សេដ្ឋកិច្ច

កម្ពុជា-ចិន បន្តពង្រឹងកិច្ចសហការលើការអភិវឌ្ឍប្រព័ន្ធបច្ចេកវិទ្យាព័ត៌មានឧស្សាហកម្ម

បានផុស

១០ ខែ មុន

នៅ

ថ្ងៃពុធ ១៣ សីហា ២០២៥

ដោយ

កម្ពុជា-ចិន បន្តពង្រឹងកិច្ចសហការរួមគ្នាលើការអភិវឌ្ឍប្រព័ន្ធបច្ចេកវិទ្យាព័ត៌មានឧស្សាហកម្មរបស់កម្ពុជា និងការផ្ទេរបច្ចេកវិទ្យា។ ការឱ្យដឹងបែបនេះ ក្នុងឱកាសរដ្ឋមន្ត្រីក្រសួងឧស្សាហកម្មកម្ពុជា ទទួលជួបគណៈប្រតិភូខេត្តលៀវនីង នៃសាធារណរដ្ឋប្រជាមានិតចិន ដឹកនាំដោយលោក Lang Yansong នាយកក្រុមហ៊ុនអភិវឌ្ឍន៍ឧស្សាហកម្ម Lianjia ជាក្រុមហ៊ុនរដ្ឋមួយ នៅថ្ងៃទី១២ ខែសីហា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះ លោករដ្ឋមន្ត្រី ហែម វណ្ណឌី បានកោតសរសើរក្រុមហ៊ុនអភិវឌ្ឍន៍ឧស្សាហកម្ម Lianjia នៃខេត្តលីវនីង ចំពោះការគាំទ្រផ្នែកបច្ចេកទេសក្នុងការអភិវឌ្ឍប្រព័ន្ធបច្ចេកវិទ្យាព័ត៌មានឧស្សាហកម្មសម្រាប់កម្ពុជា ដោយគម្រោងនេះនឹងដើរតួនាទីសំខាន់ក្នុងការកែលម្អការគ្រប់គ្រងឧស្សាហកម្ម និងគាំទ្រការរៀបចំគោលនយោបាយដែលផ្អែកលើទិន្នន័យ។

លោករដ្ឋមន្ត្រី បានសង្កត់ធ្ងន់លើភាពជាម្ចាស់របស់កម្ពុជាលើប្រព័ន្ធបច្ចេកវិទ្យានេះ ដើម្បីធានាបាននូវនិរន្តរភាពបន្ទាប់ពីការបញ្ចប់គម្រោង ព្រមទាំងសុច្ចរិតភាពទិន្នន័យក្រោមការគ្រប់គ្រងរបស់រាជរដ្ឋាភិបាល។

លោក ហែម វណ្ណឌី បានអះអាងថា «គោលដៅរបស់យើងគឺអភិវឌ្ឍប្រព័ន្ធបច្ចេកវិទ្យាដើម្បីលើកកម្ពស់ប្រសិទ្ធភាពការងារ តែមិនបន្ថែមបន្ទុកដល់សហគ្រាសឧស្សាហកម្មទេ ហើយប្រព័ន្ធនេះត្រូវផ្តល់ប្រយោជន៍ដល់រាជរដ្ឋាភិបាល អ្នកវិនិយោគ និងក្រសួង-ស្ថាប័នពាក់ព័ន្ធ»។

ជាការឆ្លើយតប លោក Lang Yansong នាយកក្រុមហ៊ុនអភិវឌ្ឍន៍ឧស្សាហកម្ម Lianjia បានបញ្ជាក់ការប្តេជ្ញាចិត្តរបស់ខេត្តលៀវនីង ក្នុងការគាំទ្រកម្ពុជា មិនត្រឹមតែលើការអភិវឌ្ឍប្រព័ន្ធប៉ុណ្ណោះទេ ប៉ុន្តែនឹងផ្តល់ការបណ្ដុះបណ្ដាលដល់ក្រុមការងារបច្ចេកទេសក្នុងស្រុក ដើម្បីគ្រប់គ្រងប្រព័ន្ធផងដែរ។ លោកបានបន្ថែមថា ដោយមានការគាំទ្រពីដៃគូដូចជា China Mobile ការអភិវឌ្ឍប្រព័ន្ធនេះ នៅដំណាក់កាលបន្តបន្ទាប់ នឹងរួមបញ្ចូលទិន្នន័យកាន់តែសម្បូរបែប។

ភាគីទាំងពីរក៏បានពិភាក្សាឱកាសសហការលើការផ្ទេរបច្ចេកវិទ្យាកាន់តែទូលំទូលាយ ជាពិសេសផ្នែកស្វ័យប្រវត្តិកម្ម និងគ្រឿងម៉ាស៊ីនទំនើបៗ សម្រាប់សហគ្រាសធុនតូច និងមធ្យមនៅកម្ពុជា ក៏ដូចជាកិច្ចសហប្រតិបត្តិការលើការស្រាវជ្រាវជាមួយសាកលវិទ្យាល័យក្នុងស្រុក។

ជាចុងក្រោយ លោក រដ្ឋមន្ត្រី ហែម វណ្ណឌី បានជម្រាបជូនគណៈប្រតិភូអំពីអាទិភាពរបស់កម្ពុជា ក្នុងការជំរុញការផ្ទេរបច្ចេកវិទ្យា ពិសេសសម្រាប់វិស័យកែច្នៃអាហារ និងកសិឧស្សាហកម្ម។ លោកក៏បានស្វាគមន៍គម្រោងវិនិយោគរបស់ក្រុមហ៊ុនលើការកែច្នៃអាហារ ដោយលើកឡើងពីកិច្ចខិតខំប្រឹងប្រែងរបស់ក្រសួងក្នុងការផ្តល់សេវាហេដ្ឋារចនាសម្ព័ន្ធគុណភាព ដូចជាសេវារបស់មន្ទីរពិសោធន៍ជាតិដែលទទួលស្គាល់ដោយស្ថាប័ន ISO ជាដើម៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា