កូវីដ-១៩

វិធីងាយៗ បង្កើតខ្យល់អុកស៊ីសែនបរិសុទ្ធដោយធម្មជាតិនៅក្នុងផ្ទះ នាអំឡុងកូវីដ

បានផុស

៣ years មុន

នៅ

ថ្ងៃអង្គារ ១៨ ឧសភា ២០២១

ដោយ

មនុស្សគ្រប់គ្នាមិនបានដឹងថា ខ្យល់នៅក្នុងផ្ទះតាមពិតទៅគឺមានខ្យល់កខ្វក់និងពុលច្រើនជាង ២ ទៅ ៥ ដង។ រាប់ចាប់ពីពូកដែលយើងគេង ខោអាវក្នុងផ្ទះសុទ្ធតែអាចផ្ទុកជាតិគីមីនិងជាតិពុលដែលបង្កគ្រោះថ្នាក់។ លោកវេជ្ជបណ្ឌិត Manoj K. Ahuja នៃមន្ទីរពេទ្យ Healing Touch មានប្រសាសន៍ថា“ ការដកដង្ហើមនៅក្នុងឧស្ម័នពុល អាចបណ្ដាលឲ្យមានកន្ទួលរមាស់ ក្អក រលាកក្នុងភ្នែក ក៏ដូចជាជំងឺហឺត។

ដូច្នេះហើយ ទើបយើងត្រូវអនុវត្តន៍វិធីខាងក្រោមនេះ ដើម្បីទទួលបានខ្យល់បរិសុទ្ធចូលក្នុងផ្ទះ។

១ បង្កើនខ្យល់ចេញចូល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទះដែលមានខ្យល់ចេញចូលជួយកាត់បន្ថយកម្រិតសំណើម ដែលជាបញ្ហាធំមួយសម្រាប់គុណភាពខ្យល់ក្នុងផ្ទះ។ ប៉ុន្តែមិនបាច់បើកបង្អួចឲ្យខ្យល់ពុលខាងក្រៅចូលកន្លែងរស់នៅឡើយ។ ផ្ទុយទៅវិញអាចដំឡើងបំពង់ខ្យល់ ដើម្បីបន្សុទ្ធនិងវដ្ដខ្យល់ដែលមនុស្សក្នុងផ្ទះអាចដកដង្ហើមបាន។ ជម្រើសដ៏ល្អមួយទៀតគឺត្រូវប្រើកង្ហារដើម្បីឲ្យផ្ទះបាយមានខ្យល់ចេញចូល។ អ្នកវិទ្យាសាស្ត្របានវាស់ស្ទង់គុណភាពខ្យល់ក្នុងផ្ទះរកឃើញថា ការចម្អិនអាហារតែមួយមុខលើចង្ក្រានហ្គាសអាចបង្កើតកម្រិតអាសូតឌីអុកស៊ីតនៃ EPA ។

២ ដុតទៀនឃ្មុំ

ជៀសវាងទៀនប្រេង paraffin ដែលអាចបញ្ចេញជាតិ benzeneនិងទឹកអាស៊ីដបង្កគ្រោះថ្នាក់។ ជាការល្អសូមជ្រើសរើសទៀនឃ្មុំដែលធ្វើឲ្យខ្យល់និងបន្សាបសមាសធាតុពុល រួមទាំងសារធាតុកខ្វក់ផ្សេងៗ ក្រៅពីធ្វើឲ្យប្រសើរឡើងនូវគុណភាពខ្យល់នៅផ្ទះ ទៀនឃ្មុំស្ទើរតែគ្មានផ្សែងឬក្លិនក្រអូប ហើយវាមានប្រយោជន៍សម្រាប់អ្នកជំងឺហឺតនិងបំបាត់អាឡ័កស៊ីទូទៅដូចជាធូលីនិងលំអង។

៣ ចង្កៀងអំបិល

វេជ្ជបណ្ឌិត Manoj K. Ahuja និយាយថា ចង្កៀងអំបិលពណ៌ផ្កាឈូកគឺជាម៉ាស៊ីនបន្សុទ្ធខ្យល់អ៊ីយ៉ុងធម្មជាតិ ដែលទាញជាតិពុលពីបរិស្ថាននិងបន្សាបខ្យល់ពុល។ ផលិតផលគ្រីស្តាល់អំបិលមានទំនោរកាត់បន្ថយការរលាក ភ្នាក់ងារបង្ករោគនិងអាឡ័កស៊ី ដោយទាញចំហាយទឹកចេញពីខ្យល់ ដោយគ្រាន់តែបន្ថែមចង្កៀងនៅបន្ទប់ឬនៅក្បែរតុនៅឯការិយាល័យ។

៤ ធ្យូងកាបូន

ធ្យូងដែលធ្វើឲ្យសកម្មត្រូវបានគេហៅថាកាបូនសកម្មផងដែរ វាគ្មានក្លិននិងស្រូបបានខ្ពស់ ហើយអាចធ្វើការអស្ចារ្យជាមួយនឹងការលុបបំបាត់ជាតិពុលពីលើអាកាស។

៥ ដាំរុក្ខជាតិជុំវិញផ្ទះ

វិធីនេះអាចប្រើបានទាំងរុក្ខជាតិធំតូចនិងដើម្បីលំអគេហដ្ឋានផងដែរ។ រុក្ខជាតិគ្រប់ប្រភេទសុទ្ធតែអាចស្រូបយកឧស្ម័នកាបូនិកនិងបញ្ចេញអុកស៊ីសែនឲ្យមនុស្ស។

៦ ប្រេងសំខាន់ៗ

ការសិក្សាពីសាកលវិទ្យាល័យ Weber State បង្ហាញថាប្រេង Thieves មានអត្រាសម្លាប់ ៩៩,៩៦% ប្រឆាំងនឹងបាក់តេរីដែលបណ្ដាលមកពីខ្យល់។ វាគឺជាការលាយបញ្ចូលគ្នារវាង pine needle, cinnamon ខ្ញី ក្រូចឆ្មារ និងក្រូចថ្លុងដែលជួយរក្សាគេហដ្ឋានពីមេរោគនិងបន្សុទ្ធខ្យល់បានល្អ៕

ប្រែសម្រួល៖ សាង ស្រីល័ក្ខ

ប្រភព៖food.ndtv

ចុចអាន ៖ក្រុមអាហារទទួលទានច្រើនកាលណា អាចធ្វើឲ្យរាងកាយប្រែជាមិនស្រួលខ្លួន

ចុចអាន៖ទម្លាប់សាមញ្ញៗមែនពិត តែដូចនាំជំងឺចូលក្នុងខ្លួនទាំងមិនដឹង អំឡុងកូវីដ