កូវីដ-១៩
អាជ្ញាធរខេត្តព្រមានចាត់វិធានការលើអាជីវករ និងឱសថស្ថានណាលក់ឡើងថ្លៃក្នុងវិបត្តិកូវីដ
អាជ្ញាធរខេត្តបន្ទាយមានជ័យប្រមានចាត់វិធានការផ្លូវច្បាប់លើអាជីវករ និងឱសថស្ថានណាដែលឆ្លៀតឱកាសលក់ទំនិញឡើងថ្លៃខុសធម្មតាក្នុងពេលប្រជាពលរដ្ឋកំពុងជួបបញ្ហាវិបត្តិការីករាលដាលជំងឺកូវីដ១៩។
រដ្ឋបាលខេត្តបានបញ្ជាក់ឲ្យដឹងថា ដើម្បីទប់ស្កាត់ដល់អាជីវករឆ្លៀតឪកាសធ្វើការតំឡើងថ្លៃទំនិញប្រើប្រាស់ គ្រឿងឧបភោគបរិភោគគ្រប់ប្រភេទ និងឱសថក្នុងការអនុវត្តវិធានការបិតខ្ទប់ភូមិមួយចំនួននៅក្រុងប៉ោយប៉ែតដើម្បីទប់ស្កាត់ការឆ្លងរាលដាលនៃជំងឺកូវី-១៩ ក្នុងភូមិសាស្ត្រខេត្តបន្ទាយមានជ័យ ដល់ម្ចាស់ ឬអ្នកគ្រប់គ្រងក្រុមហ៊ុន សហគ្រាស ដេប៉ូចែកចាយ ភោជនីយដ្ឋាន អាហារដ្ឋាន ផ្សាររដ្ឋ ឯកជន ផ្សារទំនើប ផ្សារម៉ាត ឱសថស្ថាន ហាងលក់ភេសជ្ជៈ ហាងកាហ្វេ អាជីវកម្មដ្ឋាន សេវាកម្មដ្ឋាន និងកន្លែងលក់ទំនិញគ្រប់ប្រភេទ។
ដោយស្ថិតក្នុងដំណាក់កាលនៃការឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈ និងក្នុងគោលបំណងធានាដល់ប្រសិទ្ធភាព នៃការគ្រប់គ្រងការឆ្លងរាលដាលនៃជំងឺកូវីដ-១៩ ដោយអនុលោមតាមច្បាប់ និងលិខិតបទដ្ឋានគតិយុត្តជាធរមាន រដ្ឋបាលខេត្តបានសម្រេចបិទខ្ទប់តំបន់មួយចំនួនក្នុងភូមិសាស្ត្រខេត្តបន្ទាយមានជ័យ។ ក្នុងន័យនេះដើម្បីជួយសម្រួលដល់ជីវភាពរស់នៅរបស់ប្រជាពលរដ្ឋ រដ្ឋបាលខេត្តបន្ទាយមានជ័យមានវិធានការដូចខាងក្រោម១មិនត្រូវដំឡើងថ្លៃទំនិញប្រើប្រាស់ គ្រឿងឧបភោគបរិភោគគ្រប់ប្រភេទ និងឱសថ ថ្លៃលើសឬថ្លៃហួសហេតុ ដែលធ្វើឱ្យប៉ះពាល់ដល់ជីវភាព និងការរស់នៅរបស់ប្រជាពលរដ្ឋ ២ត្រូវអនុវត្តវិធានការអនាម័យ គុណភាព សុវត្ថិភាពចំណីអាហារ និងកិច្ចការពារអ្នកប្រើប្រាស់ ដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ-១៩ ក្នុងសហគមន៍។
៣ត្រូវរៀបចំឲ្យមានម៉ាស ទឹកអាកុល សាប៊ូ ឬជែល សម្រាប់លាងដៃ និងរៀបចំឧបករណ៍វាស់កំដៅសម្រាប់អតិថិជន និងបុគ្គលិករបស់ខ្លួន នៅច្រកទ្វារចូលរៀងរាល់ថ្ងៃ ព្រមទាំងផ្ដល់ព័ត៌មានចាំបាច់អំពីជំងឺកូវី-១៩ ដល់បុគ្គលិក ត្រូវយកចិត្តទុកដាក់ពិនិត្យតាមដានសុខភាពបុគ្គលិករបស់ខ្លួន និងអនុវត្តឲ្យបានខ្ជាប់ខ្ជួនតាមគោលការណ៍ណែនាំរបស់រាជរដ្ឋាភិបាលនូវវិធានការ ៣ការពារ ៣កុំ និងអនុវត្តតាមវិធានការសុខាភិបាល ហើយក្នុងករណីមិនចាំបាច់កុំធ្វើដំណើរចេញពីលំនៅឋាន ឬទីសំណាក់របស់ខ្លួន។
គោលបំណងអនុវត្តវិធានការទប់ស្កាត់ការឡើងថ្លៃទំនិញប្រើប្រាស់ គ្រឿងឧបភោគបរិភោគគ្រប់ប្រភេទ និងឱសថ មន្ទីរ អង្គភាពពាក់ព័ន្ធ រដ្ឋបាលក្រុង ស្រុក ឃុំ សង្កាត់ និងអាជ្ញាធរមានសមត្ថកិច្ច ម្ចាស់ ឬអ្នកគ្រប់គ្រងផ្សាររដ្ឋ ឯកជន ត្រូវតាមដានត្រួតពិនិត្យអាជីវករ និងម្ចាស់អាជីវកម្មដ្ឋាន ក្នុងករណីពិនិត្យឃើញថា មានការលក់លើសថ្លៃ ឬថ្លៃហួសហេតុ ត្រូវចាត់វិធានការផាក ឬបញ្ឈប់ ឬដកអាជ្ញាប័ណ្ណជាបណ្ដោះអាសន្ន ឬស្ថាពរ ព្រមទាំងចាត់វិធានការតាមផ្លូវច្បាប់ជាធរមាន៕
អត្ថបទ ៖ វ៉ាន់ ណាង
-
ព័ត៌មានជាតិ៨ ម៉ោង agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៦ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៣ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៤ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី