Connect with us

កូវីដ-១៩

ហ្វីលីពីន លេងធម៌ក្ដៅលើអ្នកដែលពាក់ម៉ាសដាក់ក្រោមចង្កា និងក្រោមច្រមុះ

បានផុស

នៅ

ប្រធានាធិបតីហ្វីលីពីនលោក Rodrigo Duterte បានចេញបញ្ជា ឲ្យប៉ូលីសចាប់ខ្លួនអ្នកណាម្នាក់ ដែលមិនពាក់ម៉ាស់ឲ្យបានត្រឹមត្រូវ ដូចជាទាញដាក់ក្រោមចង្កា ឬក្រោមច្រមុះជាដើម ដោយសារតែប្រទេសនេះ កំពុងប្រយុទ្ធដើម្បីទប់ស្កាត់ ការឆ្លងជំងឺកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូផ្លូវការមួយ ដែលត្រូវបានចេញផ្សាយកាលពីល្ងាចថ្ងៃព្រហស្បតិ៍ បានបង្ហាញថា លោក Duterte បានចេញសេចក្តីណែនាំ បន្ទាប់ពីកិច្ចប្រជុំមួយ ជាមួយក្រុមការងារជំងឺកូវីដ ១៩ របស់លោក ។

មនុស្សរាប់ពាន់នាក់ ត្រូវបានផ្តន្ទាទោស ពីបទរំលោភលើច្បាប់ជំងឺកូវីដ ១៩ ចាប់តាំងពីចុងខែមីនា នៅពេលការរឹតត្បិត ត្រូវបានរឹតបន្តឹងនៅក្នុងរដ្ឋធានី និងខេត្តជុំវិញ បន្ទាប់ពីមានករណីឆ្លងកើនឡើង ។

ទន្ទឹមនោះ រដ្ឋលេខាធិការយុត្តិធម៌ និងប៉ូលិស បានជំរុញឲ្យមន្រ្តីប៉ូលិស ធ្វើការផាកពិន័យជនល្មើស ឬធ្វើឲ្យពួកគេបម្រើសហគមន៍ ជំនួសឲ្យការចាប់ខ្លួនពួកគេ បន្ទាប់ពីការស្លាប់របស់បុរសម្នាក់ ដែលត្រូវបានបង្ខំឲ្យអាវ៉ង់ ៣០០ ដង ដែលជាការដាក់ទណ្ឌកម្ម ចំពោះការរំលោភបម្រាមគោចរ ។

លោក Duterte បាននិយាយថា “បទបញ្ជារបស់ខ្ញុំទៅប៉ូលិស គឺចំពោះអ្នកដែលមិនពាក់ម៉ាស របស់ពួកគេឲ្យបានត្រឹមត្រូវ ត្រូវចាប់ខ្លួនពួកគេ និងឃុំខ្លួនពួកគេ ហើយស៊ើបអង្កេតថា ហេតុអ្វីពួកគេកំពុងធ្វើវា ។ វាមិនមែនសម្រាប់ខ្ញុំទេ វាមិនមែនសម្រាប់យើងទេ វាជាផលប្រយោជន៍របស់ប្រទេស ដូច្នេះអ្នកនឹងមិនឆ្លងកូវីដទេ” ។

បន្ថែមពីនេះ លោក Duterte កាលពីឆ្នាំមុន បានប្រាប់កងកម្លាំងសន្តិសុខ ឲ្យបាញ់សម្លាប់អ្នកណាម្នាក់ ដែលបង្កឲ្យមានបញ្ហានៅក្នុងតំបន់ ដែលស្ថិតនៅក្រោមការបិទខ្ទប់ ប៉ុន្តែបែរជាមានការថ្កោលទោសពីក្រុមសិទ្ធិមនុស្ស ។

គួរបញ្ជាក់ថា បច្ចុប្បន្នហ្វីលីពីន មានករណីឆ្លងជំងឺកូវីដ ១៩ ខ្ពស់បំផុតទី ២ នៅអាស៊ីអាគ្នេយ៍ ដោយមានអ្នកឆ្លងជាង ១ លានករណី និងមានអ្នកស្លាប់ចំនួន ១៧,៩៩១ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ បុរសហ្វីលីពីន ស្លាប់បន្ទាប់ពីប៉ូលិសដាក់ទណ្ឌកម្មឲ្យអាវ៉ង់៣០០ដង ដោយសារចេញក្រៅផ្ទះទិញទឹកផឹកក្រោយម៉ោង ៦ល្ងាច

ចុចអាន ៖ ហ្វីលីពីន ហាមប្រាមអ្នកធ្វើដំណើរមកពីប្រទេសឥណ្ឌា ពាក់ព័ន្ធកូវីដបំប្លែងខ្លួនថ្មីដែលគេកំពុងភ័យខ្លាច

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

នគរបាល​ស្រុក​សូទ្រនិគម ឃាត់ខ្លួន​ជនសង្ស័យ​៣​នាក់​ ករណី​លួច​ទ្រព្យសម្បត្តិ​នៅ​តូប​លក់​អេតចាយ​មួយកន្លែង

កីឡា៧ ម៉ោង មុន

ភ្នំពេញក្រោន ឈ្នះជើងឯកខេមបូឌានលីគ​ខាប់ និង​ជា​ក្លិប​ដំបូង​គេ​ឈ្នះ​ពាន​រង្វាន់​បាល់​ទាត់​កម្ពុជា ៣ផ្សេងគ្នា

នយោបាយ៨ ម៉ោង មុន

គ​.​ជ​.​ប សម្រេច​អនុញ្ញាត​ជូន​ភ្ញៀវ​ពិសេស​សម្រាប់​ពិនិត្យមើល​ការបោះឆ្នោត ​ជ្រើសរើស​ក្រុមប្រឹក្សាឃុំ សង្កាត់

ព័ត៌មានអន្ដរជាតិ១០ ម៉ោង មុន

ទៅយកអំណោយ បែរជារត់ជាន់គ្នាស្លាប់ ជាង៣០នាក់ នៅ នីហ្សេរីយ៉ា

ព័ត៌មានអន្ដរជាតិ១០ ម៉ោង មុន

សត្វស្វានៅក្នុងប្រទេសថៃ ចាប់ផ្តើមអត់ចំណី ព្រោះជំងឺអុតស្វា

Sokha Hotels

ព័ត៌មានពេញនិយម