលួយ បង្ក្រាបជនស៊ីឈ្នួលរត់ការចូលក្របខណ្ឌរដ្ឋ
អាវុធហត្ថខេត្តកំពង់ស្ពឺ ឃាត់ខ្លួនជនសង្ស័យ៦នាក់ ករណីចែកចាយគ្រឿងញៀន១៥៩ កញ្ចប់ និងដកហូតវត្ថុតាងមួយចំនួន
ខេត្តកំពតជាប់សមុទ្រ ដែកឆក់ទាក់ទាញវិនិយោគិន មានផែទឹកជ្រៅ ផែទេសចរណ៍អន្តរជាតិ តំបន់សេដ្ឋកិច្ចពិសេសជាច្រើនកន្លែង
-
សន្តិសុខសង្គម៤ ថ្ងៃ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ២ ថ្ងៃ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
ព័ត៌មានជាតិ៦ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ៧ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៥ ថ្ងៃ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ៥ ថ្ងៃ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ១ សប្តាហ៍ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សេចក្ដីជូនដំណឹង៤ ថ្ងៃ agoក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”