អត្ថាធិប្បាយ
ហ្វាំងឡង់ ធ្វើឲ្យមាត់ទ្វារព្រំដែន ណាតូ និងរុស្ស៊ី កាន់តែរីកធំទ្វេដង
បន្ទាប់ពីប្រទេសហ្វាំងឡង់ចូលជាសមាជិកទី ៣១ របស់អង្គការណាតូកាលពីថ្ងៃអង្គារ ទី៤ ខែមេសា ធ្វើឲ្យមាត់ទ្វារព្រំដែនរបស់សម្ព័ន្ធមិត្តយោធាមួយនេះ ជាមួយប្រទេសរុស្ស៊ី បានកើនឡើងទ្វេដងជាង ១,២០០ គីឡូម៉ែត្រ ។
ពាក់ព័ន្ធនឹងបញ្ហានេះផងដែរ ទីក្រុងមូស្គូបាននិយាយម្តងហើយម្តងទៀតថា រុស្ស៊ីនឹងត្រូវបង្ខំចិត្តចាត់វិធានការសងសឹក ហើយថា ការចូលជាសមាជិករបស់ហ្វាំងឡង់ទៅក្នុងអង្គការណាតូ នឹងជះឥទ្ធិពលអវិជ្ជមានដល់ទំនាក់ទំនងរបស់ខ្លួនជាមួយរុស្ស៊ីផងដែរ ។
ទន្ទឹមនោះ ការចូលជាសមាជិកទី ៣១ របស់ហ្វាំងឡង់ទៅក្នុងអង្គការណាតូក៏ត្រូវគេមើលឃើញផងដែរថា ជាការបង្អាក់គោលដៅមួយផ្សេងទៀតសម្រាប់លោកប្រធានាធិបតីរុស្ស៊ី វ្ល៉ាឌីមៀរ ពូទីន ក្រោយលោកធ្លាប់បានត្អូញត្អែរអំពីការពង្រីករបស់ណាតូ មុនពេលប្រតិបត្តិការសឹករបស់រុស្ស៊ីលើអ៊ុយក្រែន ។
ស្របពេលជាមួយគ្នានេះ អ្នកនាំពាក្យវិមានក្រឹមឡាំង លោក Dmitry Peskov ក៏បានព្រមានដែរថា ប្រទេសរុស្ស៊ីនឹងឃ្លាំមើលយ៉ាងដិតដល់រាល់សកម្មភាពដែលកើតមានឡើងនៅក្នុងប្រទេសហ្វាំងឡង់ ដោយពណ៌នាការពង្រីករបស់ណាតូនៅពេលនេះថាជា “ការរំលោភលើសន្តិសុខ និងផលប្រយោជន៍ជាតិរបស់យើង” ។
ប្រទេសហ្វាំងឡង់មានព្រំដែនភាគខាងកើតប្រវែង ១,៣៤០ គីឡូម៉ែត្រ ជាមួយរុស្ស៊ី ហើយបន្ទាប់ពីសង្រ្គាមនៅអ៊ុយក្រែនបានផ្ទុះឡើង, ទីក្រុង Helsinki បានជ្រើសរើសយកការការពារតាមមាត្រា ៥ របស់ណាតូ ដែលបានចែងថា “ការវាយប្រហារមកលើសមាជិកណាមួយរបស់ណាតូ គឺជាការវាយប្រហារលើអង្គការមួយនេះទាំងមូលតែម្ដង” ។
ជាក់ស្តែង ក្នុងន័យនេះ ប្រសិនបើហ្វាំងឡង់ត្រូវបានឈ្លានពាន ឬវាយប្រហារណាមួយនោះ សមាជិកណាតូទាំងអស់ រួមទាំងសហរដ្ឋអាមេរិកផង នឹងមកជួយរដ្ឋាភិបាលទីក្រុង Helsinki ដែលមានកងកម្លាំងប្រដាប់អាវុធសកម្ម ប្រមាណ ៣ ម៉ឺននាក់ ជាមួយនឹងការបំពាក់បំប៉ន និងបណ្តុះបណ្តាលយ៉ាងល្អ ជាពិសេសប្រទេសនេះអាចមានសមត្ថភាពកែនទាហានបម្រុងបានដល់ ២៥ ម៉ឺននាក់ផងដែរ ។
ដោយឡែកប្រមុខអង្គការណាតូលោក Jens Stoltenberg បាននិយាយថា ការចូលជាសមាជិកអង្គការណាតូរបស់ហ្វាំងឡង់ នឹងធ្វើឲ្យប្រទេសមួយនេះមានសុវត្ថិភាព ហើយសម្ព័ន្ធភាពរបស់យើងកាន់តែរឹងមាំផងដែរ ហើយលោកសង្ឃឹមថា ប្រទេសស៊ុយអែតដែលបានដាក់ពាក្យចូលជាសមាជិកក្នុងពេលតែមួយជាមួយហ្វាំងឡង់ ក៏អាចចូលរួមជាមួយណាតូក្នុងរយៈពេលប៉ុន្មានខែខាងមុខនេះផងដែរ ។
គួរបញ្ជាក់ថា ប្រសិនបើប្រទេសស៊ុយអែតទទួលបានការផ្ដល់សច្ចាប័នពីសំណាក់ប្រទេសតួកគី និងហុងគ្រីឲ្យចូលជាសមាជិកទី ៣២ របស់អង្គការណាតូ នោះនឹងធ្វើឲ្យមាត់ទ្វារព្រំដែនសម្ព័ន្ធយោធាអង្គការមួយនេះ ជាមួយរុស្ស៊ី រីកកាន់តែធំជាងនេះទៅទៀត ៕
ប្រែសម្រួលដោយ ៖ ជីវ័ន្ត
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម