ក្រសួងពាណិជ្ជកម្ម នឹងរៀបចំពិព័រណ៍ផលិតផលខ្មែរ ​

ក្រសួងពាណិជ្ជកម្ម សហការជាមួយ ស.ស.យ.ក. រៀបចំពិព័រណ៍ផលិតផលខ្មែរ ក្រោមប្រធានបទ«ខ្មែរធ្វើបាន៖ ចូលរួមជំរុញ និងគាំទ្រផលិតផលក្នុងស្រុក» ដែលនឹងប្រព្រឹត្តទៅពីថ្ងៃទី ២៦ ដល់ ថ្ងៃទី២៨ ខែកញ្ញា ឆ្នាំ២០២៥ នៅមជ្ឃមណ្ឌលសន្និបាត និងពិព័រណ៍កោហពេជ្រ (អាគារ G-L) រាជធានីភ្នំពេញ។

ព្រឹត្តិការណ៍ពិព័រណ៍នេះ រៀបចំឡើងក្នុងគោលបំណងបញ្រ្ជាបការយល់ដឹង និងបណ្ដុះស្មារតីចូលរួមជំរុញគាំទ្រការប្រើប្រាស់ផលិតផលក្នុងស្រុកឱ្យកាន់តែផុសផុល និងទំលំទូលាយបន្ថែមទៀត ដែលជាកត្តាចាំបាច់ដើម្បីពង្រឹងសមត្ថភាពផលិតកម្ម បង្កើនឱកាសការងារដល់ប្រជាពលរដ្ឋខ្មែរ និងជំរុញចរន្តសេដ្ឋកិច្ចក្នុងស្រុក។

ក្រសួងពាណិជ្ជកម្ម ក៏ សូមអំពាវនាវដល់ អាជីវករ ផលិតករ ពាណិជ្ជករ និងសាធារណជនទូទៅចូលរួមក្នុងព្រឹត្តិការណ៍ពិព័រណ៍មួយនេះឱ្យបានច្រើនកុះករ និងចួលរួមគាំទ្រ លើកស្ទួយ និងផ្សព្វផ្សាយផលិតផលក្នុងស្រុក ដើម្បីបង្ហាញមោទនភាពជាតិខ្មែរ ផងដែរ៕